اوتار

البارت الاربعون والاخير

اوتار ...
البارت الاربعون ..
للكاتبة: اية علوان ...

..........

وتر: هههههه ييي احجيلي هسه من شوكت تزوجتي وشلون وليش ما ادري وفوك كل هذا عندج بنيه والله ومضبطه امورج عفيه عليج
كاديان: يااا ولج اسكتي وخليها ولو تشوفين شصار بيه بيوم عرسي والا بيوم الي خطبني حسنين اووف ولج والله تعبت من جهه بابا وعمامي ومن جهه اهل حسنين
وتر: ليش شصاير
كاديان: تذكرين ابن عمتي علي الي جان حسنين يكرهه
وتر: يي شبي
كاديان: من ورا صارت هواي مشاكل
وتر: احجيلي كلشي ماعدنه شي والجهال دايلعبون
كاديان: تدرين قبل لا اتزوج من حسنين علي ابن عمتي حاجي بيه لعمامي ولابوي وابوي موافق
وتر: عزااا العزاج وتالي
كاديان: تالي كبت العيطه وصار الي ماتوقعته ابد
وتر: شصارر !!!
كاديان: ولج خيه مو اجه ابوي وكلي ابن عمتج يريدج عاد اني تخبلت وكتله بابا ما اريده وكال مو بكيفج ابن عمتج رايدج وفشله ترفضي
عاد هنا صارت مشاكل كومه واني اصيح واكللهم ما اريده وامي وياي بس ابوي قافل الا اخذ علي
ولج ونوب رحت لحسنين حجيتله كلشي كتله هيج وهيج السالفه الحك عليه قبل لا تخسرني
ولو تشوفين حسنين شسوا ولج غير تخبل وركض ثاني يوم حجه لاهله كلشي وكللهم اريد كاديان وهسه ترحون تخطبوها الي ابوه سئله وكاله بنت منو هاي
عاد من رد علي حسنين وابوه عرف بابويه تخبل وصارت عيونه بكصته وكال ماناخذ من ذولاك الناس وصار يحجي حجي طالع نازل ع ابوي
عاد والله بعد اسبوعين من المشاكل والصياح والرزايل قفل حسنين وكال الهم اذا ماترحون تخطبوها الي هسه اكتل روحي واكتلها وياي وشيصير خل يصير عاد تعرفين حسنين اذا راد شي يسوي لو يعرف يكلب الدنيا واهله يعرفون بيه عصبي ويسوي الي براسه
والحمد لله اجه لاهلي وخطبني وقنع ابوي يسوي كلشي نطلبه المهم ياخذني بالبدايه ابوي رفض وما اقتنع بكلام حسنين وحتى طرد حسنين وكبت عيطه بين الاباء
بس كل هذا ماخلاه يبطل من خطبتي عاد راح وجاب شكو واحد اخو خيته وعشاير وكذا ومن ذوله اهل العگل والساده ولج غير من اجو انترس بيتنه ترس بيهم وحتى اكو بيهم ضلو واكفين برا
وكل هذا بس علمود يقنعون بابا حتى ينطيني لحسنين
واخر شي الحمد لله اقتنع ابوي بطلاع الروح وافق وصارت خطوبتي من حسونتي وهاي شوفت عينج صارت عدنه بنتوته وكتله والله اسميها وهج وهو عود ماقبل وضل يحجي شنو وهج شهل الاسم الغريب عاد كتله والله اذا ماتسميها وهج ازعل وياك وتضل حسره بكلبي ع اسم وهج وهو خطيه ماحجه شي واقتنع وسميناها وهج وبعد كم شهر يصير عمرها سنتين
وتر: الله لج شهل القصه الخياليه
كاديان: يااا والله صدك شبيج الغسل
وتر: ههههههههه زين وعلي وين راح
كاديان: خل يولي يمعودا والله بطران يردوني اصير مثل عماتي وكل الي يجي يدمغ بيه عشتوو ولج اني كاديان اكو احد يكدر ياذيني بشعره والله يالله
وتر: ههههههههه ييي عمي من يومج ام السان ووكحه وتاخذين حكج من سابع سمه
كاديان: ييي فديتني هههههه
وتر: والله ماتوقعتج تزوجين جان ع الاساس من تخلصون جامعه يجي يخطبج بس وين زط بط كبل صرتي مرته
كاديان: ييي والله حرامات كبر لفك علي كله من وراك استعجلنه جان هسه بعدني صغيرونه ادرس واهتم بنفسي وبس وعندي الي يصرف عليه وين راحت احلامي خرب حضي هسه رجل وبيت وبنوته ودراسه وماشايفه دربي
وتر: الله يساعدج باعييي وكل هذا تحاولين تقنعيني بالزواج خليني عمي مرتاحه هيج
كاديان: ههههه ييي والله احسلج ابقي هيج
يااا ولج صدك ماكتيلي هذا اسحاق شلونه ماعندج صوره اله منا منا
وتر: باعي اني ادري بيج كوا تقتنعين وكل ما شفت واحد زين ومرتب تكولين يعع محلو وتخربين واهسي
كاديان: تراا والله محلوين بعدين هالفتره صايره الشباب الحلوه نادرين كلش
وتر: خل يسمع حسنينج
كاديان: ههههه وعلي يموتني
وتر: هههههه باعي عندي صوره لاسحاق بس انطيني وعد ماتضحكين او تعيبين علي بالنسبه الي هو احلا واحد
كاديان: تمام وعد ما اضحك ولا اتنمر علي بس خل نشوف منو هذا اسحاق الي خابصتنه بي
وتر: طلعت جهازي وراويتها صوره اله من جان بألمانيا بوكتها جان شتا والجو بارد كلش وجان لابس قميص اسود وي بنطرون اسود وكوت طويل وفوك الكوت لفاف لافه ع ركبته من البرد والاحلا من هذا كله جان ستوه داخل للكوفي الي جنت اشتغل بي ومن شافني ابتسم وطلعن غمازاته عاد اني من اول ماشفته نزل من السياره لحد ماطب واني اصور بي ومن ابتسم صارت الصوره عفويه بوكتها لسه اتذكر تفاجئ من شافني اصور بي وطلب مني ابعد الكامره عن وجهه لان مايحب الصور