اوتار

البارت التاسع عشر

اوتار ...
البارت التاسع عشر ...
للكاتبة : اية علوان ...

........

وتر
ابوي بعدها امي بعدها اسحاق
كلهم ماتو بسببي
ايي اني السبب بكلشي

تخبلت وصارت عندي هستريا
فقدت وصرت  ابجي بكل حرگه گلب

كتم سنين كله طلع بهل اللحضه

شافني احد الشرطه الي طوقو المكان
الشرطي: please go from here
وتر : اني بيا حال وهذا يحجي فوك راسي
عفته وكمت من مكاني
صرت امشي بالشوارع مثل الي تايهه وماعنده لا بيت ولا وطن
وكفت سياره كدامي ورن هورن
جورج: اسرعي سيدتي
وتر: جورج !!
جورج: ارجوك اسرعي
وتر: صعدت السياره ،
جورج اسحاااق عفيه اسحاق بالمستشفى
جورج: اعلم سيدتي والان سنذهب معاً الى هناك
وتر: كلشي صار بسببي لوما راكض وراي مجان صار كل هذا
جورج: لماذا ماذا حدث بينكما !؟
وتر: ما اعرف شبي فجاه كام يتجاوز عليه  ويكول عني بلا كرامه ولا اخلاق
جورج: ممم اعتقد ان هنالك شي يشغل تفكيره
والا لما قال هذا الكلام لكِ رغم انه شخص محترم ولا اعتقد ان من اطباعه ان يتجاوز ع امراه خصوصا اذا كان الوصي عليها
وتر: كل الي سويته هو طلبه مني
لا وشنوو طلعت احب الفلوس وكاتله روحي عليهن
جورج انت شاهد ع كلشي شفتني فد يوم اطلب فلوس منه شو هو وحده يجيب ويصرف عليه
جورج: انا حقاً لا اعلم بماذا يفكر سيدي لكني متاكد انه لم يقصد ان يؤذيكِ بالكلام الجارح
وتر: والله ما ادري هسه كلشي مو مهم المهم يطلع عايش

وصلنه للمستشفى
ركض جورج للداخل واني اسحل بروحي سحل
سئل جورج عن غرفته
بعدها رحنه ندور عليها ، بعد ماوصلنه لكيناه بصاله العمليات لسه
ضلينه منتضرين والخوف يقرا الف

تذكرت كلشي ، كل موقف من اول ماوصلت لالمانيا لحد هاللحضه
حسيت بنفسي سويت هواي ذنوب ، اني مو وتر الي نفسها جانت تحاول كلشي علمود ترضي ربها
مو نفسها الي جانت اذا خطأت خطا واحد تضل يوم كامل تستغفر في سبيل رب العالمين يسامحها
صرت ابجي بحرگه كلب وادعي من كل كلبي يطلع اسحاق ويصير زين
والله اسوي كلشي وحتى ابتعد عنه في سبيل انو يعيش ويصير زين

مرت الساعات ولسه اي خبر ماكو
كاعدين اني وجورج والخوف ماكل بينه اكل
منتضرين يطلع الدكتور وينطينه ولو بصيص امل من اسحاق
أيست وصارت كل دقيقه تمر عبالك سنه كامله
تعبت من الانتضار ، عفت كلشي وكمت من مكاني
جورج: الى اين؟؟
وتر: راح اروح اقل الساعه واجي
جورج: انتبهي لنفسكِ
وتر: درت وجهي ومشيت ، طلعت من المستشفى وصرت امشي بشوارع برلين ما اعرف وين اروح
اريد مكان ارتاح بي
اريد ابجي اكثر اريد اصرخ اريد ارتاح
خطر بالي اروح للكنيسه الي رحنه الها اني واسحاق مره
اجرت تكسي ووصلني للكنيسه
الحمد لله بعدها مامقفوله
طبيت الها وكدامي تمثال السيده مريم وبحضنها السيد عيسى عليه السلام
اخذت شمعه وعلكتها
حطيت ايدي ع كلبي وصرت ادعي من كل كلبي
ادعي وابجي ، كلشي ما اريد بس اسحاق يرجع للحياه ومايصيبه شي
بعد مانشفت دموعي و كلبي ياذيني
طلعت من الكنيسه ورفعت وجهي للسما
صحت بگلب محروك ودموع ماليه عيوني
  
  يااااااااا الله دخليك ساعدني