اوتار

البارت الثالث والثلاثون

اوتار...
البارت الثالث والثلاثون ...
للكاتبة: اية علوان ...

................

بعد مرور 6 أشهر

وتر
قريت تنتهي فتره اقامتي بألمانيا
خلصت امتحانات والحمد لله زينه بقى اسبوع واستلم نتيجه تعب سنتين  واكون استاذه بعمر ال٢٤ سنه
مشتاقه لكلشي مشتاقه لبلدي ولمدينتي
مشتاقه لشوارع الي جنت اصفن بيهن واشوف الناس
مشتاقه للازدحامات واصوات العياط وهورن السيارات
مشتاقه للبيت وللحديقه الي تمليها اشجار الياس
مشتاقه لزوايا غرفتي الاربعة
مشتاقه لابوي وامي ولاختي والانوسي ولصديقاتي من كاديان ورنا وفلانتاين وريم وازل ورزان وميار
ممصدكه واخيرا هذا اخر اسبوع بعدها ارجع لكلشي بس راجعه واني بيدي شهادتي وفخري ونجاحي
راجعه لبلدي واني كلي فخر ينفسي

الشي الوحيد الي ضايجه علموده هو اسحاق وجورج
ما اصدك عشت وياهم هالسنتين وكدرت اتاقلم وياهم واحبهم مثل اخوتي
رغم ولا يوم حسيت بأحساس الاخ ولا مجربه هل الشعور
ولا بيوم كدرت احب احد او اختلط واكون صداقات وي احد لان جنت كارهه كلشي بحياتي
بس من دخل اسحاق لحياتي غير كلشي بيها
خلاني احب نفسي واغيرها للافضل

جورج: سيدتيي
وتر: هاا
جورج: هل حقاً ستنتهي مدة اقامتكِ هنا
وتر: يي للاسف الاسبوع الجاي اخر اسبوع
جورج: ارجوكِ لاتعودي لدياركِ ابقي هنا معنا
وتر: ما اكدر والله لازم ارجع
جورج: سيحزن سيدي كثيراً عند رحيلك
وتر: هههه والله مامبين علي راح يضوج بالعكس شو احسه فرحان لان راح يخلص مني
جورج: لا اعتقد ذلك
وتر: عوفنه من اسحاق كولي ستيفين وكارول شلونهم
جورج: انهم بخير
وتر: الحمد لله
جورج: مم حسناً سيدتي لقد وصلنا
وتر: شكراً جورج
جورج:  يورولكم سيدتي
وتر: راح تنتضر لو ترجع للشركه
جورج: سأتصل بسيدي  وارى ان امكنني البقاء معك ام اذهب للشركه
وتر: تمام لعد راح انتضرك
جورج: حسناً
وتر: اتصل جورج بأسحاق وطلب منه يبقى وياي لحد ما اكمل شغلي
جورج: تفضلي سيدتي
وتر: ههه كافي تصيحلي سيدتي صارلي سنتين اكلك بطلها ولحد الان مستمر بيها
جورج: لايمكنني فسيدي طلب مني ان احترمكِ وان اناديكِ بلقب يناسب حضرتكِ
وتر: اخخخ اسحاق اخخخ
طبينه للمحل وبلشت افتر بكل فرع  من المحل
اخذت هدايا للحن وسيف وانس
وهديه لأسحاق وجورج
واشتريت كم قطعه ملابس كلش عجبني
اخذت تقريباً ساعه ونص الا خلصت
وتر: جورج عفيه ساعدني
شافني جورج من بعيد ركض واخذ الهدايا من ايدي
جورج: ليتكِ تركتها هناك
وتر: شلون اعوفهن
جورج: ستاتي احدى الموظفات وتنقلها
وتر: لا اخذهن بيدي احسن
جورج: كما تريدين سيدتي
وتر: وين اروح هسه
جورج: لا اعلم سيدتي
وتر: شوف خل اودي هالغراض للبيت وبعدها اروح لاسحاق
جورج: لسيدي !!! لماذا !!؟
وتر: اريد اشوفه اخر مره شفته قبل ٤ ايام ولحد هاليوم لا سئل عليه ولا كال خل اشوفها
جورج: حسناً كما تودين سيدتي
وتر: صعدت الغراض وديتهن للبيت بعدها وصلني للشركه
بكل مكان ناس داتشتغل وكل واحد حاير بشغله
اول ماطبيت طب وياي جورج طلب مني اذن حتى يروح لشغله وافقت وتشكرت منه
بعدها صعدت بالمصعد وضغطت ع زر اعلا طابق
بلش الباب ينسد فجاه سمعت احد يصيح من بعيد ويكول stop , stop  please stop
حطيت ايدي كبل ع حافه الباب ورجع انفتح
طب رجال بعمر ال٤٠
انسد الباب وبلش المصعد يصعد
مرت ثوان واني ساكته وهو ساكت
انفتح الباب وطلب مني اعبر عبرت وعبر وراي
راح لطريقه واني رحت لغرفه اسحاق
دكيت الباب بعدها فتحته
مالكيته موجود ، استغربت وين طالع هو دائما بغرفته
استغليت هالموقف بما انو ماموجود قررت ابقى وادور بغراضه
ادري بي مايحب احد يفتش بغراضه بس عادي هو هذا اخر اسبوع بعدها كل واحد يروح بطريق
كعدت ع كرسيه المتحرك وضليت العب بي وافتر
تونست كلش واني افتر بي
بعدها وكفته وسحبت الاوراق الموجوده ع المكتب مالته
كله انكليزي  مالي خلك اكعد اقرا وافهم رجعتهن بمكانهن
عجبتني تحفه محطوطه ع حافه المكتب
عباره عن 3 طوبات حديد الاولى تضرب وتدفع الثالثه
وترجع الثالثه تضرب الاولى
بقيت صافنه عليهن وعيوني تمشي ع كل طوبه تتحرك