اوتار

البارت الثامن عشر

اوتار ...
البارت الثامن عشر ...
للكاتبة : اية علوان ..

.........

وتر
بعد ماخلصت اختبار اللغه قررو يعلنون النتائج بعد اسبوع
ميته خوف لا كدرت اكل عدل ولا انام عدل ومن انام دائما احلم بالنتيجه واطلع راسبه
خفت لا من صدك يتحققن احلامي ومايقبلوني
صرت الوم نفسي ع كل لحضه ضيعتها هيج وماقريت بيها ، رغم شكد تعبت وقريت بس بهل اللحضه حسيت كل قرايتي هيج راحت

يوم النتائج
كاعده بالصاله وحدي وكدامي الحاسوب
الخوف والقلق يقرا الف ، كل تعبي راح يتحدد بهل اللحضه
رن الحاسوب برساله من الايميل
دخلت عليها وانصدمت بالمكتوب
ماتحملت كبل نزلت دموعي امسح دمعه تطيح عشره
رن جهازي بأتصال من اسحاق
اسحاق: بشريي
وتر: (ببكاء) اسحااااق
اسحاق: خيرج ليش تبجين
وتر: بعمري كله ما انصدمت مثل هالصدمه شلون ما ابجي
اسحاق: اهدي وكليلي قبلوج لو لا
وتر: اكو واحد يقبلو ويبجي بربك دا تشوفني ابجيي شنوو معناه
اسحاق: يعني رسبتي !!!!
وتر: ايي
اسحاق: عادي لاتضوجين ولاتنقهرين تعوضيها ع السنه الجايه
وتر: مااا اريد هالسنه اريد تعبيي الي ضيعته كل هالفتره
اسحاق: هاي بعد لاتبجين يمعودا بعدين ماكو واحد ينجح من اول خطوه اكيد لازم تطيحين وتتعلمين من وكعتج
وتر: هههههه عفيهه
اسحاق: حرامات جنت محضرلج مفاجاه عبالي راح تفرحينه وتنجحين
وتر: كول والله محضرلي مفاجاه
اسحاق: والله بس ماطول ماقبلوج انسي الهديه وصاحبها
وتر: لاااااا والله ناجحه وقبلوني وابشرك نجحت بمعدل 89% 
اسحاق: ههههههه حسيت بيج بس ضليت اساير بيج حتى تحجين الحقيقه
وتر: هسه معليه اريد هديتي
اسحاق: شبيج مستعجله ، باجر تجيج
وتر: هواي منا للباجر
اسحاق: هاي لان جذبتي من البدايه
وتر: شبيك غثيث مايصير واحد يشاقه
اسحاق: هههه يلا  لازم اطفي وراي شغل
وتر: تمام
طفيت الاتصال من اسحاق وركضت اكمز ع التخم من الفرحه
واخيراا الحمد لله كدرت اخلص من اول خطوه
وهاي اصعب خطوه الباقي سهل ان شاء الله
بما انو انقبلت بجامعه ......
فلازم اشد حيلي وادرس اكثر اني متاكده راح ارجع للعراق واني مليانه نجاح ، الله وهيج اصير استاذه بالجامعه
واصير اصغر استاذه ومن اطب كلها تنبهر بصغر عمري
شهل الاحلام الحلوه يمةةة

مر ثاني يوم
ساعه ب4 العصر
اندك الجرس رحت فتحته
جورج!!!
جورج: مرحباً سيدتي
وتر: هلاو جورج
جورج: تفضلي هذه هديه سيدي اسحاق لك بمناسبه قبولكِ في الجامعه
وتر: علبه جبيره ومبينه ثكيله ,, مم ياترى هالمره شنو الهديه
جورج: وهذه هديتي لكِ بمناسبه نجاحكِ
وتر: يااا حتى انت جبتلي هديه
جورج: sure
وتر: علبه وبيها سوار كلش حلو
كلش شكرا ع الهديه
جورج: هههه الان سأذهب إن احتجتي الى اي شي سأتي اليكِ بالسرعه القصوى
وتر: ههههه تمام
وتر: بعد ماراح جورج ركضت للعلبه حتى اشوف شنو جايبلي ، كلش متحمسه اعرف
فتحتها ، واووووو شهل الفستان يجنننن
جان بالعلبه فستان مستور من كل الجوانب
من الخصر للنهاية كلوش مثل الاميرات ومن نهايه الفستان تور مطرز ع شكل اقواس ناعمه
ومن اعلا الفستان ، بالصدر دكم ناعمه ومدده ع طول الصدر للخصر وبالخصر حزام ابيض وبالاطراف ردن ضيگ وبنهايه الردن هم تور ع شكل اقواس مدده لنهايه اصبع الابهام
التور بلون الابيض والدكم والحزام الي بالخصر هم ابيض
والفستان كله اسود
يعني من كل الجهات يجننن ، يعني لاول مره اعرف ذوق اسحاق حلوو هيج هم اختارلي اللون الي احبه وهم التفاصيل الدقيقه الي اعشقهن
بعد ماطلعت الفستان ، اكو علبتين
وحده من العلب جانت مجوهرات ناعمه عباره عن سلسال بنهايته شكل مثل المجره
وسوار بي تفاصيل داخليه ناعمه
وبالعلبه الثانيه حذاء كعب اسود وبي فيونكه من ورا بلون ابيض
واخر شي ورقه بيها دعوه ورساله
فتحت الرساله هم انكليزي بربك اسحاق هسه اني يادوب خلصت من الامتحان تالي تدزلي رسائل بالانكليزي
اريد فد يوم يدز رساله بالعربي ماكو ، اعتقد مايعرف يكتب بالعربي
بس شلون وهو ولد بالعراق وعاش هناك
اووف يلا خل اقرا شمكتوب