لقاتو عبدالرحمان باباها... تبسمت بهدوء ليه وقالتلو
الهام :ادخل ...
تعكر وجهو كي ماكملتش لجملتها وعيطتلو بلقبو مي معليش... ماهيش موالفة برك... دخل عبدالرحمان وريح قدامها ...جازت لحظة صمت وهوما يشوفو فالحيط...حتى خزر عبد الرحمان فيها وقال
عبدالرحمان:سمعت بواش حكمو عليه ...
اومئتلو وهبطت عينيها بلاعقل بالحشمة وهي تفرك في يديها ...بداتتدور في حساباتها وتخمامها ووش راح يفكر فيها باباها ...بصح سبقها فالهدرة
عبدالرحمان:ني نخمم ندخل بنتي تخدم وتعاود تبني حياتها من جديد ...
طلعت عينيها ليه بعد ماكانو بداو يجمعو فالدموعوكانت هاديك الابتسامة لي ماشتها من اي واحد حاضرة في وجهه ... وقالت
الهام:بصح وش نخدم...
زاد تبسم كثر وقال بنوع من الافتخار
عبدالرحمان :سمعت بلي بنتي قرات ادارة اعمال ... اذا لقيتها شاطرة في خدمتها ماراحش نتقلق في شكون حايورث شركتي
توسعو عينيها بنوع من الصدمة وهزت يديها بالرفض وهي تقول
الهام :لا جامي ! مانقدرش لهاد المسؤولية ...
عبدالرحمان:مارانش مزروبين ... دكا ريحي وتأقلمي مع هاد الحياة وكي تكوني واجدة تبداي الخدمة قوليلي ... راني هنا توجور بش نعاونك ونجيبلك لي تحبيه بين يديك
سكتت الهام مدة وامبعد قالت كنوع من التفاوض
الهام :ني حابة نخدم ...بصح ني حابة نكون كيفي كيف اي واحد جامي خدم وماعندوش خبرة ...مانيش حابة ندي حاجة اكبر مني ومن قدراتي
اومئ عبدالرحمان بالرضى وقال بعد ماناض
عبدالرحمان:فرات ...وحاجة خلاف سيرين بنتي...انا ويماك رانا معاك في كل حاجة ...ماتخمميش بزاف فالقضية تع زواجك وحياتك لي فاتت كامل ... رانا معاك وراح نبقاو معاك راكي بنتنا لي عطاهالنا ربي سبحانو كنعمة لهاد العايلة الصغيرة
اومئتلو الهام بلاعقل ومزالها تفرك يديها من الستراس وقال اخر كلماتو قبل مايخرج من لاشومبر
عبدالرحمان :وجدي روحك نتي وإيادو راح يديكم آدم تشرو للعرس ... والعشية قاع نروحو لدار جدك راح يكونو كامل لتم. وتتعرفي على العايلة الكبيرة...بصح ! كنصيحة ماتخليهمش يدو منك وش يحبو ...علاخاطر طماعين
اخر كلمات قالهم كانو كلغز ليها ومافهمتش وش قصد ب"الطمع "تمامًا ؟ شافت الخير لي كان فهاديك الدار وواش راح يطمعو كثر ؟
يُتبع....
بارت قصير يوضح شوية احداث تع البارت الجاي✨
أنت تقرأ
الوريثة الوحيدة (باللهجة الجزائرية)
Romance❗كرونيك جزائرية ❗ النوع:غموض -اكشن-دراما-رومانسي-جريمة وش راح يصرا نهار نولي للدار لي حاولو يقتلوني فيها علاخاطر انا هي الوريثة الوحيدة لأكبر ابن فالعايلة ؟ واهم من هاد الشي...كامل حابينني نموت...
