اوتار

البارت التاسع والثلاثون

اوتار ....
البارت التاسع والثلاثون ...
للكاتبة: اية علوان ...

..........

وتر
بعد ماراح اسحاق رجعت دخلت للصاله
لحن: راح !!؟
وتر: يي
لحن: شبيج
وتر: تعبانه رايحه انام
لحن: قبل شويه كعدتي شجاج كل شويه تنامين
وتر: لحن عوفيني كلش تعبانه واريد انام
عفتها وركضت ع غرفتي شارده من الكل ما اريد اشوف احد اريد بهل اللحضه ابقى وحدي اريد ابجي واطلع هالنار الي بداخلي
ستوني حطيت راسي ع مخدتي وجان تطيح دمعتي
سمعت رنه رساله من جهازي
كمت من فراشي وايدي ع خدي امسح بدموعي
رساله من اسحاق
ركضت عليها وفتحتها
كلمه بعد كلمه اقراها وداخلي يشتعل نار
لا اسحاااق لا عفيه لاتسوييي هيجج
شمرت الجهاز وركضت طلعت من غرفتي
ستوني واني دا اطلع طبت لحن وكأنما تعرف بالرساله
وتر: لحنن راح يروحح لحن عفيه خليني الحكه
لحن: طارت الطياره بعد ماتلحكين عليه
وتر: لااا لحن عفيه لاتكولين هيج خليني اروح اشوفه ابوس ايدج لحن بس هالمره الله يخليج
لحن: لججج راح افهميي راح وبعد مايرجع لاتحاولين تلحكينه لان من الاساس طارت طيارته
وتر: لججج لااااااااا اسحاااق مايعوفنييي هو انطانييي وعد مايعوفنيييي وخريييي عنييي خل اشوفه
لحن: ما اكدر والله هسه دزلي مسج وكال لاتخليها تجي لان مايريد يشوفج تبجين كدامه وتر الله يخليج انسييي ولاتفكرين بي بعد راح وانتهى

بعدني ماكملت كلامي فجاه طاحت وكعدت بالكاع وكامت تبجي بصوت عالي وتصيح لاااا اسحاق لا مايعوفنيي
حاولت اهديها فجاه فقدت عقلها وكامت تضرب بيه وتصيح بوجهي وتكول خل اروح اله
لاول مره بحياتي اشوف اختي بهل الحاله
عمرها كله كضته بعيده عن الناس وحتى كوا تكون صداقات وي البنات
لذلك طول فتره حياتها جانت مرتاحه بعلاقاتها وي الكل
بس بالوقت الي دخل اسحاق لحياتها
حاولت كل جهدها تستمر بأطباعها وتبقي كلبها الها وبس
بس تصرفات اسحاق اتجاهه والفتره الي بقو بيها سوا خلتها تميل اله وماتسيطر ع كلبها
رغم بكل مره تنكر وتكول لا ما احبه ولا معجبه بي
بس مو بيدها اختي واعرفها من زمان طايحه بهل الاعجاب بدون ماتنتبه وهسه من صار الوقت حتى يفترقون وكل واحد يشوف حياته
انهارت وماكدرت تتحمل فراگه

وتر: لحن عفيه ابووس ايدج خليني اروح اخر مره والله اخره مره وشتردين انفذلج حبابه لحن خليني اروح
لحن:لج والله راح وين ترحين وراه هسه تلكي وصل لبلده
وتر: لا لاااااا مايروح ويعوفنيييي مو بكيفه اخخخخ بابااااااا
لحن كلبي يوجعني دا اموت عفيه ساعديني والله دا اموت
لحن: يروح لحن انتي اهدئي كافي بجي موزين عليج
وتر: عافني وراح لحن حتى ماكلف نفسه يبقى كم يوم من اول ماخلص شغله دار وجهه وراح بربججج هو هذا حب
يكول احبج واموت عليج زيين ليش بالوقت الي انتهت كل مشاكلنه وهمومنه عافني وراح ليشش
لحن: هو متعود يبقى بعيد عنج لان طول عمره بعيد ولاتنسين فوك ال١١ سنه هو عايش هناك ومستقر شلون تردي يبقى يمج ومايعوفج
وتر: لعددد ليش خلانييي احبهه هاااا يدري بيه اكرهه كلشي ليش غير اطباعي وخلاني احب كلشي بحياتي وبالاخر يعوفني
لحن: اششش كافي يروحي كافي تبجين هسه كلبج يوجعج وتتاذين
وتر: انتهيت لحن والله انتهيت ماعندي كل طاقه بعد حتى اكمل
كلبي يوجعني احس بسجاجيين تزرف كلبي زرف
اروحلج فدوااا ساعديني والله الي ترديي اسوي بس ساعديني وخري هالالم عنييي
لحن: شبيدي عليج ماتكليلي هسه اهدئي وكومي نامي
وتر: ما اكدر بعد ما اكدر دا اكلججج دا امووت ليش مداتستوعبين افهمووونيييي ياناسسس ولكم دا اموووت حسووو بيه كافيييي
لحن: تخبلت اكثر وكامت تلطم وتملخ بخدها لدرجه بسبب اضافرها صارت اثار ع خدها
سحبت ايدها وحضنتها وخليتها تبجي بحضني
بكل لحضه احس كلبها يريد يطلع من صدرها
حتى النفس كوا تاخذه ، تبجي وعبالك طفل فاگد اهله