اوتار

البارت الخامس والثلاثون

اوتار...
البارت الخامس والثلاثون
للكاتبة: اية علوان ....

............

يوم السادس من شهر يوليو
يوم الخميس

اليوم تحدد موعد تخرجي واستلم نتيجتي
طايره من الفرحه وممصدكه راح اتخرج للمره الثانيه
اليوم راح استلم نتيجة تعب سنتين
من جهه فرحانه ومن جهه خايفه اخاف ما اطلع تقدير جيد جداً مثل ماوعدت نفسي ووعدت اسحاق
شيخلصني اذا طلع تقديري جيد

لابسه روب التخرج وكاعده من ضمن الطلاب ومنتضره ع نار يصيحون اسمي حتى استلم النتيجه
من جهه الثانيه جانت ميار ويونس كاعدين من ضمن عوائل الطلاب ومنتضرين اسمي
باوعت من كل الجهات اريد اشوف اسحاق ماكو
كلش ضجت وانقهرت بيوم تخرجي وما يجي

مرت الدقايق وبدو الاساتذه يلقون بالخطاب الرئيسي
بعدها صعد رئيس الجامعه حتى ينادي بأسماء الطلاب الاوائل
بلش يصيح طالب بعد طالب
منتضره شوكت يخلصون الاوائل حتى يبلشون بقائمه الجيد جداً ويصيحون اسمي
بهل الاثناء فجاه الاستاذ صاح اسمي
اخذت ثوان حتى استوعب الي دايصير
اني مو من الاوائل ليش يصيح اسمي من ضمنهم
من كل جهه ناس تصفك وع المنصه الاساتذه واكفين حتى اجي واستلم شهادتي
مشيت خطوات وصعدت ع المنصه واستلمتها
شفت مكتوب من ضمن الاوائل بدرجه امتياز
من الصدمه ماعرفت شسوي فجاه حسيت بدموعي تطيح وماكدرت اسيطر عليهن
ممصدكه يالله كل هالتعب واحصل امتياز
اول مانزلت ركضت ميار بأتجاهي وحضنتني وباركت الي
من بين كل الحشود عيوني تدور ع شخص واحد بس
وينه وليش لسه ما اجه
معقوله نسى موعد تخرجي
بعد تفكير طويل انتهى حفل توزيع النتائج وتكريم المتفوقين  بعدها بلش حفل يخص الطلاب واهاليهم

واكفه يمي ميار وفاتحه كامره وي رزان وتصور بيه حتى تراويها شكلي
بهل الاثناء جنت ملتهيه بالتصوير وي رزان وميار وي اختي الي شبعت بجي من الفرحه بعد ماشافتني بروب التخرج وبيدي شهادتي
ع لحضه حسيت احد وراي وصاح بصوت خافت قريب مني كلش
اسحاق: الف مبروك
وتر: فزيت ودرت وجهي بسرعه
اسحاااق
اسحاق: ههه تفضلي
وتر: ورودي الحلوه ، دائما تعرف تختار الهدايا المناسبه
اسحاق: لان اعرف شتحبين وشتكرهين
وتر: ممم ليش تاخرت
اسحاق: جان عندي شغل لذلك تاخرت
وتر: مم مو انطيتك وعد اطلع تقدير جيد جداً
هاك استلم حصلت الامتياز بعد شتريد
اسحاق:ههه عفيه عليج والله ماتوقعت تطلعين امتياز
وتر: وليش ما اطلع ترا تعبت وقريت هواي والله مايضيع تعب احد شوف هاي استلمت تعبي بأمتياز
اسحاق: مم صح كلامج
وهسه بما انو قربت تخلص الحفله امشي خل افرفرج شوي
وتر: وين !!
اسحاق: لاي مكان تحبين ترحين اله
وتر: ما ادري مو كلش اعرف بالاماكن هنا
اسحاق: لعد خلينه نفتر بالسياره واي مكان يعجبج نوكف عنده
وتر: وميار ويونس !!
اسحاق: والله اني جاي علمودج مو علمود ميار لذلك دبري حجه وخل نروح
وتر: دقيقه خل احاجيها
اسحاق: تمام
وتر: رحت لميار وكتلها لازم اروح سئلتني وين كتلها ما ادري هيج افتر وارجع بعدها طلبت مني تجي وياي نوصلها للبيت
رجعت لاسحاق وكتله وكال يلا
اول ماوصلنه لباب الجامعه شفت سياره مختلفه كلياً عن سياره اسحاق السابقه
وتر: لاتكلي اشتريت سياره جديده
اسحاق: يي ليش لا
وتر: هاي السياره احلا من ذيج
اسحاق: صعدي وشوفيها من الداخل
وتر: صعدت وجان اشوف تصميمها يجننن
صعد بالمقعد السايق بعدها صعدت ميار ويونس ويانه وصلنه للبيت
نزلت ميار ودعتنه بعدها مشى اسحاق
اسحاق: خل نطلع من المدينه واشوفج شي
وتر: شنو
اسحاق: انتضري
وتر: مشينه مسافه طويله بعدها وصلنه لشارع عباره عن تلال وجبال يجنن وناس قليله بي
كام اسحاق وضغط زر من ازرار الموجوده ع لوحه الستيرن
فجاه انفتحت سقفيه السياره
وتر: واوووو الله
اسحاق: ههه
وتر: اكدر اوكف
اسحاق: بس ع كيفج تمسكي بالحافه زين
وتر: تمام
وكفت ورجلي ترجف من الخوف لاول مره اجرب هيج شعور
-اكدر اصيح
اسحاق: ههه تردين تفضحيني هسه الي يسمعج شيكول
وتر: حباب بس مره
اسحاق: لاتحاولين وياي لا يعني لا
وتر: براا منك
اسحاق: ترا انزلج هنا
وتر: نزلني
بعدني ماكملت كلامي فجاه شغل السياره ع اقصى سرعه وطارت بينه
من الخوف ماكدرت اوكف بسرعه كعدت
-اسحاااق لااا عفيه اوكف
اسحاق: هههه شكلج وانتي خايفه تضحكين
وتر: عمي وصلني للبيت ما اريد بدال ماتخليني استمتع بوقتي تالي تخوفني وتضحك عليه
اسحاق: تمام تمام راح اوصلج للبيت بس اهدئي
وتر: يي عفيه
وصلنه للبيت بعدها ودعت اسحاق وراح ورجعت طبيت للبيت
ميار: ولججج وين رحتي
وتر: افترينه شوي وبس
ميار: ممم
وتر: هههه والله شبيج
ميار: اكلج
وتر: همم
ميار: السبت راح ترجعين
وتر: يي عكب باجر
ميار: خليج هنا شبيج
وتر: ما اكدر والله لازم ارجع
ميار: عود سلميلي ع عبوده وكليله شلونك بدونها
وتر: ييي علمود يركض وراي بالرشاش
ميار: هههه والله لو يدري يحط المسدس براسي ويفرغه كله عليه
وتر: يستاهل كل الي دايصير من وراه
ميار: يي والله
وتر: راسي يوجعني خل اروح ارتاح
ميار: تمام