اوتار

البارت الثاني والعشرون

اوتار ...
البارت الثاني والعشرون...
للكاتبة : اية علوان ...

.......

وتر: كعدت الصبح كلش دايخه ومتكئبه وماطايقه حتى نفسي
كمت من فراشي ورحت غسلت وجهي ورحت صليت صلاه الصبح قضاء مافي ذمتي
بعدها تريكت وغيرت ملابسي بملابس الدوام
وصلت للجامعه لكيت سيلينا منتضرتني بالمصطبات الي كدام حديقه الجامعه
شافتني اجت بأتجاهي
سلمت عليها بعدها سئلتني اذا راح اشتغل عند الاستاذ هاري او لا
بعدها تذكرت اصلا مافكرت بالموضوع
من البارحه لسه دايخه ومالي خلك لاي شي
كتلها راح ارفض ، كامت تحجي عليه وتحاول تقنعني اغير رائي و اوافق ع طلبه
بس من الاخر قررت هاهيه راح ارفض طلبه
من ناحيه فكرت بحياتي ماعندي اي وقت راحه بس بليل وبوقت متاخر هم
من الصبح للضهر جامعه
ومن الضهر لليل بالشغل بالمقهى
وين الحك بعد ادرس وهوسه جهال

وصلنه للقاعه خلال ثواني ودخلت الاستاذه
بدت تشرح
عفت كلشي ممكن يشتت انتباهي وكعدت اركز بالمحاضره
لازم اطلع جيد جداً راح اتعب وادرس زين وبالاخر النتيجه راح احصلها ع كد تعبي

خلصت اول محاضرتين واليوم ماكو محاضره لاستاذ هاري ،
طلعنه للكفتريا اني وسيلينا
بنص الطريق احنه ودانمشي شفنه استاذ هاري جاي بأتجاهنه ،
سلم علينه بعدها طلب مني امشي وياه ع انفراد
كتله سيلينا تعرف ماكو داعي نمشي بعيد عنها
ضحك بعدها سئلني عن قراري
كتله ما اكدر واعتذرت منه
تغيرت ملامح وجهه وبين عليه شعور الخيبه
بعدها فكرت وكتله
اكدر اعلمهم رسم بالمجان بس بطريقه وحده
استغرب وكتله تكدر تخلي وقت محدد الهم وتجيبهم للمقهى الي اشتغل بي هناك اكدر اعلمهم بوقت استراحتي
فرح ووافق ع عرضي وكال من باجر راح يحدد وقت ساعه كامله بيها اعلمهم ع الرسم
بس من كتله بالمجان ماقبل واصر يقدم مبلغ مقدار تعليمي الهم
بعدها ودعنه وراح وكل هذا سيلينا واكفه يمي وصافنه علينه ولانطقت بحرف
درت وجهي عليها وسئلتها شبيها
ضحكت وكالت ماتوقعتج هيج ذكيه
ابتسمت كتلها وين الذكاء بالموضوع
بعدها سئلتني شلون راح اتحمل من الجامعه للشغل ومن الشغل للتدريس
كتلها عادي المهم اعيش نفسي واطور من ذاتي
صارت تسوي نفسها منعجبه بكلامي وكامت تصفك وتضحك
ضربتها ع جتفها بعدها كمنه نسولف ونمشي
وصلت لباب الجامعه الي جان عباره عن باب واسع كلش
ويحتاج شخصين الا ينفتح
يشبهه الابواب القصور القديمه
شفت من بعيد شخص لابس قاط رسمي واكف يم سياره سوده مضلله
تقربت شوي من الباب وجان اشوفه من بعيد
ودعت سيلينا بسرعه وركضت بأتجاهه
صحت من بعيد
جورججججج

شافني رفع ايده وصاح
جورج: سيدتيييييي
وتر: شلونكك
جورج: انا بخير اسرعي سيدتيي لقد حدث شيئاً لسيدي
لا اعلم ماخطبه
وتر: شبيي
جورج: اركبي في السياره وسأخبركِ بالطريق
وتر: ركضت صعدت
كولي شصاير بأسحاق
جورج: عندما جئتي البارحه لرؤيه سيدي لقد كان بخير لكن هذا الصباح جن جنونه فجاه وبدا بالصراخ
وعندما حاول كل من الممرضين تهدئته
قام برمي عده التمريض مما ادى الي اذيه احدى الممرضات
وتر: يعني البارحه جنت يمه
جورج: sure
وتر: يااا واني عبالي جنت بحلم
بس شلون وصلت للبيت
جورج: لقد كنتي مرهقهً جدا البارحه لذلك نمتي بالقرب من سيدي لكن بعد ان اغمضت عينيكِ قام سيدي بمناداتي وامرني ان ارجعكِ للمنزل
حتى سيدي نادى اسمكِ اكثر من مره لكنكِ رفضتِ الاستيقاظ لقد كنتي غارقه في سبات
لذلك رفعتكِ من يديك وقمتي بالمشي معي
ايعقل انكِ لم تتذكري كل هذا
وتر: لا والله ما اتذكر
فجاه كعدت الصبح لكيت نفسي بفراشي
جورج: هههههه ايعقل انكِ تحركتي وانتي نائمه
وتر: وجعه شكو تضحك بعدين اكيد من التعب ماحسيت ع نفسي
جورج: الان قولي لي ماذا افعل مع سيدي
وتر: ممم ما ادري والله خل اشوفه والله كريم