اوتار

البارت الثالث والعشرون

اوتار ...
البارت الثالث والعشرون ...
للكاتبة : اية علوان ...

.........

فقدت كلش وعيوني كوا افتحهن
سديت كتبي ورحت ركض ع فراشي
غفيت وماحسيت ع نفسي
فزيت ع رساله من جهازي
كوا افتح بعيوني لسه ميته من النعاس
فتحت الجهاز شفتها ساعه ب١ ونص الفجر
فتحت الرساله طلعت من رقم مامكتوب الاسم عليها

-راح اسوي العمليه

شفتها وماعرفت من منو حتى مافكرت منو الي دزها
رجعت قفلت الجهاز وغفيت

صحيت الصبح ع رنه المنبهه

        1:24  فجراً

طفيت المنبه وكمت غسلت وجهي واكلت لكمه بعدها
فرشت اسناني واخذت كتبي وطلعت
اخذت باص يروح ع طريق الجامعه
صعدت باحد الكراسي العليا
فتحت جهازي ع اغنيه بعدها تذكرت الرساله الي اجتني
دخلت ع البرنامج المرسل منه
رقم غريب !!
منو هذا
اتجهت ع خانه الاتصال واتصلت
رن بس محد يرد
رجعت اتصلت  ... رن
محد رد
قفلت الجهاز وما اهتميت كل عقلي شخص متوهم بالارقام

وصلت للجامعه
واليوم عندي اختبار
خلصنه المحاضره الاولى بعدها دخلنه للاختبار

جاوبت اول ثلاث اسئله
بعدها وكفت عند السوال الرابع
صفنت علي ما اعرف شجاوب
بعد تفكير طويل للاسف ماتذكرت الاجابه
جاوبت جواب عشوائي
سلمت ورقتي وطلعت
شافتني سيلينا اجت بأتجاهي
سئلتني شلوني بالاختبار كتلها موزينه واخر سوال ماعرفته
انطتني الاجابه وطلعت اجابه قصيره كلش
انقهرت وضجت كلش لان ماتذكرت الاجابه
رغم البارحه درست وتعبت بس خانتني ذاكرتي بأخر لحضه ونسيت كلشي
رحنه للكفتريا حتى اغير من مزاجي
طلبت عصير ونستله صغيره
واني دا اكل رن جهازي
نص النستله بحلكي والنص الثاني بالباكيت مالتها
رديت
الوو
جورج: سيدتيييي
وتر: جورجج
جورج: لماذا لم تاتي الى الان سيدتي
وتر: ليش صاير شي لاسحاق
جورج: منذ الصباح والى الان هو داخل صاله العمليات والى الان لم يخرج
وتر: عمليةةة ليشش جورجج صاير شي لاسحاق
جورج: اسرعي الى المستشفى وسأخبركِ بكل شيء
وتر: قفلت الخط وعفت كلشي وركضت للمستشفى
ماحسيت ع نفسي الا واني كدام صاله العمليات
ويمي جورج

جورج: البارحه بعد ان رحلتي
اخبر الطبيب سيدي انه يجب ان يقوم بالعمليه بأسرع وقت ممكن لاجل سمعه
عندما قام الطبيب بالكشف عن اخر فحص لاذنه
اكتشف ان اذنه في حاله افضل مما سبق
لكنه يحتاج للقيام بعمليه اوليه عن طريقها يمكنه اضافه اجهزه سمعيه تمكنه من سماع الاصوات القريبه والقليلة صحيح انها مزعجه لكن افضل من عدم السماع
وبعد ٣ شهور اخرى سيقوم بعمليه اخرى عندها سيمكنه  من السماع بطريقه افضل
وبمرور الوقت سيرجع سمعه افضل حتى انه بعد العمليه الاخرى لم يعد يعاني من الالام في الشتاء