شدلها يدها مانعها من انها تخرج قبل مايهدر ... دارت ليه وولات للور شوي تقارع يهدر كلمتو...جبد يدو منها بللعقل وقال
آدم:ديري روحك من اي حاجة يمدوهالك ولا تخرج من فمهم ! تبانلك بلي عايلة متماسكة فرحانة ! بصح لي راه حابك ميتة راه بيناتهم ... وراح يتنمرو شوية عليك مي تجاهليهم اذا لقيتي لعبهم زاد قوليلي انا وعمي عبدالرحمان (باباها) راح نقلبو هاد الدار عليهم
اومئت الهام بتفهم وراحت تخرج ... وقبل ماتغلق الباب هبطت وخزرت فآدم بابتسماة
الهام:كش واحد قالك بلي راك شباب ؟
تبسم آدم وقال
آدم:ماشي حتى يقولوهالي هادي !
غلقت الباب وشنفت عليه قالت
الهام:عيب الواحد يسيي يشكرك...المهم صحيت على التوصيلة
راحت طلعت إياد من الطونوبيل بصح لقات صعوبة فالقاطو هاديك بش ترفدها وهو كان يشوف فيها .. تنهد ونحا الحزامة وقال قبل مايخرج من الطونوبيل
آدم:خلي دزك نجيبهملك!
الهام: اه ! نتعاونو عليهم ... ام ؟
رفد آدم هادوك السنيواات كامل وغلق الباب برجله ونطق بتفاخر يشارشي فيها
آدم:قتلك خلي نرفدهم عليك يالالة لعروسة !
راح سبقها وهي شدت يد إياد بعد ماسقداتو وراحو يتمشاو ونطقت
الهام : اياد وليدي ... هاد الدار هي دار عايلتك ... بصح كيفها كيف دارنا القديمة ...بلاك تبعد عليا صحا
اومئلها بتفهم وقال وهو يخزر فيهايتبع تعابيرها
إياد:تسما بابا راه هنا ؟
حبست لثانية تبلوكات ... خزرت فيها بلاعقل وبابتسامة مزيفة خايفة قالت تسيي تطمن فيه
الهام:لا ...لا ! مكانش باباك... مكانشو ! رانا مع بعض حاجة ماتقدر تتوشيك صحا ؟
اومئ بهدوء ودخلو الباب وين استقبلتها يماها سهيلة بابتسامة راحت تسلم عليها بربعة تحسب ماشي قبيلة برك كانو مع بعض فالدار
سهيلة : بنتي !خمسة وخموس عليها .. طلعتي كي العروسة
هي هبطت عينيها من الحشمة زعما ...بصح تفكرت بلي ماهمش وحدهم وكانت لتم العائلة الكريمة ! قصدي العرش ... وراحت تسلم عليهم حتى خدودها تلصقو مع خدود لوخرين ... وبدات النميمة والإشاعات يتطايرو منا ملهيه ...
كانت مريحة فالصالون مع اياد يتفرجو فالتلفون حتى جاها الميساج تع آدم يقول "اهبطي للساحة دقيقة مع اياد"
هي شافتها منا سوطات وديجا لحقت لتم وبلهثة ... آدم كان متكي على طونوبيلتو يتشمس ويشوف المناظر الخضراء ...حت. لمحها ولمح صوت جيها ولهثانها ونطق بتعجب
آدم:تحسبي عيطتلك من كاش جبل وقتلك ارواحي اجري
ماحبتش تعاندو علاخاطر علابالها بلي ماراحش تخلاص وقالت
الهام: وش كاين ؟
خزر آدم فإياد امبعد فإلهام وقال
آدم:نخلي اياد عندي خير ...نخاف من النساوواش يقدرو يديرو بالملايكة ... نيخايف لايطيبوهولنا شطيطحة تع العرس انتقام لعايلتك ... ولا ممكن يطرفوه ويحطوه مع المجمر ...
الهام كانو ملامحها يتعوجو مع كل دقيقة حتى غلقت وذنين تع اياد ... وقالت تسيي تحبس فيه مايهدر بأفكارو الباطنية بصوت عالي
الهام : صيبون فهمتك ! فهمتك ! هاك اديه ...
تبسم وحكم يد اياد ونطق
آدم:وقتاه تولي للدار ؟ولا تباتي ؟
تنهدت الهام وقالت بتخمام
الهام:نولي للدار خير بش مانحطش روحي فالمشاكل ...
اومئ بموافقة وقاللها
آدم: كي تبغي تولي ولا تروحي ولا اي حااجة ! عيطيلي ليا وماتحوسيش تعيطي لإنسان خلاف صحا ؟
حركت راسها بالموفقة وقالت بفضول
الهام :والكورتاج ؟ نروح مع بابا ياك ...
اومئلها مالغري كانت من فوق قلبو وامئتهي كوداع وقبل ماتروح تولي نطق
آدم:الطونوبيل راح تكون فارغة ليكم نتي وايادو ! صحا ؟
تبسمتلو ودارت كملت طريقها للدار ... وكأن اول مرة تسمع لقلبها يخبط ...وواحد الدفا حاصر جسمها ...كان عمبالها بلي راح تمرضوخافت شوية ...بصح هاديك الدغدغة اكدتلها بلي هادوك مشاعر السعادة
يُتبع ...
أنت تقرأ
الوريثة الوحيدة (باللهجة الجزائرية)
عاطفية❗كرونيك جزائرية ❗ النوع:غموض -اكشن-دراما-رومانسي-جريمة وش راح يصرا نهار نولي للدار لي حاولو يقتلوني فيها علاخاطر انا هي الوريثة الوحيدة لأكبر ابن فالعايلة ؟ واهم من هاد الشي...كامل حابينني نموت...
