اوتار

البارت السادس والثلاثون

اوتار....
البارت السادس والثلاثون ....
للكاتبة: اية علوان ...

...........

اسحاق: راح اسئلجن سوال وانتن جاوبن بس قبل لاتجاوبن فكرن زين 
لحن: تفضل
اسحاق: تردن حقجن يرجع !؟؟
لحن : ياحق !!؟
اسحاق: ورث ابوجن
وتر: يي نريده يرجع
لحن : لحضه عن شنو داتحجين فهموني
اسحاق: خليها عليه
وتر: لحن
لحن: هاا
وتر: اكو شي ماتعرفي عن عمامي
لحن: شنو
وتر: انتي تعرفين انو بابا مات بمرض
لحن: يي
وتر: بس هو مامات بمرض
لحن: لحضه شلوون مامات بمرض مو كدامنه جان بالمستشفى
وتر: جان بالمستشفى بس جانت صحته زينه ومابي شي
فجاه بالوگت الي رجعنه بي للبيت وتركناه بيد عمامي رجعو النه بالتابوت
لحن:وتر لاتحجين شي ماتعرفين معناه
وتر: اعرف وكلشي اعرف انتو الي ماتعرفون شي
لحن: لج شنعرف شبيجج انتي
وتر: ابوووي مامات موته طبيعيه ابوي انگتل والي كتلو عمامي
حجيت بعصبيه وماكدرت اتحمل اضم هالسر اكثر من هيج ،لحن من حقها تعرف بكلشي
هي جانت تتوقع عمامي زينين ماتدري كل الي صار بينه بسببهم
لحن: لا لا وتر لا لاتكولين هيج حرام عليج تتهمين احد بدون دليل
وتر: صح ماعندي دليل بس اني سمعتهم بأذني ولو عندي اثبات والله جان انطيته الج وخليتج تتاكدين من كلامي
اسحاق: كلام وتر صح كله بسبب عمامج همه الي كتلو ابوج
لحن: اسحاق لاتكول هيج انت الثاني يعني بدال ماتصف وياي وتقنع وتر انو كلامها غلط توكف وياها
وتر: كلامي مو غلط ولا افتراء ليش مداتستوعبين
دا اكلج والله همه الي كتلو همه الي ضربو ابره غلط وعمداً وكتلوو
لحن: شلون عرفتيي ومن شوكت تعرفين وليش ماكتيلي كلشي من البدايه
وتر: عرفت بأيام الفاتحه جنت طالعه اغسل بالمغاسل البرا وفجاه من طبوو سمعتهم يحجون شلون كتلو ابوي
خفت وختلت بالحمام وماطلعت اي صوت لحد مادخلو للبيت
ضليت كاتمه هالسر لان ادري بيكم اذا احجي ماراح تصدكوني وماعندي دليل اثبت جريمتهم

لحن: وليش ما اصدكج انتي اختي معقوله ما اصدك بيج
وتر: هاي حجيت صدكتيني هسه !!!؟
لحن: باعي الكلام الي داتحجي كلش جبير ومايدخل للعقل ولو تحجي لغيري مجان صدكج واعتبره افتراء
وتر :بس اني مدا افتري ع احد دا اكلج والله همه الي كتلووو هاي عود انتي اختي وتعرفيني كلش زين وهيج ماتصدكين بيه  زين ليش من حجيت لاسحاق صدكني
عود هو لا يعرفني ولا يعرف ابوي
لحن: بس اسحاق ...
اسحاق: لحححن
لحن :وتر والله مصدكتج وعندي ثقه بكلامج وادري بيج ماتجذبين بس لنفرض صدك همه الي كتلو شنو غايتهم وليش
وتر: استغربت من تصرف اسحاق ولحن حسيت لحن رادت تحجي شي بس اسحاق خزرها وغيرت الموضوع

-نسيتي ارث ابوي شكد هواي
طمعو بالارث واخذو الهم ولج بيوم الوفاه وكاعدين بيناتهم يتقاسموو ولا هامهم موتت بابا

لحن: الارث الي صار الهم عن جديد يعني من بابا !!!؟
وتر: اكيد من بابا لعد منين
لحن: يالله دخيلك لعد شكد جنه غاضين عنهم لا وفوك كل هذا يمشون بفاتحه بابا ويسوون روحهم يبجون عليه وهمه الي كاتلي يمةة كلبي
اسحاق: لحن اهدئي صار الي صار لا خوفج ولا قلقج عن الماضي يغير شي المهم هسه تردن ترجع حقوقجن لو لا
لحن ،وتر: اكيددد بس شلون
اسحاق: خليها عليه باجر راح ارفع قضيه عليهم وان شاء الله اقل الشهر وكل حقوقجن ترجع
وتر: انت مو اجيت لهنا حتى تغير جو ليش تدوخ راسك ويانه بعدين مليون بالميه راح تخسر القضيه اذا كل الاوراق الي عدهم تثبت انو الاراضي الي اخذوهن ملكهم