اوتار

البارت الرابع

اوتار ..
البارت الرابع ..
للكاتبة : اية علوان ..
........

لحن: وتررررر
وتر: هاا
لحن: لسه كاعده
وتر: يي بعدني منتضره انعس حتى انام
لحن: هاا ، قررت قراري
وتر: بشري
لحن: راح اوافق
وتر: متاكده من قرارج
لحن: يي وراح اشرط علي شرط اذا قبل بي اوافق علي واذا لا ارفضه
وتر: شنو شرطج
لحن: يستقبلج انتي وامي ويانه تعيشين وما اخليجن وحدجن هنا
وتر: هااا
لحن: والله لعد شنو قابل اعوفجن اكيد لا
وتر: ومنو يكول يقبل
لحن: بقت علي اذا يريدني يقبل بيه وبأهلي  بعدين هو بيته وحد عن اهله ونكدر ناخذ راحتنه
وتر: والله ما ادري بكيفج اذا ثابته ع قرارج هذا هاهيه توكلي ع الله وان شاء الله خير
لحن: اروح انام هسه وانتي هم لاتضلين سهرانه
وتر: باجر جمعه يمعودااا
لحن: واذا جمعةة
وتر: معليه اريد اشبع نوم تعبت هالاسبوع كله اكعد ب٦ وميته نعاس لوما الدوام فلا اكعد
لحن: هههههه تمام يلا امشي نامي
وتر: تصبحين ع خير
لحن: وانتي بخير
وتر: طلعت وسدت الباب وراها واني قفلت خزانتي وكمت من مكاني ونمت بفراشي اخذت تلفوني وراسلت كاديان كلت انتضر للصبح ترد شو هاي بسرعه شافت وردت
وتر: شعندج كاعده لسةة
كاديان: جنت اراسل وي حسنين انتي شكو لسه كاعده
هااااااا بس لا عندج واحدد لججج
وتر: وجعا اكيد لا بعدين تدرين بيه اكرهم كلهم وما احب ادخل بعلاقه وي احد مالي خلك البيه مكفيني
كاديان: احسلج والله ماوراهم غير المصايب ودوخه البال خليج هيج احسلج
وتر: هاااا الضاهر حسنين مسببلج دوخه بال الا احجيله عليج ههههههههههه
كاديان: لاااااا والعباس لااا بالعكس حسنين ماكو منه ولج احبهه واموت علي هاي اذا تركني اموت وعلي تخيلي وتر نتزوج وتجين بعرسي تكونين الشاهده الوحيده ع حبنه الله
وتر: هههههه ويصير عندكم بنيه وولد اذا بنيه سميها وهج
كاديان: وهج !!
وتر: يي
كاديان: حلوو بس ليش هالاسم
وتر: عاجبني كلش
كاديان: سمي بنتج وهج اني اريد اسميها غير اسم
وتر: كبر هسه شحلاته وهج والله يجنن
كاديان: هو حلوو بس ما ادري اشوف حسنين اذا قبل اسميها وهج واذا لا اختار غير اسم
وتر: ههههه تمام
كاديان: يي شكو ماكو شلونها امج لحن شلونها
وتر: لحن زينه تخيلي اليوم واحد بالشغل وياها تقدم الها واجت ميته خوف
كاديان: شعجب مو اجوها هواي شو رفضتهم كلهم هذا هم راح ترفضه
وتر: لااا ولججج غير هي هم جانت معجبه بي بس مجانت حيل مهتمه هيج يعني اعجاب عابر ماتوقعت يجي ويتقدم الها وهمه اصلا مابيناتهم شي
كاديان: يعني راح توافق
وتر: يي اجت قبل شويه وكلتلي راح توافق بس بشرط
كاديان: شنو
وتر: انو يخليني اني وامي نعيش وياها كالت اذا قبل اوافق واذا رفض الله وياه
كاديان: خوش تسوي والله
وتر: ما ادري يختي خايفه
كاديان: من شنو
وتر: خايفه من كلشي من مستقبلي وع امي واختي شلون بيها ما ادري احس حياتي كلها خربطه بخربطه
كاديان: لا لاتفكرين هيج ولاتخافين الله راح يسر كلشي الج انتي بس اصبري وتوكلي ع الله ولاتفكرين بالجاي اهم شي يومج فكري بي وشلون تخلصي
وتر: ونعم بالله ، يلا ولج اريد انام جفيني شرج
كاديان: وليي هو اني راسلتج لو انتي
وتر: اني اني يلا دعبلي
كاديان: ههههههه ولييي
وتر: سديت الجهاز وحاولت انام ، احس صرت فرحانه فجاه احب احجي وي كاديان احسها تاخذ كل طاقتي السلبيه دائما تعرف كلشي عني تعرف شوكت اضوج شوكت ابجي شوكت اكون مهمومه بدون ما اكوللها اي شي دائما تحس بيه واحساسها بالمكان
صارلنه ٦ سنين سوا رغم كلشي مرينه بي وشكد حاولو يفرقونه بس ماتفرقنه جان الكل يحجي علينه بسبب فارق العمر الي بينه هي اصغر مني ب٣ سنين رغم هالشي جانت تختلف عن الي بعمرها واعيهه وتعرف تصرف وذكيه وحتى تصرفاتها تدل عبالك اكبر مني كل هذا بسبب طفولتها الي ماشافت شي منها كضته بعيده عن اهلها وبعيده عن كل الجهال لا لعبت وي احد ولاتقربت لاحد ضلت طول عمرها وحيده رغم شكلها الطفولي وهي محبوبه بس حظ ماعدها ابد
........
• السابع من اكتوبر