اوتار

البارت الرابع والثلاثون

اوتار ....
البارت الرابع والثلاثون ....
للكاتبة : اية علوان...
...........

وتر: مشت المرة خطوات وبدت تختفي بين الناس
قررت اجاوب ع كل الاسئله الي اكلت راسي
مشيت خطوات وراها بعدها وصلت قريبه منها
دايره وجهها للجهه الثانيه وتمشي
رفعت ايدي وحطيتها ع جتفها وصحت

مياار !!!
دارت وجهها وشافتني بسرعه عرفتني وصاحت وترر
ركضت حضنتها ممصدكه واخيرا شفتها

لج شلوونج
ميار: الحمد لله وانتي
وتر: زينه زينه ، شلون اجيتي لهنا وهلا يابه صاير عندج بيبي وما ادري
ميار: يي تزوجت وصار عندي طفل اسمه يونس
وتر: اخذته من حضنها وضليت اشمشم بي وابوس بي
يروح خالتوو انت لك نونو لك انت شكد عنون وحليوو
طالع ع الماما ابن الحلوه
ميار: تعالي خل نمشي سدينه الطريق ع الناس
وتر: شايله بيدي يونس وبيدي الثانيه علاليك المسواك
-امشي خل نروح لبيتي
ميار: عندج بيت !!!
وتر: لا مجرد غرفه ومأجرتها
ميار: زيين
وتر: بس نوصل اريدج تحجيلي كلشي من اول مارحت عنجن لحد هاللحضه صدك رزان شلونها يالله شكد مشتاقتله
ميار: صار هواي شغلات بهل السنتين خل نوصل واحجيلج كلشي
وتر: تمام
وصلنه للبيت ، فتحت الباب ودخلت وراها اني

وتر: تفضلي كعدي خل اروح اجيبلج مي اكيد عطشانه
ميار: يي والله ولو تصير زحمه
وتر: نجبي لج شنو زحمه
رحت حضرت مي وانطيته الها
-ييي احجيلي كلشي من الاول لحد هاللحظه
ميار: بعد ماتخرجنه انكطعت اخبار رزان وما اعرف شصار وياها
بعدها اني تزوجت وتغيرت حياتي كلياً
وتر: منو الي تزوجتي وينه هسه
ميار: تذكرين عبدالله
وتر: عبد عبد ماغيره
ميار: ييي هوو
وتر: لا تكوليها
ميار: هههه للاسف هو زوجي
وتر: ليش تكولين للاسف بعدين مو حققتي حلمج وتزوجتي عن حب
ميار: ياحب يابطيخ دشوفي شصار
وتر: بلشت ميار تحجيلي كلشي من اول ماتزوجت لحد اخر دقيقه وصلت بيها لهنا
كل هذا صار وياج واني ما ادري
ميار: انتي سافرتي ولارقم ولا برامج نكدر نتواصل بيها وياج اتصلت عليج كم مره وحتى رزان سئلت عنج هواي
بس انتي ماكو حتى حجينه عليج شجاج تكبرتي ندري اختج دفعتلج فلوس دراستج وخلتج تطلعين للخارج وتدرسين بس مو معناها تسدين كل مواقع التواصل وماتخلينه نحجي وياج
وتر: هوووب هوووب هو انتي عرفتي شصار حتى تحجن عني هيج
ميار: احجي يختي احجي كلشي ماعدنه شو رجل وخلصت منه ومن ضيمه وانتي ماشاء الله عليج لحد الان لا زواج ولا شي صدك ماكتيلي مالكيتي واحد منا منا الماني اجنبي
وتر: هههه لا دخيلج مو تدرين بيه اكرهم كلهم
ميار: لسهه
وتر: يي يعني لسه تقريبا
ميار: هااااا بيها يعني احجي احجي كلي اذان صاغيه
وتر: لحضهه
ميار: هاا
وتر: اسحااق
ميار: منو اسحاق
وتر: يبووو عليه ولج راح يجي واني لسه ممسويه اي شي
ميار: هسه غير تفهميني منو اسحاق وليش يجي
يااااا ولججججج
وتر: هاا
ميار: عزاا العزاج بس لاتخلين ولد غربه يجون لهنا
وتر: هاا لاا ايي لااا
ميار: وجعه التوجعج تعالي احجيلي شمصخمه ومنو هذا اسحاق
وتر: اوكفي خل اخلي الماي ع النار واجي
ركضت خليت مي التمن ع النار بعدها رجعت كعدت
-تذكرين دفتري
ميار: يادفتر
وتر: لج هذا الي ضاع دفتر ملاحضاتي الي احنه والبنات جنه ندور علي بالمكتبه ومالكيته 
ميار: هاااا يييي شبي
وتر: منا بلشت قصتي
ميار: هلاو هلاو يعني من الثالثه واحنه ماندري ياحقيراا ابد ماحجيتي ولا كلتي
وتر: دسمعيي شبيج
ضاع دفتري مني سنه كامله بعدها من صرت رابعه طبعا ايست وحتى قررت انساه لان اكو شخص اخذه وماقبل يرجعه الي المهم مرت الايام والحمد لله صارت المنحه وكدرت اسافر
ومن اجيت لهنا اجتني رساله من نفس الشخص الي اخذ مني الدفتر
ميار: عزااااا كولي والله
وتر: ههههه دسمعي شصار
ميار: لج هاي صاير هواي شغلات ورانه نوب رومانسيه وكذااا
وتر: لاااا كبر خل اكمل شبيج
ميار: كملي كمليي
وتر: المهم اني لبيت الدعوى بس علمود اخذ دفتري واشوف منو هذا الي كدر يلعب عليه هيج ويشلع كلبي
رحت وجان اشوف رجال بعمر ال٣٠ كاعد ذيج الكعده عيني ولابس ذاك القاط الرسمي بس جان لابس بلوزه المهم من شافني كام من مكانه وكال هلاو سنيوريتا
عاد اني متت من الخوف ولج بالبدايه شكله ابد مو راحه وخفت منه
المهم اني شفت دفتري ع الطاوله كعدت وتفاوضت وياه
شو هذا طلب مني احجيله قصتي كلها
طبعا هو قاري الدفتر كله ويعرف كلشي عن حياتي