اوتار

البارت التاسع

اوتار ..
البارت التاسع ...
للكاتبة : اية علوان ...

...

وتر
-رجعت للبيت غيرت ملابسي وغسلت وصليت
بعدها فتحت الجهاز لكيت هواي رسائل من كاديان حتى بصمات دازه
شفت رسائلها وسمعت بصماتها
الرسائل عباره عن اعتذار والبصمات تبجي بيهن وتتعذر لان ما اجت
حيل مقهوره منها قررت ما ارد لان اذا رديت راح تزيد المشاكل بينه
سديت الجهاز ورحت نمت
للمغرب كعدت من نومي لكيت لحن راجعه من الدوام بس سيف لسه
ساعدتها بالعشا بعدها اذن وصليت ورجعت لغرفتي فتحت الجهاز ورديت ع كاديان
كاديان: وتر عفيه لاتسوين هيج شبيج والنبي ابوي ماقبل اجي
وتر: عادي ماصار شي
كاديان: لا والله جديات دا احجي عفيه لاتزعلين مني
وتر: بحزني ماشاركتيني وبفرحي ماشاركتيني رغم انتي اعز انسانه عندي
كاديان: ولج والنبي ابوي ماقبل شسوي يعني اشرد من البيت واجي
وتر: هاهيه ماصار شي عادي
كاديان: يعني لسه زعلانه مني
وتر: تخطيت مرحله الزعل صرت ما اهتم
كاديان: لهلدرجه مأذيتج!!!
وتر: ما اريد اذيج بكلامي لان اذا حجيت راح ننهي صداقه ٧ سنين بكلام سيء ووحده راح تحقد ع الثانيه
كاديان: شنو قصدج
وتر: اسفه ع كلشي سامحيني اذا جرحتج بكلمه واذيتج
جنتي الصديقه الصالحه من بين الكل ما انسى وكفاتج وياي ابد
بس لهنا وهاهيه اتمنالج التوفيق بحياتج
كاديان: لحضه لحضه من كل عقلج داتحجين
وتر: شفت رسالتها بعدها رحت ع جهه البلوك وانطيتها بلوك
مجانت نيتي انطيها بلوك بس ادري بنفسي اذا ما انطيها راح نرجع مثل قبل وراح اسامحها وهم راح اتاذه اكثر واكثر
افضل قرار اسوي ابتعد عن الكل ..
اسلوبي ويه كاديان شويه غريب لان اعز ناسي توصل بيه مااعذرها ع تقصيرها ويايه احتاجها يمي دائما بكل مناسبه بالحزن والفرح واتأذه حيل من اهلها يمنعوها عني ماعندي احد قريب عليه بكدها من صديقاتي.
كاديان اول وحده بعدها البنات بس خل اخلص هالسنه واختفي عن انضار الكل
خلال دقايق واجت رنا حاولت وياي لحد ماجزعت
قرار واتخذته بصعوبه وبحرگه گلب بعد ما ارجع خطوه ليورا لو اموت
قفلت الجهاز ورحت فتحت كتبي وبلشت اقرا عسى ولعل اكدر انساها
لو عندي الدفتر لسه جان كتبت لبابا وطلعت كل طاقتي السلبيه بالكتابه بس كله من ورا هذا الي اسمه اسحاق هسه دفتر قريته رجعه شبيك لزكت لزكه
......
ميار
بعد ما انتهت علاقتي بأسامه تعرفت ع كرار ابو الجارجر
جنت معجبه بشكله وسيارته ونضراته اليه مايشيلهن طول الدوام
بمرور الوقت صار كلام بيناتنه ونسيت اسامه
صار يحلف وينطي وعود انو هو راح يجي يخطبني
بس تخلص مشاكل الارث مالت ابوهم
فتره بعد فتره صرت اضوج حيل منه
صار استفزازي حيل ويغلط ويفشر عليه بااختصار ضهر ع حقيقته  ومن اجيب سيره الزواج واحاول اكله انو اني ما اريده يضل يكفر ويصيح ويكول انتي الي وغصبا ع الكل والي يحجي اترس الرشاش بحلكه
صار يحاجيني بطريقه تهديد دائما وبكل مره اخاف احجي او اسوي اي شي
تمنيت لو سامعه كلام وتر ومبتعده عنه من البدايه ولا مورطه نفسي بهيج شخص
ماحجيت لا لوتر ولا لرزان عن الي دايصير وياي لان ادري راح اكل رزاله منهن
بس بنفس الوقت جان لازم اخلي كرار يكرهني ويبتعد عني
بالبدايه صرت ما احاجي وما ارد علي ابد
صار لحوح كلش ودائما يتوسل حتى ارجع اله
من شافني بردت من جهته وما احاجي زين
صار يبتعد شوي شوي
فرحت كلش واخيرا راح اخلص منه
بمرور الوقت لغى متابعتي وبعد مايحجي وياي ابد
ارتاحيت كلش لان خلصت منه