Unicode...
| Mature On∆ |
" ထတော့ "
အာဏာနှိုးနေသော်လည်း အင်း အဲ လုပ်ကာ ပြန်အိပ်နေသည့် ရင်ခွင်ကြောင့် အာဏာဆက်မနှိုးပဲ ရေချိုး ၊ အဝတ်လဲလိုက်သည်။ ပြီးသည်နှင့် အောက်ထပ်သို့ဆင်းလေတော့သည်။
" Kiss ကိုကြည့်ထား "
" ဟုတ်ကဲ့...Boss "
ထပ်မံ၍ပြောမည့်စကားတို့ကိုတော့ အာဏာဟာ သက္ကရာဇ်အနားတိုးကာပြောလေသည်။ ပြီးသည်နှင့် ထွက်သွားလေတော့သည်။ အာဏာထွက်သွားမှ ခိုးကြောင်ခိုးဝှက် ဆင်းလာသူက ရင်ခွင်ပင်။ သွားများ နားရွက် တက်မချိတ်ရုံတမယ် ပြောကာ ဗိုက်အားပွတ်ပြလိုက်သည်။ ဝမ်းဗိုက်အတွင်း တိုက်စစ်ဆင်နေပုံရသည်မှာ အသံများပင် ထွက်နေသည်မို့ သက္ကရာဇ်ဟာ အရယ်၊အပြုံးကင်းမဲ့သည့် မျက်နှာနှင့် မီးဖိုချောင်အတွင်းဝင်ကာ ရင်ခွင့်အတွက် အစားအသောက်များပြင်ပေးလေတော့သည်။
" အကိုလေး...ကျွန်တော့်ကို...ခိုင်းစရာရှိသေးလား "
သက္ကရာဇ်၏အမေးအား စကားပြန်မဖြေနိုင်သည်အထိ ရင်ခွင်ဟာ စားနေခဲ့သည်မှာ ပလုတ်ပလောင်း။
" ကျွန်တော့်ကို...PK BAR ကိုလိုက်ပို့ပေးဖို့ သခင်လေးကမှာထားခဲ့ပါတယ်...စားပြီးတာနဲ့ ကျွန်တော်နဲ့လိုက်ခဲ့ပေးပါ "
" အင် "
" အာ...အကိုလေးအတွက် Bossက သူဒီနေ့ပါတီကိုဖိတ်ခိုင်းလိုက်ပါတယ်ဗျ "
" ပါတီဆိုတာက...? "
" ဟိုရောက်ရင်သိရမှာမို့ ထမင်းသာအေးဆေးစားပါ အကိုလေး...ထမင်းစားချိန် အခုလို စကားများအောင်လုပ်တာသာ Bossသိရင်...ကျွန်တော့်ခေါင်းက ဆည်မြောင်းလောက်ထိရောက်သွားနိုင်တာကြောင့်ပါ...နားလည်ပေးပါ "
ရင်ခွင် ခေါင်းငြိမ့်ကာ ထမင်းသာ အေးဆေးဆက်စားလိုက်သည်။ သူ့ကြောင့် တစ်ဖက်သားအနာတရဖြစ်မည်ကို သူမလိုလားပါ။ အာဏာပြည့်ရှင်ကတော့ သူ့ရဲ့ချွင်းချက်အနေနဲ့ အနာတရရအောင်တင်မက အမြဲကြွားတဲ့ သူ့ဟာကိုဖြတ်ပစ်ချင်မိတာပဲ။
ရင်ခွင်စားပြီးသည်နှင့် ရေချိုးသန့်စင်ကာ အဝတ်အစားလဲပြီး အောက်ထပ်သို့ဆင်းလာလိုက်သည်။ သက္ကရာဇ်သည် ကားထုတ်ပြီး ကားဘေးအဆင်သင့်ရပ်စောင့်နေသည်မို့ ရင်ခွင်ကားပေါ်သာတက်လိုက်လေတော့သည်။
YOU ARE READING
𝑲𝒊𝒔𝒔
Fantasyအာဏာပြည့်ရှင် + ရင်ခွင်နမ်း 𝘿𝙤𝙣'𝙩 𝙇𝙤𝙤𝙠 𝙃𝙞𝙢 မှ Kiss သို့ နာမည်ပြောင်းလဲထားပါတယ် Seme is asshole...! ဝတ္ထုပါအကြောင်းအရာတိုင်းသည် စာရေးသူ၏ စိတ်ကူးယဥ်သက်သက်သာဖြစ်သည်။ AarNar Pyae Shin Rin Khwin Nam S.D - 11.9.2023 E.D - 11.8.2024 #Day