كانت الظلمة فديك الدار ، غير خطوات بطيئة وتنهيدة مور ختها ، نحا هاديك الساعة وحطها فالطابلة ، دور راسو للسرير وين لقاها راقدة ... جبد الكرافاتة لي كانت تخنقو ... وعاود خرج من ديك الشومبرة للبيرو تاعو ... بخطوات مزروبة ووجه متهجم والفضول قريب يقتلو ... حل واحد الدرج لي كان فيه باكي تع ورق...قدر يربط وش قال سليم قبيلة بواش كاين فالورق ، اذا كانت الهام هي الوريثة لكل أملاك هاد العايلة ، وواحد مايعرف بهاد الشي...بصح لي حاب يقتلها علابالو ... وراه فالعايلة ، والاسوء هو وش رح تورث ؟ الأرض ...الأرض لي بيها غادي تموت فالحبس ...
...
طارق ، شرطي...
كانو الضواوي الزرقا والحمرا فديك المنطقة كاملة ، شيارات الاسعاف ولابوليس ... من لي اكتشفو جثة وحدة لقا خمسين جثة خلاف فداك الجبل ...
طارق :هاد الأرض ، ليمن ؟
...: هاد الأرض مكتوبة على إسم كريمة من عايلة *****
حتى حس بأصابع يضربو كتفو ، حسين، طبيب شرعي
حسين :لازم تشوف هادا...
كانو الجثث عشوائية ، كبار وصغار ، نسا ورجال ...مي العفسة لي كانت مخليتهم يصنعو فضيحة لعايلة عبد السلام ، ثروة العايلة تجي من بيع أعضاء ؟ ...هادا وش صنعت جرائد والأخبار...ماتهم حت حاجة من غير ان جريدتهم تكون الأولى فالبيع.
...
وكيما كان الحال ، دخلت الشرطة على العايلة... مجرد استجواب قدر يهز العايلة ، لحسن حظ كريمة انها كان عندها وثائق تخبرها بلي شراء هاديك الارض كان مجرد ايام برك والجثث كانو لتم كثر من عشرين سنة ... من قبل ماتتخطف الهام ...بصح سمعة العايلة راهي ضاربة فالحيط دوك
...
تنهدت الهام وهي تسيي تقرا هادوك الورق لي عطاهملها عبد الرحمان باباها ، حتى دخلت يماها عليها بنسيوة فيها قاطو وقالت بابتسامة
سهيلة:راكي تقراي ؟
تبسمت إلهامبتعب وقالت حاكمة هاديك السنيوة بيلاما سهيلة تريح قدامها
الهام:اييه... عطاهوملي لغدوة باش نديرهم وراني حاصلة ...
سهيلة :في غرضك ، اذا مافهمتيش تقدري تقوليلو راح يعاونك بزااف
وقبل ماتقدر ترد عليها الهام ، تخبطت الباب ودخل عبد السلام ، دخلة الاساطير ، عكازة ونواظر الشمس ويده في خصرو وقال بابتسامة وصوت عالي
عبدالسلام: مرحبا بيا في داري !اوو بنتي الهام
ناضت سهيلة والهام يرحبو بيه وريح عبدالسلام وقال بنبرة عتاب وغضب ، يقول ويعاود
عبدالسلام : أنا خلاص ! خلاص كرهت من ديك الدار ، مني لي يتنفسو يجيبولي المشاكل ! خليت مليكة لتم ياكلولها راسها كيما كلاتلي راسي بكري ،
وسكت شوية بيلاما الهام وسهيلة يحاولو يفهمو الوضع ،وخزر في الهام وقال بتساؤل
عبدالسلام: الهام بنتي... عينيك، علاه راهم كحلين؟ راكي تتعلمي كيفاه تديري الكحول ؟
ضحكت الهام وحركت يدها بالنفي
الهام:لالا جدي ، راني نقرا باش نخدم ... قولي جدي ، وش صرا ؟
همهم وسكت ، وباش يتهرب من السؤال وقال
عبدالسلام: عبد الرحمان وين راه ؟
سهيلة :راه خدام يابابا...
عبدالسلام:هممم... امالا نروح لعندو عندي شي صوالح لازم يعرفهم ...
وناض وناضو معاه الهام وسهيلة باش يساعفوه، وهنا...وعاود خرج بنفس الطريقةلي دخللها، غلقتسهيلة الباب ودارت لإلهام لي كان علامة الفضول في وجهها وقالت
الهام:وش كاين ؟
سهيلة: -تنهيدة- ماهلاباليش، كش ما دارولو ... بلاك دابزو منالشعر على كاش ارض ،خليك منهم كي مايلحقوناش نسكتو...بصح النهار لي يلحقو لينا ماراحش نزيدنخليهم يخربوليداري....
...
مرت مدة قليلة على كي راح عبدالسلام...سهيلة كانت في شغالاتها والهام كانتفالمكتب تع بابها كي العادة اما عن اياد لي كان فالقيلولة تاعو بعيدًا على هاد العالم،حتى جاهم طبطيب قااوي،قريب يتكسر الباب...خزرت الهام للباب،وناضت تجري لواش كاين... وتلقا سميرة وكريمة عند الباب
ملاحظة- سميرة ام آدم بلاك نسيتوها
خافت لاتحل الباب خاصة بداك الطبطيب والملامح الغاضبة بوجههم، وهبطت سهيلة بالزربة تشوف وش كاينوقالت
سيهلة:شكون؟
الهام: كريمة وسميرة ...
اتعقدوا حواجبها وتهمس مع روحها وراحت حلت الباب ورجعت الهام موراها كحماية ،
كريمة:هادا وين تحلي الباب يالالة ياك !
سهيلة :غير الخير وش جابكم لداري ؟
سميرة :وش جابنا آه !!!؟ قوليلي نتي وش جبتيلناااا !من لي دخلتي لدار عمي عبدالسلام والمشاكل داخلين معاك !
ضمت سهيلة الهام ليها كثر وقالت بتساؤل
سهيلة :وش بيكي تاكلي في روحك ؟فهميني وش كاين ؟
نطقت كريمة بعد مادخلت للدار وسهيلة رجعت بخطوات للخلف
كريمة :تبعثيلي فالناس يبيعولي ارض فيها الموتى يالخاينة يااك !هكا! تسما قليل لي درتيه فينا وجبتيلنا بنت الطرقاان وتزيدي توسخي اسم العايلة !
..... الهدوء بعد العاصفة، صفعة قوية تجي في خد مليكة من سهيلة (كانت في قلبي عندها بزاف ،بردتيلي قلبي اسهيلة )
سهيلة :احتارمي روحك واعرفي قدرك ! ماعندك حتى حق تجي لداري وتتهميني في صوالح ماعارفاش بيه،وشدي لسانك على بنتي ...سامحتكم المرة اللولة ومانزيدش !
عبدالرحمان :وش كاين ؟
يُتبع....
هاااي عليييكم✨😭 راني وليت بعدغياب طوييل شوية✨✨❤
أنت تقرأ
الوريثة الوحيدة (باللهجة الجزائرية)
Romance❗كرونيك جزائرية ❗ النوع:غموض -اكشن-دراما-رومانسي-جريمة وش راح يصرا نهار نولي للدار لي حاولو يقتلوني فيها علاخاطر انا هي الوريثة الوحيدة لأكبر ابن فالعايلة ؟ واهم من هاد الشي...كامل حابينني نموت...
