حطت الهام القاطة فالفور تزامنًا كي دخلت سهيلة للكوزينة ...تبسمت وقالت
سهيلة : شاراكي تديري يابنتي ؟
طلعت الهام عينيها بعد ماكانت تسقد الحالة وقالت
الهام :بما انو عرس وليد عمي ... قلت ندير شوية قاطو
اومئتلها بلاعقل وكأنها ماشي راضية على الفكرة تمامًا بصح خلاتها فراحتها وقالت
سهيلة :خلينا من القاطو... عندك وش تلبسي نهار العرس ؟
طلعت الهام عينيها وساد السكوت... فهمتها سهيلة ونطقت
سهيلة :العشية اني نقول لباباك يخرجنا نشرو شي صوالح صحا ؟
اومئتلها بهدوء وعاودت خرجت سهيلة من الكوزينة ...تنهدت الهام بتعب وحطت يديها على الكرسي بش ترفد روحها... راهي مبلوكية وماعلابالهاش وش لازم عليها تدير... حتى القش وماعندهاش بزاف ...وقدرت تخرج من افكارها على لمستو وهو يجبد في روبتها...اياد !
تبسمت ليه ومسحت على شعرها ونطق
اياد : شاراكي تطيبي ماما ؟
هبطت ليه وبابتسامة وهي تسقدلو قشو
الهام :قاطو...تاكل ؟
اومئلها بالزربة وبحماس
الهام :كي تطيب وتكمل اني نعيطلك صحا ؟
اومئلها تاني ونطق
اياد : ماما ! نلعبو امبعد ؟
ترسمت ابتسامة في وجهها وحست بقلبها دفا بعد ماكانت في حالة ضياع تام وقالت وهي تعنق فيه
الهام : باينة نلعب مع وليدي الصغير
تبسم هو تاني وعنقها تاني بقوة بصح تشوكات بعد ماسمعت وش قال
اياد:ماما ...مانيش حاب نولي لعند بابا...
بمشاعر مختلطة من خوف وتفاجأ... خلات من صباعتيها يرجفو وعينيها بداو يدمعو ...قدرت تعرف بلي هاديك الحياة ماكانتش تأثر غير فيها ...بل حتى وفيه مام وحتى انها كانت تسيي تحميه وتبعده من داك الجحيم ... بصح فاللخر الطفل يبقى طفل ... الفكرة برك انواثر فيه هاد الشي خلاتها تتفكر كل اليامات ...ضماتو ليه كثر
الهام : ماراحش نولو ...هادي هيا دارنا ...للوقت الحالي
بعدت عليه كي حست بحضور شخص اخر معاهم... وقبل ماتنوض قدرت تشوف قامته واقف ويخزر فيهم وهوما فاللرض وهبط معاهم وقال بعدما مامسك يدين اياد بابتسامة
آدم: ايا نروحو نلعبو مع بعض شوية فالوقت لي ماماك تكمل القاطو
اومئلو اياد وبعد منها وسبق راح للبرا .. ناضت الهام وآدم تاني ... حط يده على الطابلة كركيزة وقال وهو يخزر فيها
أنت تقرأ
الوريثة الوحيدة (باللهجة الجزائرية)
Любовные романы❗كرونيك جزائرية ❗ النوع:غموض -اكشن-دراما-رومانسي-جريمة وش راح يصرا نهار نولي للدار لي حاولو يقتلوني فيها علاخاطر انا هي الوريثة الوحيدة لأكبر ابن فالعايلة ؟ واهم من هاد الشي...كامل حابينني نموت...
