قعد آدم مقابل اسلام (راجل الهام) يخزر فيه وضرب ضباعتيه على الطابلة ونطق
آدم:علابالك شكون انا ؟
ولا اجابة...كان ساكت برك وكمل آدم
آدم:علابالك وش درت ؟
تبسم اسلام وقال وهو يخزر فيه
اسلام:قتلتهم ! ايه ! قتلتهم ! ياك علاهادي جبتوني لهنا
خزر فيه آدم ومرة خلاف فالزجاج لي مور اسلام وكمل قال
آدم:علاه قتلتهم ؟
تبسم اسلام كثر وولا للور رافد يديه وقال
اسلام:حبيت نقتلهم ! تسالوني؟
آدم:قتلتهم علاجال الدراهم ! كي مكانش دراهم قتلتهم هكا ياك ؟
سكتت اسلام وكمل آدم
آدم:كي سموها هاديك الطفلة ... هاديك لي تحبها !
طلع عينيه بالدهشة يقارع فآدم يكمل هدرتو بصح ناض وجا خارج حتى نطق اسلام بصوت عالي
اسلام :وش بيها ! وشصرالهاا ؟؟؟؟
دار ليه آدم وقال
آدم:ليقناها مقتولة من نفس الشخص لي كنت تخدم عليه !
خرج آدم وتنهد بينما كريم قالو بنوع من لوم
كريم:علاه كذبت عليه!
آدم:يبغيها ... وهو راه فالحبس ! كاين غير حنا لي نقدرو نعاونوه ونحكمو هادا لي يخدم عندو
...
كانو عينيه مزالهم معلقين على الباب من الشوك ...حس بنبض قلبو ودمو لي برد ...اطراف يديه لي كانو محكومين بليمينوت يرجفو ... وقال بذهول
اسلام:مايمكنش!
وخذا يعاود فهاد الهدرة وكل مرة صوتو يعلا كثر وكثر حتى ولا يخبط فالطابلة تع الحديد هاديك بقوة ويعيط ... وبعدها خذاو دووعو يطيحو بينما يديه يغطو عينيه لي كانوا شلالات
...
ريح آدم فالبيرو وقال :تسما بلاصتو ماشي هنا
اومئ الطبيب هاداك وقال:حالتو راهي غير تزيد ... لازم عليه يدخل لمصحة عقلية !راح نكمل التشخيص تاعي ونقولك بالنتائج
آدم:اوكي... كمل خدمتك كشما كاين راه كريم هنا ...راح نغيب شي يامات على البيرو
رفد هاداك الملف لي مدهولو الطبيب وخرج جاري للطونوبيل رايح للدار ... ماراحش يخبي علاروحو ! بصح توحشها صح !
...
كان ادم مع اياد يلعب معاه فالطونوبيل بينما يقارع فإلهام تكمل شعرها ومكياجها ... كان ادم حاكم اياد ويلعب معاه وقال اياد بفضول
اياد :اممم ... وش اسمك ؟
تبسم ادم وقال وهو يقرص فنيف اياد بلاعقل
أنت تقرأ
الوريثة الوحيدة (باللهجة الجزائرية)
Любовные романы❗كرونيك جزائرية ❗ النوع:غموض -اكشن-دراما-رومانسي-جريمة وش راح يصرا نهار نولي للدار لي حاولو يقتلوني فيها علاخاطر انا هي الوريثة الوحيدة لأكبر ابن فالعايلة ؟ واهم من هاد الشي...كامل حابينني نموت...
