اوتار

البارت السابع عشر

اوتار ..
البارت السابع عشر ..
للكاتبة : اية علوان ..

.....

الدكتوه: بنتكم حامل وللاسف الطفل وضعه يخوف ومامستقر ابد وعلى اي لحضه يصير عدها اسقاط

ام عبد: يايمه يروحيي حتى بفرحتج لازم اكو عله
ميار: اريد استوعب الي كالته الدكتوره
معقوله !!
اني حامل !!! ييي  انيي حامل ، ببطني روح صغيره
مدا اصدك يالله ، رحمتك يارب
واخيرا الله جبر بخاطري ويرزقني بطفل رغم كلشي صار بيه بس لخاطر هالطفل راح اضل اتحمل واقوي كلبي
عسى ولعل هالروح الصغيره تكون سبب لاصلاح الخراب الي بحياتي
عسى ولعل عبد بعد ما يعرف
يصير زين وياي ويتغير لخاطر هالطفل

راحت الدكتوره

ام عبد : كوميي لجج نوب حامل خوش سالفه هاي
ميار: ليش عمه بدال ماتفرحين راح تصيرين بيبيه
ام عبد: هههههههه( بأستهزاء) بيبي
يااا عشتووو اني اصير بيبيه لابن وحده ساقطه مثلج
الله يستر من الجاي يمكن هم يطلع مثلج هم ساقط وهم كواد ع امه
ميار: حرام عليج تحجين هيج هسه هو حتى ما اجه للدنيا حتى تكولين عنه هيج
ام عبد: لا والله باع منو يعلمني الحلال من الحرام هههههههه والله يالله كوميي كومي بس تتعايرين
نوب حامل عشتوو

ميار: كامت تهز بأيدها وتستهزء بيه
صارت كل تصرفاتها وتصرفات اولادها عادي عندي
رغم بس شهر عشت وياهم
خلال هالشهر شفت كلشي بعيني واحس كبرت بدل الشهر شهور
رجعنه للبيت والفرحه بداخلي
هالمره لو تنكلب الدنيا والكل يحجي عليه  هم عادي
مستحيل اخلي احد يگلب عليه فرحتي

بعد ماوصلنه للبيت
طشت عمتي الخبر عند الكل
بيهم الي فرحو وبيهم الي عادي عدهم اصلا
الا اخت عبد الله
الوحيده الي حسيتها فرحتلي كلش
من سمعت ركضت حضنتني وباركت الي

مريم: الف مبروك يروحي
ميار: الله يبارك بيج
مريم: يعني راح اصير عمه
ميار: ان شاء الله
مريم: كلتي لعبد
ميار: بعدني منتضرته يرجع من الدوام حتى ابشره
مريم: الله يسعدكم ويخلي هالفرحه دوم
ميار: اميين يارب
مريم: يلا اني اروح اكمل قرايتي
ميار: الله وياج
رحت لغرفتي انتضر عبد بفارغ صبر حتى افرحه بهل الخبر

رتبت غرفتي وضليت منتضره عبد يجي
صارت ساعه ب٨ بليل

واكفه كدام الطباخ ودا اسوي عشا
انفتح باب الصاله وطب
شافته امه ركضت عليه
ام عبد: يمه ياوليدي يدمع عيناي يعافيتي
عبد: شبيج يمه صاير شي
ميار: من سمعتها تندب وتتبجبج ركضت ووكفت يم باب المطبخ اشوف المسرحيه الجديده الي داتسويها عمتي
ام عبد: غير مصيبه صارت وراك وشلون مصيبه من اوسخ بشر بهل البيت
ميار: من كالت هيج بدون مايسئل او يحاول يعرف منو
كبل دار وجهه عليه
عبد: شمسويه من مصيبه
ميار: والله مسويت شي
ام عبد: غير المسعده طلعت حامل
ميار: انتضرت هاللحضه بأحر من الجمر تمنيت اشوف منه رده فعل تنسيني كل الي مضى
بس صدمتني رده فعله
بارد بلا مشاعر ولا احساس
ولا كأنما انطيته احلا خبر ممكن يسمعه الرجال من زوجته
الي بمكانه هسه يطير من الفرح والابتسامه واصله لاذنهً
اما هو ابد ولا حتى نضره اهتمام من سمع صفن بوجهه امه وكال
عبد: واذا حامل
ميار: حاولت تحاجي امه دار وجهه وراح طب لغرفته
ماتوقعت ابد ممكن اشوف رده فعل مثل رده فعله
هذا مو عبد الي اعرفه
مو حبيبي الي جان من يسمع صوتي يطير فرح