❗كرونيك جزائرية ❗
النوع:غموض -اكشن-دراما-رومانسي-جريمة
وش راح يصرا نهار نولي للدار لي حاولو يقتلوني فيها علاخاطر انا هي الوريثة الوحيدة لأكبر ابن فالعايلة ؟ واهم من هاد الشي...كامل حابينني نموت...
احم ! ني وليت ووليت بمسلسل جديد بزااف شباب ننصحكم تشوفوه✨
crazy love مسلسل كلشي فيه يضحك ورومانسي مع واحد الغموض ...المهو بزاف احداث شابين كملو في نهار 😭
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
دارو ليها كامل وتيبسوا في بلاصتهم ... تبسمت الهام بتوتر وقالت وهي تشوف فإياد وفآدم ساعة على الساعة
الهام : وي إياد ؟
صحكة ساخرة خرجت من فم واحد منهم ...وزاد هاد الشي توتر ...همسات بدات تتعمر ... حست بالضغط فجأة والعبء تع هدرتهم لي بدا يعمر ظهرها حتى نطق اياد ببراءة تامة
اياد :هادو ...هادو شكون ؟
ضحكت مليكة وآدم تاني غير بلاعقل والهام هبطت راسها من الحشمة وماقدرتش تخرج كلمة"عايلة" وقال اياد وهو يمسح في فم اياد
آدم : هادو ! كااااامل ! عايلتك
خزر فيهم اياد بالواحد وقال بنوع من الرفض
اياد :يكفيني خالو آدم ...
ضحك آدم ومسح على راسو وخزرت فيهم مليكة بش يكمل. ياكلو بينما عينيهم كانوا يحكو الموضوع بكل وضوح
...
خلاض العشا وأخيرًا وحان وقت السهرة ...تلايمو كامل فالصالة لي كانت كبييرة وواسعة وتلامت كل الاصوات والضحكات فهاديك الدار ... كانت الهام مريحة مع اياد تلعب معاه وفنفس الوقت تدعي انو واحد مايخلط فيها لأنها اصلًا ماهيش قادرة تزيد تتمشى خطوة وحدة برك من الستراس ... حتى سمعت تلفونها صونا "اخرجي للجاردان نتي واياد "
تنهدت الهام بتعب وناضت بش تخرج لبرا ...كانت تتمشا لبرا حتى صادفت مريم بنت كوثر خت عبدالرحمان ... حاولت تتجاهلها وحكمت يد تع اياد حتى سمعت مريم تقول
مريم :هادا وش خصنا فهاد الدار ! لي يجي يوسخها...
حبست الهام ودارت ليها مريم بابتسامة ساخرة وقالت
مريم: الهام ختي ! عجبك الحال هنا ؟ نتمنى مارانش مثقلين عليك
خزرت فيها الهام ورجعت اياد للور وسبقتها مريم قالت بفضول
