Unicode
" ခနရပ် "
Tattoo ထိုးပြီးပြန်လာရာ လမ်းတွင် ရင်ခွင်မျက်စိကျခဲ့သည့် နှင်းဆီပန်းခင်း နှင့် အိမ်အားတွေ့လိုက်တာကြောင့် အာဏာက ကားရပ်စေကာ ထိုအိမ်နားသွားလိုက်သည်။ ခြံစည်းရိုးမှကျော်တက်ကာ ကပ်ထားသည့် ဆိုင်းဘုဒ်ဘေးနားမှ နှင်းဆီနီများကို တမင်ဆွဲနှုတ်လိုက်သည်။ (၆)ပွင့်တိတိအား အမြစ်မှဆွဲနှုတ်သည့်အပြင် ဆူးများရှိနေတာကြောင့် အာဏာ၏ ညာဘက်လက်မှာ သွေးများရဲလျက်။
" ကျစ်! "
အာဏာနှင်းဆီ ( ၆ )ပွင့်မြောက်အား ခူးနေစဉ် လက်အား ပေါက်သည့် မြွေစိမ်းသေးသေးလေးကြောင့် ဆွဲယူပြီး လွှင့်ပစ်လိုက်သည်။ မြွေစိမ်း၏ခေါင်းဟာ ချွန်နေသည်မို့ အဆိပ်မရှိသည့် မြွေဖြစ်မှန်း အာဏာသိပါသည်။ သို့သော် သူ့အသားနာစေလျှင် ဘာကြီးပဲဖြစ်နေပါစေ အာဏာညှာမည်မဟုတ်ပေ။ ခူးလို့ပြီးစီးသည်နှင့်ခြံစည်းရိုးမှ ကျော်ခွကာ သူ၏ကားထံသို့ ပြန်လာလေသည်။
" သွားမယ် "
" Boss...လက်က "
" ရတယ်...မောင်းတော့ "
ရာဇသည် Bossအား စိုးရိမ်သွားသော်လည်း ဘာမှမဖြစ်သလိုပြောလာသည့် Bossကြောင့် ခေါင်းငြိမ့်ကာ ကားမောင်းရန်သာပြင်ရတော့သည်။ Bossဟာ သူနှင့် ခိန်းထက် အသက်အရမ်းကွာသည့်အပြင် သူတို့ကို လမ်းဘေးမှမွေးစားခဲ့ကာ သူတို့နှစ်ယောက်ကို စောင့်ရှောက်ပေးခဲ့သည်မို့ သူတို့အတွက် အရမ်းတန်ဖိုးရှိသည့်လူဖြစ်သည်။ ထို့ကြောင့်လည်း သူနှင့်ခိန်းက အသက်ပေးကာကွယ်ဖို့ထိ ဆုံးဖြတ်ထားကြခြင်းဖြစ်၏။
အိမ်တော်သို့ရောက်သည်နှင့် ရာဇ အရင်ဆင်းကာ Bossဆင်းရန် ကားတံခါးအရန်သင့်ဖွင့်ပေးလိုက်သည်။ အာဏာ့ကားသံကြားသည်နှင့် အိမ်တွင်းရှိ လက်အောက်ငယ်သားတိုင်း ခေါင်းငုံ့ပြီးသားပင်။
" ရဲရင့်...ရင်ခွင် Barသွားသေးလား "
" မသွားရသေးပါဘူး Boss အကိုလေး ကြယ်ခေါက်တုန်းပါ "
" ကျစ်! အခုပဲညနေစောင်းနေပြီလေ...တစ်နေကုန် ကြယ်ခေါက်တယ်ဆိုတော့ လက်ဂနာမငြိမ်တတ်လိုက်တာကွာ "
YOU ARE READING
𝑲𝒊𝒔𝒔
Fantasyအာဏာပြည့်ရှင် + ရင်ခွင်နမ်း 𝘿𝙤𝙣'𝙩 𝙇𝙤𝙤𝙠 𝙃𝙞𝙢 မှ Kiss သို့ နာမည်ပြောင်းလဲထားပါတယ် Seme is asshole...! ဝတ္ထုပါအကြောင်းအရာတိုင်းသည် စာရေးသူ၏ စိတ်ကူးယဥ်သက်သက်သာဖြစ်သည်။ AarNar Pyae Shin Rin Khwin Nam S.D - 11.9.2023 E.D - 11.8.2024 #Day