اوتار

البارت الرابع عشر

اوتار ...
البارت الرابع عشر ..
للكاتبة : اية علوان ...

.......

ام عبد : اجينه نطلب ايد بنتكم ميار لابني عبد الله ع سنه الله ورسوله
ميار: من كالت هيج طرت من الفرحه ضليت اكمز بالمطبخ حتى الضيافه عفتها بمكانها
فردوس: والله ما اعرف شكلج اشوف قرار بنتي وابوها وان شاء الله يصير خير
ميار: ركضت قدمت الضيافه اول ماشافتني ام عبد ابتسمت بوجهي قدمت الها وبعدها قدمت للباقي
صاحتني ام عبد وخلتني اكعد يمها ورجعت سئلت نفس السوال لامي
ام عبد: يمه ميار احنه جايين نخطبج ع سنه الله ورسوله لابني عبد وانتي خوش بنيه جمال ونزاكه واخلاق وين نلكه وحده مثلج
ميار: يمه كلبييي يمهه راح اموت من الفرحه
-والله خاله اني قراري وي قرار اهلي شيكولون اني وياهم
ام عبد : والنعم منج ومن اصلج
فردوس: ان شاء الله ٣ ايام ونردلكم خبر
ام عبد: ان شاء الله خير
ميار: بعد ماراحت ام عبد ركضت غيرت ملابسي  ومسحت مكياجي
اجت امي دخلت لغرفتي
فردوس: تعرفي الولد
ميار: لا
فردوس: لعد شبيج فرحانه الي يسمعج يكول حبيبها اجه خطبها
ميار: يمه الولد لا اعرفه ولا يعرفني ولو اعرفه جان من البدايه كتلهم موافقه غير اخذ شوركم الا اوافق
فردوس: والمكياج شو من مكيجتي اجن النسوان
ميار: يمةةةةة قابل اول مره امكيج تدرين بيه من اضوج اروح امكيج واغير من نفسيتي ترا مو اول ولا اخر مره امكيج
يمةة كلشي ولاتعرف عبد يعرفني غير يكنسلون كلشي ومايخلوني اصير اله
راحت امي واني ركضت راسلت عبد من الفرحه
بعد ما اجه ابوي وحجتله امي كلشي
كال اشوف اسئل عنه وع فصله واذا زين نوافق علي
ثاني يوم راحو سئلو عنه والحمد لله طلع خوش انسان
-شلون مو خوش انسان عمي هذا عبودي اعرفه اكثر منكم
باليوم الثالث انطو خبر وافقو وهنا كملت سعادتي
قررو يجون الزلم ويقرون فاتحتي
والحمد لله كلشي صار ع التمام
صرت اله شرعا وبقى قانونا
بعد اسبوع ونص عقدنه محكمه وجهزنه كلشي
بأقل من شهر كلشي صار بسرعه بسرعه ومن فرحتي
مالاحضت انو هالسعاده ماتدوم
ضليت طول هالفتره ابتسامتي واصله لاذني
يوم العرس
سويناها حنه وعرس بيوم واحد
طلع عبودي مايتحمل ويريدني اصير يمه بأسرع وقت
متوتره كلش وبنفس الوقت فرحانه
كعدت الصبح ورحت للصالون وي اختي وعمتي
مكيجتني ام الصالون وطلعت اخبل
بعدها لبست فستان الحنه ورجعنه للبيت
هوسه بكل مكان والكل فرحان كعدت بالصاله ساعات قليله تفصلني عن حبيبي واكون اله دوم
بعد ماخلصت  مراسيم الحنه ولبست فستانين اولهن احمر والثاني رصاصي ع ابيض مدرج كلش حلو
صار وقت الزفه
رجعت غيرت فستاني الرصاصي المدرج ولبست الابيض
كعدت منتضره اغلا ناسي ينور حياتي
دقايق قليله وجان اسمع الهوسات بدت تعلى اكثر واكثر
وكلها كامت تصيح اجه العريس اجه
خلال هالثواني لازمه الموبايل بيدي ومن الخوف بس ارجف
هسه شجاني طول هالفتره ماخفت هيج هسه الا صرت اخاف ، لا اهدي ميار اهديي راح يجي عبد وتصيرين اله وتكونين اسعد انسانه بالكون