اوتار

البارت الحادي والعشرون

اوتار ..
البارت الحادي والعشرون ..
للكاتبة : اية علوان ...

........

وتر: مر 3 اشهر ع بدايه السنه الجديده
خلال هالفتره بقيت اشتغل بالمقهى وادرس بالجامعه
صارت سيلينا قريبه الي دائما نتشارك الافكار والهموم سوا وبوقت الفراغ نكعد نرسم سوا ونتسابق ياهي احلا رسمه ، مرات وحده ترسم الثانيه بتفاصيل صغيره
مثل العين او الخشم او الحلك او حتى الايد
صارت بين فتره وفتره تجي لغرفتي ونسهر سوا
خلال هالفتره بلشت امتحاناتي وبديت اركز بيهن
حتى اغلب الاوقات ما الحك ارسم
لذلك بعد ما اخلص امتحاني اكعد اطلع كل همومي وقهري من الامتحان بالرسم
دائما ارتاح واشوف الملجأ الوحيد الي ممكن يعدل مزاجي هو الرسم
مرت 3 اشهر ولحد هاليوم اي خبر عن اسحاق ماكو
ما اعرف اذا صحى من الغيبوبه او لا
واذا صار زين وبدا يستعيد عافيته
بداخلي فضول اتجاهه اريد اعرف شلون صار
واذا صحى ياترى ذكرني او لا ، كرهني او لا
للحضه حسيت بأشتياق اله ، اشتاقيت لعيونه السوده وحواجبه الحاده اشتاقيت لغمازاته الخفيفه الي تبين بعد ضحكه طويله وابتسامه عريضه ، اشتاقيت لطوله الفارع
ومضهر  جتفه من ورا

اشتاقيت للايام الي يفاجئني بيهن ، اشتاقيت للايام الي ضحكنه بيها وسولفنه بيها ، والايام الي جان يجي من بعيد لحتى يشرب جاي من ايدي
وبعد مايكمل منه يكول تسلم ايديج ع هالجاي

بس رغم كلشي جان دائما اكو غموض اتجاهه
جانت عيونه تحجي عكس مضهره
وبالوقت الي نفرح بي ونضحك سوا جانت ضحكاته هادئه
رغم شكد مر وقت ضلينه بي سوا
بس ماتجرأت ابد اسئله عن الاثر الي بركبته
مبين اثر سجين قديم
تمنيت لو سئلته ومليت فضولي

من جهه ثانيه كل تفكيري اتجاهه جان بنيه انانيه
مجنت استحق كل لحضه حلوه جان يقدمها الي

من اكول لكلشي اعرفه عن اسحاق لسيلينا دائما تكلي انتي تحبي بدون ماتدرين
بس اني اعرف نفسي اكثر من غيري
رغم من اشوفه افرح وابتسم بس احس شي بداخلي يمنعني عنه
عقليتي وتفكيري دائما اناني
ماجربت احب ولا اريد اجرب
صراع داخلي طويل ماينتهي لا بيوم ولا ليله
لا بشهر ولا بسنه
صراعي راح يبقى وياي بس الله وحده يعلم شوكت ينتهي

سيلينا ?what are you doing here
                              are you painting !!
ماذا تفعلين هنا ، هل ترسمين ؟

وتر : اخذت الدفتر مني

سيلينا : ?oohhh ,  whose eyes are these
اوووه عيون من هذه ؟

وتر :  no one just eyes
لا احد فقط عيون

سيلينا: the lecture will start  ، leave the drawing and let's enter
المحاضره ستبدا اتركي الرسم وهيا ندخل

وتر: ok
لميت غراضي ورحت للقاعه اول مادخلت لكيت الاستاذ الي دائما يشجعني ع الرسم استاذ هاري
جان استاذ عمره يوصل بين ال٣٥ وال٤٠
بس مرتب ومبين عمره شوي صغير
دائما بنات القاعه ينعجبن بيه وبشخصيته
لان استاذ يحب يسولف ويشاقه وي الكل
بعد ماطلبنه الاذن ودخلنه
بدا يشرح المحاضره وبديت اكتب اكثر الملاحضات
هالمره صرت افهم اكثر الكلام مو مثل اول مادخلت جانت صعبه عليه
بعد ماخلصت المحاضره طبكت دفتري وحطيت غراضي بالجنطه
رفعت راسي وشفت الاستاذ هاري لسه واكف
باوع بأتجاهي وكال كدام الطلاب كلها