اوتار

البارت السادس عشر

اوتار ...
البارت السادس عشر ..
للكاتبة : اية علوان ...

.....

وتر: لعد شبيك جنك واحد مسوي جريمة

اسحاق: ههه اني اروح وانتي ديري بالج ع نفسج
وتر: تمام
راح اسحاق ورجعت لغرفتي
كبل نمت ع الفراش من التعب

مرت ٣ اشهر ع وصولي لبرلين

تعلمت الانكليزيه اكثر من قبل وصار نطقي اسرع وحتى صرت افتهم كلشي
كل هذا بسبب اسحاق
ابد ما انسى كلشي قدمه الي من اول يوم وصلت بي لحد هاليوم
من اشوف اسحاق اتاكد اكثر ان الدنيا بعدها بخير ولسه كلشي ما انتهى
هواي اكو ناس مثل اسحاق يقدمون مساعدات لغيرهم حتى يعيشون افضل حياه

بعد يومين ويبلش اصعب يوم بحياتي
والي هو اختبار الايلتس عن طريقه اكدر اكمل دراسة المجاستير هنا
لازم احصل هالشهاده مستحيل ارجع للعراق وكلي خساره
اجيت لهنا حتى اطور نفسي ما اجيت حتى أيئس من اول خطوه
صح مريضه بس هالشي مايوكف بطريقي

خلال هالفتره حسيت بتغيير بحالتي كلش
ومن راجعت عند الدكتور الاعصاب شاف الفرق كلش هواي
وحتى صرت اروح لدكتور جون مره كل اسبوعين فقط عند احتياجي الشديد
مرات بسبب صعوبه المواد انهار وراسي يكوم يأذيني
فأستمر بأخذ الدوا الي وصفه دكتور الاعصاب

جورج: اسرعي سيدتي سيبدا اختباركِ بعد ١٠ دقائق
وتر: لا يالله بعد ما الحك ابد
ركضت ع السريع اخذت كم كتاب حتى ادرسهن بالطريق
وصلت للمعهد وركضت كبل للقاعات
اخذت ورقه واسئله وجاوبت عليهن
بعدها اختبار النطق والقراءه وهم الحمد لله خلصت منه
بعدها دخلت ب٣ اختبارات صعبه
بعد ماخلصت كلشي وطلعت لكيت جورج بالباب
وتر: جووررررج
جورج: هل من اخباراً جيده
وتر: يا جيده غير متت اختبار ورا اختبار وشي اصعب من شي شلون بيه اخاف ارسب ومايقبلوني
جورج: لاتقلقي سوف تنجحين انا متاكد من ذلك
وتر: شلون متاكد !!
جورج:  خلال ال٣ اشهر المضت لقد ارهقت نفسكِ كثيرا وحتى انكِ سهرتي الليل حتى تتقني اللغه بطلاقه
أيعقل بعد كل هذا الارهاق وتفشلين !!
وتر: ما ادري ، صدك شلونه اسحاق
جورج: بخير
وتر: صاير بذات حتى مايذكرني ولايكلك هو الوصي عليه
جورج: مامعنى بذات ؟؟
وتر: يعني مايسئل
جورج: لكن سيدي اسحاق دائما يسئل عنكِ
وتر: صدك
جورج: نعم ، لقد كان يذهب بين فترات متقاطعه للطبيب جون ويسئل عن حالكِ
وتر: لعد ليش مايجي يسئلني ، يشوفني ع الاقل
اخر مره شفته قبل شهر ونص
جورج: لا اعلم سيدتي اذا اردتي يمكنني سواله وارجاع الاجابه لكِ
وتر: لا ماكو داعي ، مبين مايريد يشوفني ، عادي مثل مايريد يشوفني اني هم ما اريد اشوفه

رجعت للفندق حتى ارتاح ميته تعب اخخ واخيرا راح ارتاح هالاسبوع كله ماكو قرايه منا لحد ما استلم النتيجه