اوتار

البارت الخامس والعشرون

اوتار ...
البارت الخامس والعشرون ...
للكاتبة : اية علوان ....

...........

منتضرج باب الجامعه
صفنت عليها والنعاس مالي عيوني
قفلت الجهاز وطلعت
اجت سيلينا وياي وطلعنه سوا
سئلتني وين رايحه كتلها مدري واحد يكول منتضرج باب الجامعه اروح اشوف منو
قررت سيلينا تجي وياي واني ماعارضت بعد احسن اذا اجت وياي
قربت لباب الجامعه شفت سياره من بعيد ويمها شخص
عرفته من بعيد ماحسيت ع نفسي غير واني اركض بأتجاهه حتى النعاس طار من عيوني
وصلت اله واني كلي صدمه ودهشه لان لاول مره يجي لجامعتي
وتر: شعجب اجيت لهنا
اسحاق: ليش مايصير !!؟
وتر: اكيد لا بس استغربت لان اول مره اشوفك هنا
اسحاق: ممم لوما اصاباتي قبل جان كل فتره تلكيني هنا
بس شنسوي المهم شلونج
وتر: نعسانه ومالي خلك
اسحاق: ليش ولج
وتر: غير البارحه الليل كله مانمت
اسحاق:  وليش مانمتي
وتر: قريت شوي بعدها كعدت ارسم
اسحاق: بربججج
وتر: يي والله بعدين انت شعرفك بينه احنه الرسامين لو ساعه ب٤ الفجر ويجينه الالهام ع فجاه نعوف النوم واهله ونركض نرسم
اسحاق: ههه نشوف تاليتج وين توصلين بالرسم
وتر: مو صرت استاذه واعلم طلابي الرسم
اسحاق: هههه
وتر: خلال كلامنه اني واسحاق نسينه الدنيا ومابيها
ماحسيت ع نفسي الا واني غاطه بالحديث وياه
نسيت حتى سيلينا واكفه يمي
من شافتنه مندمجين صارت تكحكح بمعنى
( ياجماعه اني هنا )

ع اثر كحتها انتبهنه عليها
وهنا جانت المره الاولى الي يلتقي بيها سيلينا واسحاق سوا
وتر: نسيت اعرفك عليها
سيلينا - اسحاق
اسحاق- سيلينا
اسحاق: عربيه !!؟
وتر: لا احجي انكليزي ترا ماتفهم كلامنه
اسحاق: ههه تمام
وتر: من عادات الاجانب يسلمون باليد
لدرجه ينسون اكو اشخاص مايكدرون يردون هالسلام
من جانب سيلينا بدون ماتنتبه مدت ايدها لاسحاق حتى تسلم علي
بس الحلو بيه ما مد ايده وصافحها وانما اكتفى
بوضع ايده اليمنى ع صدره وتحريك راسه للاسفل شوي
بمعنى (السلام والاحترام )

وكعاده سيلينا تقبض ايدها وتردها لجانبها
وي تعبير بوجهه يدل ع الاسف

شوي شوي بلش اسحاق يندمج وي سيلينا وياخذون وبنطون بالحجي لحد ماكالت اله كلشي عني خلال هالفتره
الحقيرا فضحتني كدامه
حجت كلشي الايام الي اجيت بيها ضايجه علموده والايام الي بجيت بيهن بسببه والايام الي فرحت بيهن واخر شي ذكرت اهميته بالنسبه الي لدرجه دفتري ممتلي برسم شكله
بهل اللحضه اندار ع جهتي وصفن بوجهي
وكعادتي اتهرب من الموضوع واتعارك وي سيلينا لتشتيت انتباه اسحاق
بهل اللحضات سئلني اسحاق سوال خلاني افكر تفكير عميق الا جاوبته
اسحاق: شلون ترسميني دائما رغم طول هالفتره بعيد عنج !!؟
وتر: صفنت علي بهل اللحضه اريد انطي اجابه تعبر عني وعن داخلي بشكل مبهم
رديت علي
-ممم مو كل شخص اكدر ارسمه بس الاشخاص الي رسمو اثر داخلي اكدر ارسمهم ودائما اشكالهم ماتروح من بالي لو شكد مابعدو عني