اوتار

البارت الخامس عشر

اوتار ...
البارت الخامس عشر ...
للكاتبة: اية علوان ...

.....

رضا: منو محمد ؟؟
رزان: يامحمد!!
رضا: لاتسوين روحج غشيمه احجيلييي منو محمددد
رزان: تملكني الخوف والقلق بهل اللحضه
لا وي اهلي خلصانه من محمد ولا بعد زواجي ربي خلصني منه والله تعبت
-اهدأ راح احجيلك كلشي
رضا:  شهدأ بربجج انتي صدك تحجين ولا فوكاها بكل بروده اعصاب تحجي
رزان: شحجالك محمد عني
رضا: ع الاساس تعرفي قبل لا تزوجين وجنتي تحبي وكاتله روحج علي
رزان: بس هيج
رضا: حجه كلام هواي هسه الي اريد اعرفه واصدك بي بس كلامج احجيلي كلشي ولاتضمين عليه احسن مما اسمع من غيرج والله العضيم تتاذين اذا سمعت شي عنج وانتي مكايلتلي
رزان: حجيتله كلشي وشصار بالضبط بس ماذكرت نبيل
بالبدايه حاول يضبط اعصابه بس من كملت ضربني راجدي وحاول يمد ايده ويأذيني اكثر بس شافني خايفه منه ومكرسه ع نفسي مثل السلحفاه من الخوف
بعد عني وطلع وركع الباب وراه
كمت من مكاني ورجعت قفلت الباب بعد ماطلع
لعبت روحي من كلشي هم رجال ما احبه  وكوا متحملته وكوا عايشه وياه وهم يضربني ع خطا قديم تحاسبت علي من اهلي ماله حق يحاسبني ويضربني هسه
الي يشوفه يكول ماشاء الله علي ولا خطا بحياته مسوي
شريف ابن شريف  الله الساتر شنو وراه
صح هادئ دائما وتعامله زين بس متاكده وراه شي
..........،
وتر
سمعت دكه باب
لسه مشبعانه نوم عيوني تاذيني وكوا دا افتحهن
كمت من الفراش لبست شالي وفتحت الباب
جورج: مرحبا مدام ، كيف حالكِ
وتر: جورج !!
جورج: نعم سيدتي
وتر: شجابك من الصبح
جورج: لقد اخبرني سيدي اسحاق ان اكون سائقكِ الخاص من اليوم وصاعداً وإن احتجتي لاي شي فقط اطلعيني عليه وسأقوم به فورا
وتر: جورج عفيه روح لأسحاق وكله
وتر ماتريد شي منك لا سايق خاص ولا بطيخ انطيتني غرفه كامله وحدي وتريدني ادرس اللغه واضبطها علمود احصل الشهاده
كلش هواي الي داتسوي وياي خليني براحتي اني ادرس بكيفي
جورج: اعتذر منكِ سيدتي ان اوصلت كلامكِ هذا لسيدي فسوف يطردني فورا ، لقد أمرني ان اوصلك  للمعهد التدريسي الان لانه بعد نصف ساعه سيبدا درسكِ
وتر: ليش بيش الساعه هسه
جورج: انها الثامنه والنصف صباحاً
وتر: عزا العزاني ، زين انتضرني باب الفندق علما ابدل واجي
جورج: حاضر
وتر: ركضت طلعت كل ملابسي لبست شلون مجان بنطرون عريض كالعاده وقميص ابيض طويل وشال اسود
لبست حذائي وطلعت
اول ماوصلت للسياره راد جورج يفتح الباب ركضت فتحته قبله وصعدت
وهو راح من الجهه الثانيه وصعد بجهه السائق وشغل السياره وانطلق
جورج: لم تاكلي شيئا صباحا لذلك جلبت معي كوب قهوه وساندويش بالجبن هل تأكلين ؟؟
وتر: ايي والله ياريت بس اني ما اشرب گهوه
جورج: اذا ماذا تفضلين ؟
وتر: چاي ، بس هنا محد يشرب چاي
جورج: تفضلي الساندويش وسأجلب لكِ نسكافيه ، مارائيك!!
وتر: تمام بس عفيه بسرعه
صف السياره كدام محل مشروبات وجاب نسكافيه بيده واجه
بهل الاثناء اكلت اللفه بسرعه بسرعه
واخذت منه الكوب وبديت اشربه
خلال دقايق وصلت للمعهد
نزلت وتشكرت من جورج وكتله روح وماكو داعي ترجعني اني ارجع تكسي
طبيت للمعهد لحكت ع اخر دقيقه
بدت المحاضره عفت كلشي وبديت اركز
للساعه ال١ وانتهت كل محاضراتي
ستوني دا اطلع شافتني علا وفطم من بعيد
اجت ركض عليه وفطم دارت وجهه عني
علا: شلونج ولج
وتر: زينه
علا: بشريني لكيتي مكان تستقرين بي ؟
وتر: يي
علا: وين؟
وتر: بالفندق
علا: جذب!!!!
وتر: والله لعد ليش
علا: ماتخافين وحدج عايشه هناك
وتر: لا غرفتي مجهزه بأنضمه امان لذلك مطمئنه
علا: زيين
جورج: مدام وتر
وتر: هاا
جورج: بعد نصف ساعه ويبدا درسكِ الثاني لذلك اسرعي لتناول الطعام
علا: منو هذا
وتر: سالفه طويله يختي بعدين اسولفلج هسه خل اروح بعد ما الحك
عفتهن ورحت للفندق
لكيت الاكل جاهز تغديت بسرعه وغيرت ملابسي وطلعت
كالعاده جورج واكف بالباب
وتر: جورج انته شنو ماعندك شغله عمله بس توديني وترجعني
جورج: في الحقيقه لدي الكثير لكن بعد قدومكِ الى هنا أمرني سيدي ان اترك كل الاعمال واذهب لمساعدتكِ
وان لا اتركك ابدا
وتر: يعني راح تضل كل يوم هيج تسوي
جورج: نعم
وتر: لا عفيه هو من اول يوم اختنكت ممتعوده هيج عمي شنو هاي حياه الاغنياء ممله
اريد ارجع لقبل احسلي
جورج: شنذهب الان لمعهد التعليم بعدها سنذهب للدكتور النفسي
وتر: هاي من كل عقله يحجي عمي ما  اريد اروح
كلشي مابيه
جورج: ارجوكِ لاتعاندي اوامر سيدي ان رفضت ماطلبه منكِ سيعاقبني
وتر: اخخخخ شنو عمي كلشي ارفضه يعاقبك انت
شنو ذنبك
جورج: لقد وصلنا سيدتي
وتر: شكرا جورج
نزلت بسرعه ورحت للمعهد رغم تعبانه بس عادي المهم ادرس واتعلم اجيت لهنا حتى اكمل تعليمي ما اجيت حتى اتونس
جان درس يجنن حسيت من صدك بديت افتهم الانكليزي بسرعه
بعد ماخلصت الساعاتين طلعت هم لكيت جورج واكف بالباب
يالله هالرجال والله خطيه مبتلي بيه وبأسحاق
كله من ورا اسحاق والله اذا ما تسوين هيج يتعاقب جورج كبر لفك اسحاق حقير نذل
صعدت بالسياره وانطلق بيه للدكتور
من كل عقله هذا شنو شايفني مخبله ومحتاجه علاج
احسن شي اسوي اضل مثل قبل  وما احجي شي بالاخر الدكتور راح يكول مابيه شي واروح ههههه احلا خطه
-جورج
جورج: نعم سيدتي
وتر: اكلك انته ماعندك عائله تروح تشوفهم تكضي وقتك وياهم
جورج: انا متزوج ولدي ابن بعمر الخامسه
وتر: صدكك!!!!
جورج: تفضلي هذه صوره زوجتي كارول وابني ستيفن
وتر: ياااا واني عبالي ممتزوج شو بعدك صغير شعجب متزوج
جورج: عمري ٢٩ عاما واعتقد اني كبير بما فيه الكفايه
وتر: ههههه لا والله بعدك صغير زين اكلك
جورج: نعم سيدتي
وتر: واسحاق هم متزوج وعنده جهال
جورج: الم يقل لكِ
وتر: شنو
جورج: بصراحه سيدي اسحاق غامض قليلاً وقليل الكلام دائما لذلك لا احد يعرف عنه شيئا لكن لاتقلقي بما ان انا مساعده الشخصي لذلك اعرف بعض المعلومات عنه
وتر: يي بله شتعرف عنه
جورج: ذات مره قال انه ترك عائلته في العراق واتى الى هنا حتى يصبح شخصا ناجحا
وانه يعمل ليلاً ونهاراً لكي يحقق هدفه ويجعل عائلته فخوره به لكن الغريب بالامر انه عندما ذهبنا للعراق
لكي يزور عائلته لم نجد عائلته بأي مكان
وعندما سئلته قال انه لم يأتي لكي يبحث عن عائلته لقد كان يبحث عن شخصاً معين لكنه لم يخبرني شيئا عن ذلك الشخص
وتر: يااااا وتالي لكاه لو لا
جورج: اعتقد اننا لم نجده فبالتالي وجد مذكراتكِ وقرر ان يضمن كفالة دراستك بالخارج
وتر: هسه مافهمت هو متزوج لو لا
جورج: بالطبع لا ، كيف سيتزوج وهو يعمل ليلاً ونهاراً في شركاته اتصدقين انه عادةً يبقى حتى اليوم الثاني يعمل طوال الليل في سبيل وصول شركاته لاعلى المراتب
وتر: يااا خطيه والله هذا ششايف من حياته بعدين شكو هيج يتعب بنفسه شو كل هذا راح يروح وينتهي بعد مايموت
جورج: لقد وصلنا سيدتي
وتر: جورج عفيه تعال وياي والله اخاف وحدي
جورج: حسناً سيدتي
وتر: نزلنه اني وجورج ودورنه عن الطبيب الذكره اسحاق بعدها طبينه لغرفه كل اثاثها ابيض حلوه كلش
دكتور جون : hello
وتر: hello doctor
جورج عفيه ابقى وياي ترا مو كلش بالانكليزي
دكتور جون : ههههه تفضلي
وتر: تعرف عربي
دكتور جون: اكيد غير اني عراقي
وتر: ماشاء الله طلع هواي عراقيين هنا
دكتور جون: تفضلي كعدي ،وجورج تكدر تروح لشغلك ووصل سلامي لاسحاق
وتر: تعرف اسحاق !!
جون: يي غير صديقي
وتر: هااا
جون: ييي شلونج ست وتر
وتر: زينه
جون: تفضلي احجيلي شنو الي تعانين منه
وتر: كلشي مابيه
جون: زين شنو رائيج تحجيلي عن اي شي تردي
وتر: ماعندي شي احجي
جون: مم زين شكد عمرج
وتر: ٢٢ سنه وبقى كم شهر واصير ٢٣
جون: حلووو زين شلون وصلتي لهنا
وتر: بديت احجي شوي شوي بدون وعي حسيت براحه واني احجي لا ضغط ولا اجبار من احد مو مثل اسحاق غصب عني حجيتله كلشي
بعد ساعتين كلام فضفضت اكثر المواضيع اله بس ماذكرت عن الشي الي دا اشوفه كل يوم واني متاكده من اسحاق خلاني اجي لهنا حتى يعرف شنو الي دا اشوفه وسببه وشلون اتخلص منه
اذا هو قرا كلشي بدفتري ولا سر بقى الي كلهن عرفهن