كانت الحالة مظلمة بالكامل، تبان بلاصة مهجورة ، ريحة التراب والمواد الكيميائية ... ألم شديد في راصو ويديه مربوطين مش قادر حتى يحركهم ...كان يتم جرو وبصعوبة ... حتى لقا روحو مريح في كرسي وتنحا عليه هاداك البونداج ، وجهين مبتسمين ولهثات تتسابق فيما بينها ، العرق يلمع تحت ضو تع القمر...
كريم:شوف شكون معانا ! سليم حي يرزق !
آدم:ياسبحان الله ... تقول ماشي هو لي كان مقطوع الراس
...
بعد ماولات إلهام للدار بعد ذلك اللقاء الصغير مع آدم ، قرر آدم يكافأ الجنود تاوعو بأجمل هدية ... خمسين دورة على السطاد بلبستهم وماتريالهم وسلاحهم...
بعد ماكمل الانتقام تاعو ،كان مولي لشومبرتو باش يكمل خدمتو حتى لقا تلفونو يعيط وكريم لي كان يعيط ...كريم فهاد الساعة تع الليل...رفد تلفونو بتنهيدة متمني انو يكون اتصالو ذات فايدة ماشي غير ربيعة لي تقرعج عليه
كريم : رحت ونسيتني ياااه !
آدم: سرفي ياربيعة القرعاجة ...
تنهد كريم بينما كان شاد رجل فوسط الظلام ، وانفاسو تتسابق ... يدو لي كان حاكم بيها الرجل هاديك تتقطر بالدم، ونيفو بدا يسيل منو الدم... بابتسامة حماس قال ولهثات
كريم : ارواح راني حكمت كبش العيد ...
فلاش باك ليوم موت سليم زوج الهام السابق ....
رابح ،طبيب شرعي.
رابح : كيما قتلكم قبيلة، كلشي فيه يبين بلي الضحية هو زوج المختطفة سابقًا(سليم)... بصح اكتشفنا عفسة امبعد ، الضحية المقتولة مصابة بداء السكري بصح سليم ماعندوش السكر ، هاد الشي خلانا نشكو فهوية الضحية لي لقيناه مقتول هاداك النهار واكتشفنا انو الضحية وسليم ماشي كامل كيف كيف ، مي ...الضحية تم زرع فيها المعلومات الوراثية تع سليم... هادا نوع جديد من طريقة اتمام الجرائم ، ونضن انو هاد الخدمة ماراحش تكون من واحد عشوائي ، غادي يكون من شخص ماهر ... ماهر جدًا ويخدم فالمجال الوراثة... وبلاك يكون أجنبي.
خزر آدم فكريم بنوع من الذهول بينما كريم كان يماركي وقال بابتسامة بعد ماطلع عينيه
كريم :يعطيك صحة ، ماراحش ننسا خيرك ...
...
خرجو من المشرحة مذهولين من القضية هاذي ، جامي سمعو بقضية كيف هادي نطق آدم
آدم:بلاك ...مافيا ؟
تنهد كريم وقال
كريم :اذا صح مافيا ... غادي نحطو رواحنا وارواح عايلتنا فموقف عيان ...موقف وين يقدرو يموتو وحنا نشوفو ...وش راح تدير ؟
خزر آدم فطونوبيلتو لي كان بعيدة عليه ، تفصل بيناتهم مسافة تع طريق كامل ...
آدم:عندي فكرة ! ... سليم ، كان انسان يشرب بزاف ، مدمن الكحول ... وماشي محال كان داخل فحكايات القمار ... حوس على اي بلاصة تقدر تلقا فيهم هاد العفايس...غادي نصيدوه
أنت تقرأ
الوريثة الوحيدة (باللهجة الجزائرية)
Romance❗كرونيك جزائرية ❗ النوع:غموض -اكشن-دراما-رومانسي-جريمة وش راح يصرا نهار نولي للدار لي حاولو يقتلوني فيها علاخاطر انا هي الوريثة الوحيدة لأكبر ابن فالعايلة ؟ واهم من هاد الشي...كامل حابينني نموت...
