غنية جديدة ومسلسل هارب جديد fireworks of my heart
تحفة فنية ماراحش تندمو كي تتفرجوه قااع والسيناريويخطف الانفاس والمشاعر😍
واكتاشفت انو لي يحكمهم الفراغ بعد كل مسلسل ويبكي اسمو اكتئاب 🙂💔 وراني وحدة منهم بصح روح برك !
هاد المسلسل راه تحفة فنية وكثر ! ماراحش تندمو كي تتفرجوه فيهم لقطات يبكيو ولوخرين يضحكو وحدوخرين يحسوكم بحب العائلة وشريك حياتك🥰✨
واهم حاجة فيها انهم برزوا دور الاطباء لي فالعالم ورجال حماية المدنية🤍
...
بعد ماحكات مع عبدالله وحكاتله بلي لقات عايلتها ومالازمش يتقلق عليها ...قعدت تتفرج فشومبرتها الجديدة ... تحس بالضياع ومخها لي تبلوكا ...هاد الاحداث المفاجئة ماتقدرلهمش...تنهدت بتعب وهي تخمم فواش راح تدير ...راهي لقات عايلتها وهاد الشي مليح بصح علاه راهي تحس روحها غريبة ؟ علاه هاداك الشعور بالغير الانتماء راه داخلها ... دكا كي لقيتهم ولقاوني وش راح يصرا ؟؟ شكون هاا لي كان مسؤول على اختطافي ؟ مايكون غير اكثر شخص يكره والديا ... العايلة !
...
كان براك كاين حديقة فيها ورد وشجر كانت شابة ...ريحت فيها وهي تسيي تصفي مخها ... ماكانش علابالها وش تدير حتى جاها صوتو ...خلاو الفللش باكات تع الصغر والايام الشابين يفوتو عليها بسرعة البرق
آدم:وش راكي تديري هنا...بلاكي البرد
خزرت فيه شوية ودارت وقالت
الهام :ماشي هدا هو لي يهمني...راح نمرض ونبرا ...
ريح قدامها وقعد يخزر فالورد لي كانت تشوف فيه ونطق بكل جدية وكأنو قرا مخها
آدم:صعيبة ياك ... راح تبان الحقيقة مهما كان الحال
تنهدت الهام وناضت من بلاصتها مقابلاتو وقالت بصوت مسموع كثر من اللازم
الهام :قولي ! شكون اكثر واحد يكره عايلتي ؟
آدم:اذا كنتِ على الكره ...اممم....خليني نخمم ...كامل يكرهو عايلتك !
عقدت حواجبها وتنهد هو بدورو ونطق
آدم:كامل راهم متقابضين في ورث باباك ... هو لي راه داي اكبر حصة فالعايلة ومن خدمتو ...مالغري سمع فتاع العايلة بصح راهم طامعين فلي عندو بأسمو ...من صغيرهم للكبير ! كامل طامع فيكم ودكا كي وليتي راح يديرو المحال بش يمحوك نتي قبل ...وبعدها والديك
الهام :راك حاب تقول بلي الخناين لي طلقوهم هاديك الخطرة كذب ؟
آدم:المرا تبقى مرا ! تلعبلك اي دور
ناض من بلاصتو مقابل ليها وكان فرق الطول شاسع مالغري واحد النهار كانو غير صغاار
آدم:الهام ! اذا تحبي تسلكي من المأساة الجاية ... اهربي واتخباي ! فالوقت الصحيح اضربيهم
أنت تقرأ
الوريثة الوحيدة (باللهجة الجزائرية)
Romance❗كرونيك جزائرية ❗ النوع:غموض -اكشن-دراما-رومانسي-جريمة وش راح يصرا نهار نولي للدار لي حاولو يقتلوني فيها علاخاطر انا هي الوريثة الوحيدة لأكبر ابن فالعايلة ؟ واهم من هاد الشي...كامل حابينني نموت...
