𝑲𝒊𝒔𝒔

∆.40

Unicode

" ဝလုံး...အိမ်သာဆေးနေတာလား "

ဘုရင်ဟာ အစပိုင်း အကိုဖြစ်သူနှင့်နေသော်လည်း ယခုတော့ တိုက်ခန်းတွင် ပြောင်းနေလေပြီ။ တိုက်ခန်းစပြောင်းကတည်းက သူ့အနားရှိသူဟာ ထက်ဝဏာတစ်ယောက်တည်းသာဖြစ်သည်။ အာဏာဘုရင်ဟာ မထင်ရင်မထင်သလို ရုပ်တည်ကြီးနှင့် ထက်ဝဏာကို စနောက်တတ်သည်။

" အဝတ်လျှော်နေတာမြင်ရဲ့သားနဲ့...ခွေးကောင်လေး မင်းမျက်လုံးများကန်းနေသလား "

" အင်း...ခင်ဗျားပြုစုဖို့ ခနကန်းခိုင်းထားတယ် "

မဲ့ရွဲ့သွားသော ထက်ဝဏာအားကြည့်ကာ ဘုရင်က တစ်ဖက်လှည့်သွားသည်။ ဘုရင်ဟာ ရုပ်တည်ကြီးနှင့် အမြဲစနောက်တတ်သည့်အကျင့်လေးကရှိသည်။ စိတ်ဆိုးတိုင်း ခွေးကောင်လေးဟု သုံးနှုန်းတတ်သည်မှာလည်း ထက်ဝဏာရဲ့အကျင့်တစ်ခုဖြစ်သွားလေပြီ။ ထက်ဝဏာဟာ ဘုရင့်အနားနေရန် အာဏာ့ထံမှအမိန့်ပေးခြင်းခံလိုက်ရတာကြောင့် ဘုရင့်အတွက် အကုန်တာဝန်ယူလုပ်ကိုင်ရသည်။

သူ့အသက်အရွယ်နဲ့ ဒီကောင်လေးဟာ အသက်သိပ်မကွာသော်လည်း ဒီကောင်လေးက ကလေးရုပ်လေးဖြစ်နေတာကြောင့် သူ့အတွက်ကလေးတစ်ယောက်လိုပင်။ တစ်ခါတစ်လေ ဒီကောင်လေးအနားနေရတာက အကို့ကိုခနတာမေ့ထားနိုင်တာကြောင့် သူဒီကောင်လေးအနားအမြဲလိုလိုနေဖြစ်ခဲ့သည်။

ဒီကောင်လေးကို အသုံးချမိသလိုဖြစ်နေတာကြောင့် သူစိတ်မကောင်းဖြစ်မိပါသည်။ သို့သော်လည်း ထိုအရာသည်အမှန်တရားဖြစ်နေတာကြောင့် ထိုကောင်လေးသိသွားရင် စိတ်တိုသွားမည်ကိုလည်း သူစိုးရိမ်မိသည်။ ခပ်တည်တည်နေတတ်သည်မှာ မှန်သော်လည်း အချိန်ကြာလာသည်နှင့်အမျှ သူသိလာရသည်က ဒီကောင်လေးဟာ အရမ်းကို အမိန့်ပေးတတ်လွန်းသည့်အပြင် မထင်ရင်မထင်သလို စကားတွေကို လျှောက်ပြောတတ်သည့် အကျင့်ဆိုးလေးရှိနေခြင်းကိုပင်ဖြစ်၏။

တစ်ခုခုကိုလုပ်ချင်ရင်လည်း အကို့လိုပဲ တစ်ဇွတ်ထိုး ပြုလုပ်တတ်သည်။ အတွေးများနှင့် ရှုပ်ယှက်ခက်နေသည့် ခေါင်းထဲတွင် ပေါ်လာသည်က ဟိုတစ်နေ့က ဖေဖေ့အိမ်သွားတုန်းက မှတ်ဉာဏ်တွေဖြစ်သည်။ သူအဲ့တာတွေကို ဒီကောင်လေးကို ပြောပြရင် အကို့ရဲ့ဆိုင်သူကို ကာကွယ်ပေးနိုင်မည်မှာ သေချာတာကြောင့် ပြောရန်သာ ဆုံးဖြတ်ရတော့သည်။