Unicode
" မင်းဘယ်တွေလျှောက်သွားနေတာလဲ ဘုရင်! မနက်လေးနာရီတောင်ရှိနေပြီ! "
ထက်ဝဏာဟာ စိတ်ပူပူနှင့် ဖုန်းတွေဆက်သော်လည်း ဘုရင်ဟာ မကိုင်ခဲ့သည်မို့ စိတ်ပူပူနှင့်မလာမချင်းထိုင်စောင့်နေခဲ့သည်။ တစ်နေကုန်နှင့်တစ်ညလုံး ပြန်မလာပဲ မနက်လေးနာရီမှ ပြန်ရောက်လာသူ ဘုရင့်အား ထက်ဝဏာအော်၍ ဆူမိတော့သည်။ တစ်ရေးတောင်မအိပ်နိုင်ပဲစောင့်နေသည့် ထက်ဝဏာဟာ ရောက်လာ၍ပျော်သွားသော်လည်း ခြေထောက်ကြည့်လိုက်ချိန် ပတ်တီးစီးထားခြင်းမရှိတာကြောင့် ပိုလို့ပင် စိတ်ပူပြီး ဒေါသထွက်ရသည်။
" အာဏာဘုရင်...ငါမေးနေတယ်လေ "
" ခင်ဗျားနဲ့မသက်ဆိုင်တဲ့ကိစ္စပါ...ဘာလို့ စိတ်ပူနေတာလဲ ဝလုံး "
" မင်းအရက်သောက်လာတာလား "
" .... "
" မင်းအသက်က အခုမှ နှစ်ဆယ်ပဲရှိသေးတာ အာဏာဘုရင်!စရိုက်ပျက်ကောင်တစ်ယောက်လို သောက်စားတတ်နေတာပေါ့ဟုတ်လား! "
" ခင်ဗျားနောက်ဆို ဆုံးမစရာအပြစ်မရှိမဆိုးလို့...ကျုပ်က အပြစ်တွေတန်းဆီလုပ်ပေးနေတာ...မစော်ကားနဲ့ "
" အော် ကျေးဇူးရှင်ကြီး...မင်းကိုလေ ကျေးဇူးတင်လွန်းလို့ ဆောင့်ကန်မိတော့မှာပဲ "
" နားငြီးတယ် "
မျက်မှောင်ကြုတ်ကြည့်လို့ အပေါ်ထပ်သို့တက်သွားရန်ပြင်နေသူအား ထက်ဝဏာ လက်တစ်ဖက်နှင့်ဆွဲလိုက်သော်လည်း ပါမလာပဲ ရပ်ကာ လှည့်ကြည့်လာသူကြောင့် ထက်ဝဏာလက်နှစ်ဖက်ဖြင့် ဆောင့်ဆွဲချလိုက်ပြီး ဆိုဖာပေါ်ထိုင်ခိုင်းလိုက်သည်။
" မကိုင်နဲ့! "
" ဆေးလိမ်းပြီးပတ်တီးစီးပေးမလို့ အငြိမ်နေ...ငါမင်းကိုစိတ်ဆိုးနေတယ် "
" ချော့တယ်...ပြေတော့ "
" မင်းရည်းစားရမှ အဲ့လိုချော့လေ...ငါကတော့မပြေနိုင်ဘူး... "
" ခြေထောက်ကိုမကိုင်နဲ့...ကျုပ်ရတယ် "
" ကိုင်မှာပဲ! မင်းရလည်း ငါမရဘူး "
ကျစ်!
ပြောမရသည့်အဆုံး ဘုရင်အငြိမ်သာနေလိုက်တော့သည်။ ဆေးထည့်နေချိန် မျက်နှာပျက်နေသူကြောင့် ထက်ဝဏာမှာ မျက်စောင်းတထိုးထိုးဖြစ်နေလေသည်။ ဒီလောက်အနာနဲ့ တစ်နေကုန်နဲ့တစ်ညလုံး အိမ်ပြန်မလာပဲ အရက်သောက်လာနိုင်သေးတာကို ထက်ဝဏာအံ့ဩလို့မဆုံးဖြစ်နေရသည်။
YOU ARE READING
𝑲𝒊𝒔𝒔
Fantasyအာဏာပြည့်ရှင် + ရင်ခွင်နမ်း 𝘿𝙤𝙣'𝙩 𝙇𝙤𝙤𝙠 𝙃𝙞𝙢 မှ Kiss သို့ နာမည်ပြောင်းလဲထားပါတယ် Seme is asshole...! ဝတ္ထုပါအကြောင်းအရာတိုင်းသည် စာရေးသူ၏ စိတ်ကူးယဥ်သက်သက်သာဖြစ်သည်။ AarNar Pyae Shin Rin Khwin Nam S.D - 11.9.2023 E.D - 11.8.2024 #Day