لحق ليها وغير شافها فوسط ديك الساحة ، ضو تع القمر طايح عليها والريح لي كانت تحرك في روبتها ، خدود حمرين وعينين كحلين طايحين فالارض ورموشها لي كانو طوال ويلمعو تحت هاديك الضو ... مع حواجب كثيفة كحلين ... رجليها لي ماحبوش يحبسو من الحركة من الستراس ويجيها لي قريب يطيحو من ثقل الطلاع لي كانت رافداتو ... لحق ليها وحكم هاداك الطلاع يلهث وبابتسامة بلهاء ، رفدت راسها بشهقة وبزربة كي شافتو بهاديك اللبسة ، هممم كي شافتو ديراكت قالت مع روحها بلي شباب بصح حشمت من روحها وسيات تنسى الفكرة ...
آدم:سيرين ... كيفاه جيتي ؟
تبسمت بهدوء ولوحت يدها للطونوبيل موراها وقالت
إلهام :كان إياد حاب يشوفك ... بثح راه فطونوبيل راقد وفالدار عطاولي شي صوالح نوصلهملك ...راني هناا...
تنهدت ودورت راسها من الحشمة وهو فالاتجاه المعاكس وقالت بعد مدة من الصمت ...الخاوة راهم حشمااانين
الهام :مالا انا نروح ...مانيش حابة نخلي الشوفور يقارعلي !
اومئ بالسيف عليه ...وبانت خيبة امل فبين عينيه وماحبش يغيب عليها دقيقة ، راه حاب يقعد معاها لابغا شوية ، رفدت يدها باش تودعو وبابتسامة متوترة وراس فالارض ، بصح ماكانتش متوقعة انو يشدها من يدها لي كانت تودعو بيه وعنقها ليه...
آدم:اطهلاي في روحك ، غادي نغيب لشي وقت ...بلاك لوقت طويل...بصح نوعدك بلي حاجة ماغادي تآذيك ...زوريني ساعة على ساعة كي مانجيش
دقات قلبهم لي بدات تتسارع ، اكتفت بإماءة صغيرة ... رجفة خفيفة كان بأطرافها ، بلاك ماموالفاش بهاد النوع من التصرف ، لي تقدر تعرقفو كامل هو كان ضرب وتعنيف...عناق ؟ ...حتى جات للعايلتها باش ولات تحس بدفا ناس وحدوخرين ظ تسمع لدقات قلوبهم ... وتشم ريحتهم الدافية
بينما عصافيرنا يستكشفو فمشاعرنا ، لازم توجور يكون كاين متفرج، متفرجين قصدي...فريد وعامر فالصف اللول وعشرين لوخرين موراهم بتفرجو وبحماس فالقائد تعهم لي مرمدهم صباح بالتدريبات دوك راه يتعامل مع طفلة بحنية تامة
فريد:شكون هادي؟
عامر :قال سيرين ... وبنت عمو لي تختطفت سيرين... بلاك هي ...
تدخل نسيم بيناتهم وقال
نسيم:صباح نحالي ظهري ودوك راه خايف لاترفد مرته الثقيل ! ...ماشي عقلية هادي ...
مروان :ايه ، زيغنت طلع القائد رومانتيك يااه ، وانا مشبعني دورات ،غير نفوت قدامة يقولي روح اضربزوج دورات تنحي بيهم هاديك الدوارة
عامر :بصح اسمحلي ياخويا ، بهاديك الكرش الكريمينال ويضحك عليك كي تجي تشدو ...
فريد :كون تضربك رصاصة في كرشك غادي تولي ، ماتقدرش تدخل من الشحمة لي فيك
تطرطقو لوخرين بالضحك على مروان ، وراح منارفي عليهم ... وقبل مايقدرو يقرعجو شوية برك جاهم واحد الصوت ، تقول خطوات جااارية ويعيط
أميين: ارواحو ارواحو جبتلكم الجديد سخون
وهوما كامل يسييو يسكتو فيه من البعيد وهو والو غير يزيد فالصوت وكل مايقرب الصوت غير يزيد
امين :القايد. ! القايد ! جزت عليه لقيتو مع مرتو !!!
وهناا دخل عليهم دخلة تع بوولينغ وماركة ستة ، هاداك الدرع لي بناوه كامل تراب وطاحو من الباب هاديك وتتنحل كامل على آدم وإلهام ، دورو بالزربة ويلقاوفريد وعامر فالصف اللول فالارض طايحين ولوخرين لي سيا ينوض وهرب ولي ماقدرش ، وباينة امين مع فريد وعامر مستف فالارض معاهم ... ضحك بتوتر وقال
أمين:ني ندير لي بومب يالقايد ... هاه
ااه ، مساكين...ناغاديش يرقدو الليلة...
أنت تقرأ
الوريثة الوحيدة (باللهجة الجزائرية)
Любовные романы❗كرونيك جزائرية ❗ النوع:غموض -اكشن-دراما-رومانسي-جريمة وش راح يصرا نهار نولي للدار لي حاولو يقتلوني فيها علاخاطر انا هي الوريثة الوحيدة لأكبر ابن فالعايلة ؟ واهم من هاد الشي...كامل حابينني نموت...
