اوتار

البارت السابع والثلاثون

اوتار...
البارت السابع والثلاثون ...
للكاتبة: اية علوان ...

...........

اسحاق: بالواقع اني اقرب الج مما متوقعه
وتر: يعني شلون
اسحاق: كل الي مريتي بي جانت خطه مني واني مو اسحاق الي تعرفي كوصي عليج

وتر:مافهمت قصدك اذا مو الوصي عليه لعد منو انت !!!؟

رد عليه والخوف مالي عيونه من رده فعلي

اسحاق: اني اخوج ...

وتر: اريد انطق واحجي واصيح بوجهه اريد تفسير منطقي لكلامه
شنو اخوي لا اسحاق مستحيل يكون اخوي عندي اخ واحد وتوفى قبل ولادتي لا مستحيل ياربي دخيلك ساعدني

كمت اعتعت وما اعرف اعبر عن صدمتي

مستحيل تكون انت اخوي لا
لحن عفيه كوليله هو مو اخوي
لحن: بس هو اخونه ليش مداتستوعبين هالشي
وتر: جنتي تدرين حتى انت سيف جنتو كلكم تدرون الا اني
هههههه واني اكول شلون قبلتي تخليني اروح وي رجال غريب وبالاخر يطلع اخوي
اسحاق: اني طلبت منهم مايكولون الج لذلك لاتحاولين تذبين اللوم عليهم
وتر: ليش ماكتلي من البدايه ليش خليتهم يضمون عليه
اسحاق: لان افضل الج وللكل
وتر: لككك شنو افضل منو انت حتى تعرف الافضل الي
طول السنتين جنت تضحك عليه ومسوي روحك الوصي عليه وبالاخر تطلع اخوي
اسحاق: اششش اهدئي لا جنت اضحك عليج ولا شي مجرد ضميت عنج الحقيقه حتى ماتتاذين
وتر: لا والله حتى ما اتاذى ، اسحاق اطلع منا روح منا اسحاق ما اريد اشوفك ولا اريد اسمع اي كلمه منك
اسحاق: راح اروح بس بالاول لازم اخلص شغلي هنا
وتر: لا انت من صدك تخبلت
مستحيل ابقى ثانيه وياكم كلكم جذابين ومنافقين
صوجي اني الي غضيت البصر عن كلشي صار وياي وبالاخر تطلع حضرتك اخوي
ماتحملت ابقى ثانيه وياهم
كمت من مكاني ورحت لغرفتي
بهل الاثناء ركضت وراي لحن حتى تفهمني بس اسحاق طلب منها انو تعوفني براحتي
طبيت لغرفتي وطبكت الباب بقوه وقفلته
ماتحملت الي صار كمت ابجي ، احس براكين من نيران داخلي شلون وشوكت وليش الف سوال براسي
بس من جهه ثانيه محترك كلبي لان ضحكو عليه واستصغروني
والاضرب من هذا كله اني الي مثل الغبيه اول تالي امشي ورا كلبي واطيح هيج طيحه
لاول مره بعد فتره طويله واخيراً كدرت احب واعجب بشخص واخيرا كدرت انطي ثقتي الكامله بشخص
بالاخر يطلع هالشخص هو اخوي
اووووف خرااا بحضي ، شنو هالحظ الي شايلته

مر الوقت وضليت كاعده بغرفتي وابد ماطلعت
بين ساعه وساعه تجي لحن وتدك الباب وتتوسل حتى اطلع
بالمقابل اضل ساكته وما ارد عليها وانتضر لحد ماتمل وتعوفني براحتي
لسه مقهوره وضايجه منها لان ضمت عليه هيج شي
حتى وان اسحاق جبرها ماتحجيلي اني اختها واقرب الها من اسحاق
لحضه هو اسحاق هم اخونه بس مايصير اني اقرب الها منه