اوتار

البارت الثالث

اوتار ..
البارت الثالث ...
للكاتبة : اية علوان ...
....

ميار:
الاساتذه ينشرون ملفات للماده تصير ملخص ويكولونه اسحبوها من المكاتب وكل ملزمه ينشروها اسحبه منه بعد ماشافني هواي اجي واسحب منه وهو عنده حسابي مال التلي لان ادزله الملفات ويسحبهن فيوم من الايام راسلني وتعرف عليه وحجينه شويه وو
بعدني ماكملت كلامي حسيت براجدي سطرني سطر احس وجهي كله صار بي شلل من قوه الضربه
تقى: ترحين تنفصلين عنه وحجايه زايده ما اريد واذا شفتج متواصله وياه مره ثانيه او سمعت عنه اي خبر
ساعتها اخلي ابوي يدخل ويربيج مره ثانيه
ميار: خفت كلش هاي مخبله وتسويها ، صحت بوجهه ما اريدها تدخل بحياتي ، انتييي شعليج هاا ماتخلصينه منج ماتزوجين وتخلصينه منج كافي كل هالسنين تركضين وراي امي ابوي انتي
تقى: نجبي حقيرا ماتستحين كح... مكضيته كله وي الولد بدال ماترحين تدرسين تدورين ولد هيلك
ميار: حجت هيج واني ذره صبر مابقت عندي كفشتها من شعرها وهي هم صارت مالخ والصياح عالي
كل غلطه اكبر من الثانيه فجاه طبت امي وكامت تصيح وتلطم ع خدها
فردوس : ولج يمة عزاا العزانيي ولجن شكبرجن بعد تصيرن وتتعاركن هيج يبوووو عليجن ولجنن كافيييييي
صياحجن واصل للشارع ماتستحن  بالعباس ابو فاضل اذا ماتكعدن هسه اصيح اخوجن يكسرجن ولجن كافيييي
ميار: وكفت بيناتنه وفرقتنه ودفعت كل وحده بجهه
شفت شعرها ملخ وكفشتها شكبرها
فردوس: عليمن تتعاركن ولجن هاااا
ميار: هيج يمه ماكو شي
تقى: لا احجيي شضامه علينه
فردوس: شضامه ولج احجيييي
ميار: خزرت لتقى حتى تسكت ، لا يمة والله ماكو شي شضم عليج مثلا
تقى: عوفيها يمه مخبله وتعاركت وياها ختولي
ميار: نجبي من كبر لفج ولف كفشتج
فردوس: كافييي امشن غسلن ورتبن شعرجن شوفن شسويتن برواحجن كل وحدها ملخه وجهه الثانيه عبالك خراميش بزون ماتستحن وانتي تقى امشي نضفي الخضورات حتى اصب عشا وانتي الثانيه رتبي غرفتج واطلعي صبي عشا وياي
طلعن من غرفتي رحت قفلت الباب وراهن وطبكته بصوت عالي اتجهت ع المرايه
يمة عزاا العزاج تقى  ع هالخبال هذا يمه شعريي يابويةةة
والحسين ما اعوفه شنوو قابل بكيفها تدخل بحياتي
لو اموت ما اصير مثلها واضل عانس بالبيت عمرها ٢٨ سنه ولسه مامزوجه حقيراا جلبه
..........
وتر
شفت الساعه ب٧ بليل ولحن لسه ماكو ليش تاخرت بس لا صاير وياها شي ربي سترك
اندك الباب ..
ركضت فتحته ، وين جنتي ليش تاخرتي هلكد
لحن: ماقبلو يخلونه نرجع للبيت توسلت للمدير ماكو ماقبل تالي كلها كامت تحجي من شافنه كلنه حجينه ونريد نرجع للبيت كوه قبل
وتر: شجاه هذا لوما هنه ٢٥٠ الف فوكاها سامطكم بتالي الليل والله يالله
لحن: ميته جوع سويتي عشا ؟
وتر: يي سويت
لحن: امي شلونها
وتر: زينه تغدت لگمه  وياي وزعلت ونامت والمغرب كعدت ضلت تصيح وتحجي تكول اريد اطلع بالحديقه تالي طلعتها نص ساعه ورجعتها وخليتها تتعشى واخذت دواها ونامت
لحن: لاتخليها تنام هواي موزين عليها ترا
وتر: مو دواها بي منوم دائما من تاخذه تهدى وتنام
لحن : زين ، تعشيتي ؟؟
وتر: لا جنت منتضرتج
لحن: تمام لعد خل ابدل واجي اتعشى وياج
وتر: وك
رحت صبيت عشا وتعشينه سوا وكعدت تسولفلي احداث اليوم وشسوت واني هم اسولفلها شيصير بالجامعه
بعد ماكملنه راحت تشوف امي واني شلت الصينيه ورجعت لغرفتي
فتحت الجهاز لكيت كاديان مراسله هواي
كاديان: وينجججج يمعوداااا
وتر: اجيت اجيت
كاديان: وين جنتي
وتر: جنت اتعشى
كاديان : الف عافيه ، اكلج
وتر: كولي
كاديان: شلونج اليوم
وتر: زينه
كاديان: شصار ماصار بالجامعه هالفتره ماتحجيلي شي خيررر صايره تضمين عليه اكيد اذا انتي عندج ميار ورزان بعد ياكاديان يابطيخ اصلا ناسيتني
وتر: ههههه لا والله بالعكس انتي بالي دائما شعندي غيرج
كاديان: ييي مبين سولفيي يلاا شصار اليوم
وتر: ممم صارت شغله
كاديان: شصاار ولج ، احسج مسويه مصيبه سولفي بسرعه
وتر: لا والله اني مالي علاقه هو اجه بأتجاهيي
كاديان: عزاا ولج منوو
وتر: سولفتلها كلشي ماتت ضحك عليه
كاديان: شبيج عميةةة ماتشوفين كدامج
وتر: غير ما انتبهت من السرعه ركض ركض بس اريد اوصل
كاديان: حيللل بعدين شكو تركضين انتي مو جامعه وعود جبيره صرتي غير تعقلين
وتر: الواحد من يدخل جامعه عود صار جبير لازم يعقل اني لا ما احب امشي ع نفس خطى الناس احب اغير واصير مخبله
كاديان: ههههه كضيتي عمرج مخبله بقت ع هاي
وتر: كاديي تعبانه حيل اريد ارتاح
كاديان: تمام راح تنامين هسه ؟؟
وتر: ايي حيل نعسانه
كاديان: ولج ساعه ب٩ ستوها يانوم يابطيخ
وتر: مو كتلج تعبانه والله
كاديان: تمام روحي نامي واذا شفتج كاعده تدرين شيصير
وتر: لا راح انام
كاديان: بيباي
وتر: باي
سديت الجهاز وكعدت كدام خانتي فتحتها وطلعت دفتري او بالاحرى (حياتي)
مثل كل فتره لازم اكتب كلشي يصير وياي لابوي اقل حدث يصير وياي اكتبه بهذا الدفتر احس بهل الطريقه ابوي دائما وياي ومامات
مرت ٣ سنين ع وفاته ولحد الان الدفتر عندي
اخر كلام كتبته جان يوم الثامن والعشرون من سبتمبر
واليوم الرابع من اكتوبر
مرحبا بفقيدي النائم
ها قد مرت ٣ اعوام على وفاتك .كالعادة ، الى الان غصه وفاتك لاتزال داخلي ، احاول التضاهر بأن كل الاشياء حولي بخير ،لكني اسقط يوم بعد يوم ،في العام الماضي اخبرتك عن الشي الذي اراه عندما استيقظ كل يوم
أتعلم اني لا ازال ارأه كل يوم ، اتعلم اني من شدة الخوف منه لا استطيع الكلام استمر بالصمت المعتاد ، تجري دموعي وداخلي يرتجف خوفا ، اخاف ان انطق بحرف فأرحل عن امي واختي ، بطريقة اخرى اريد الرحيل من هذا العالم ، لانني مازلت اشتاق اليك كل يوم واتمنى ان اتي اليك بأقرب وقت لكن ماذا عن والدتي واختي
لدي احساس غريب ومخيف بأني سأضل وحيدة سأفقد امي عن قريب واختي ستتزوج  ، ماذا عني !!
الى اين سأذهب ؟؟
بديت اكتب كلشي صار وياي من بديت دوام لسه كتبت تقريبا ورقتين وترستهن ترس كتابه بعدها سديت الدفتر ورجعت ونمت وقبل لا انام شغلت اغنية هادئه وعفت الجهاز مشتغل ونمت .
كالعاده ، وكف كدامي وويباوع بعيونه البيضه والكبار بس الغريب هالمره مابجيت احس تعودت بس داخلي لسه يخاف لسه ارجف
رن المنبه
واخيرا اختفى ، كمت من فراشي الدينا ضلمه بعدها ساعه ب٥:٣٩ دقيقه
اول ماوكفت ع رجلي شفته كدامي ماتحملت من شده الخوف صرخت صرخه هزت كياني كله ذره تحمل مابقت عندي شفتي ترجف لدرجه حيل ما بيه حتى اوكف ع رجلي واقاوم المشهد طحت بالكاع وضليت ابجي واصرخ ركض بأتجاهي لاول مره اشوفه يتحرك صاح بأسمي اكثر من مره ولزمني
من تقرب مني وضحت الصوره بعيوني وعرفتها اختي
لحن: وترر شبيج يمعوداا وترررر
وتر: ما اكدر انطق من شده الخوف ، لحن عفيةة لحكيليييييي
لحن: شبيج يروحيي شبيجج اهديي وسمي بأسم الله اهدي واستهدي بالرحمن يمة بنيتي وتررر
وتر: والله تعبت كافيي كل يوم يجينيي كافييي خل يعوفني عفيه كليله خل يعوفني والله روحيي تعبت كافيي اموت واخلص من هالعيشهه
لحن: منوو ، عن شنو داتحجين وتر اصحيي شبيج منو الي تردي يعوفج
وتر: اريد انام
لحن: كوميي
وتر: ما اريد بغرفتي
لحن: لا تعالي يمي نامي بغرفتي
وتر: اخذتني من ايدي ووصلتني لغرفتها سحبت الغطا ونومتني وغطتني وكعدت كدامي
لحن: احجيلي منو الي يركض وراج
وتر: محد
لحن: زين بعدين عن شنو جنتي تقصدين
وتر: هيج
لحن: احجيلي اني مو اختج اذا ماتحجين الي المن تحجين
وتر: ماكو شي والله لايضل بالج يمي
لحن: زين احد مضوجج بالدوام احد يركض وراج هناك ومأذيج
وتر:ههه اكيد لا شحدهم
لحن: كولي والله محد دايأذيني ولا احد يركض وراي
وتر: والله شبيج ، اصلا حلمت حلم غريب شفت احد يركض وراي ومن كعدت خفت اكثر وصرخت
صدك شسوين بغرفتي
لحن: سمعت رنه جهاز يشتغل طبيت لغرفتج لكيتج فاتحه الجهاز ع اغنيه والليل كله تشتغل ستوني طفيته ردت اطلع رن المنبه وكعدتي وشفتيني واخترعتي
وتر:هههههه شمدريني عبالي هذا الي يركض وراي اجه كدامي غير متت خوف
لحن: ههههه نامي هسه وارتاحي واكعدج ب٦:٣٠ علمود ترحين لدوامج
وتر: تمام مو تنسين وتاخذني النومه
لحن: هههه لاتخافين
وتر: طلعت وسدت الباب وراها
مثل كل مره جذبة جديده , ماكدرت احجي اخاف عليها البيها مكفيها نوب تحير بيه
نمت ع جانبي الايسر وايدي ع خدي اخذتني الافكار لبعيد ماكدرت انام ولارفلي جفن ضليت افكر شلون بيه وشلون اتخلص من هالكابوس اللازك بيه وشلون بأمي قربت نهايتها وحالتها داتزيد اسوا من قبل
اجت اختي وكعدتني كمت من الفراش وتريكت وغسلت وجهي واسناني ولبست ملابس الدوام ورحت للجامعه
اول ماوصلت لكيت ڤلانتاين شايله بيدها علاكه جبيره
وتر: شنو هاي
ڤلانتاين : غدا
وتر: صدك
ڤلانتاين : والله والكل معزومات ومنهن انتي
وتر: شنو المناسبه
ڤلانتاين : تذكرين العام من نذرت نذر اذا انجح من الثانيه اسويلجن بيتزا وغداجن عليه
وتر: يي
ڤلانتاين: يي واليوم سويته بعد ماتخلص محاضره الارشاد نروح نتغدا سوا
وتر: ههههه مم خل نشوف بله طبخج طيب لا
ڤلانتاين : اكلي واحكمي
وتر: اكيد ههههههه
وصلنه للقسم سوا خلينه الاكل بمكان أمن بعدها دخلنه للمحاضره لكيت ريم حاجزه مقعدين رحت كعدت يمهن درت وجهي جان الكه رزان وميار وراي
رزان: ليش ماكعدتي يمنه
وتر: نفس الشي ماكو فرق
ميار: خل تخلص المحاضره واسولفلج شصار البارحه
وتر: شصار
رزان: اشش اجه الاستاذ
وتر: خلصت اول محاضره وبدت الاستراحه
تعالي ولج احجيلي شصار
ميار: غير تقى كشفتني
وتر: لا بربج
ميار: وربج وتخيلي شصار
وتر: شصار
ميار: صارت مكافش بالشعر بالاخر امي لحكتني وعلي الا شويه ميته جوا ايدها
رزان: وجعا التوجعج شو بس تحجين لوتر
ميار: مو دا احجي الجن ثنينجن
رزان: مو تباوعين لوتر وتحجين
ميار : يلا نوب اباوعلج واحجي
رزان: ولي عني ما اريد
ميار: يااااااايي فديتتت قزومتيي الزعلانه لاتزعلين يلاا
رزان: ولي عني وعلي راح ازعل
وتر:بنات
رزان: ها
وتر: لازم اروح واعوفجن بعد ماتخلص المحاضره
رزان+ ميار: وين ترحين
وتر: بعد محاضره الارشاد ڤلانتاين مسويه عزيمه ولازم اروح وياهن
رزان: ماتجين ويانه يعني
وتر: ما اكدر فشله منها
ميار: تمام روحي بس يوم الاحد ويانه تضلين
وتر: كل يوم وياجن ترا فشله منهن هنه هم صديقاتي ومن الاعداديه لسه
رزان: بكيفج يختي
وتر: شراح تاكلن
رزان: شعليج مو راح تاكلين وياهن
وتر: ههههههه نجبي لج