Uni
အိပ်ပျော်နေသည့် ရင်ခွင့်အားပွေ့ကာ အာဏာက အိမ်ပေါ်ရှိ အခန်းသို့ခေါ်သွားခဲ့သည်။ အပြင်အဆင်များအားကြည့်ကာ မျက်စိနောက်၍ ရဲရင့်အားခေါ်ကာ အိပ်ယာပေါ်ရှိ နှင်းဆီပွင့်များအားဖယ်ခိုင်းကာ ခရေပန်းများခင်းခိုင်းလိုက်သည်။ ခရေပန်းက သူ့လူအကြိုက်ဆုံးပန်း...
" ခရေပွင့်နည်းတယ်...ထပ်ဖြည့်အုံး "
" Boss...အဆင်ပြေရဲ့လား "
အာဏာသည် တစ်ချိန်လုံး ရင်ခွင့်အားပွေ့ထားသည်မို့ ရဲရင့်မှ မေးလာခြင်းဖြစ်သည်။
" သူ့ကိုယ်လုံးက ငါ့သဲအိတ်လောက်တောင်မရှိဘူး...မင်းသာ အမြန်လုပ်စမ်းပါ "
" ဟုတ်ကဲ့ "
ရဲရင့်ဟာ ခရေပန်းများအား အိမ်နောက်မှ ထပ်ကောက်ကာ ထပ်ဖြည့်၍ အလှဆင်သည်။ မြေပြင်ပေါ်ကျသည့်ပန်းများမှာ အလွန်ကို သန့်ရှင်းပါသည်။ အကြောင်းအရင်းက အာဏာဟာ ခရေပန်းပင်များသာ ရှိရာ ထိုနေရာကို သုံးရက်တစ်ခါ သန့်ရှင်းရေးလုပ်ရန် အလုပ်သမားသုံးယောက်ကို ခေါ်ထားခြင်းကြောင့်ပင်။
ရဲရင့်သေချာ အလှဆင်ပြီးသည်နှင့် ရင်ခွင်နမ်းအား မွေ့ယာပေါ်ချကာ သူကအောက်ထပ်ပြန်ဆင်းလာလိုက်သည်။ အရက်နှင့် အမြည်းများရောက်လာသည်နှင့် ရှိန်းထက်သာ ၊ လရောင်မြတ်မင်း ၊ နေ့သစ္စာမြတ်အားခေါ်လိုက်သည်။ သုံးယောက်လုံးရောက်ချလာသည်နှင့် သောက်ခြင်းကိုစတင်လေတော့သည်။
" မင်းခေါ်တာ သောက်ဖို့လား "
" အေး "
နေ့၏အမေးအား အာဏာပြန်ဖြေသည်နှင့် နေ့ကမျက်မှောင်ကျုံ့သည်။
" အလှလေးကဘယ်မှာလဲ "
" နင်ကဘာလုပ်မလို့လဲ...သောက်စရာရှိတာသောက်ပါ...အလှလေး အလှလေးနဲ့ခနခနမခေါ်စမ်နဲ့ "
" うーん...どうしだの " { အမ်...ဘာဖြစ်လို့လဲ }
" 好きじゃないから" { မကြိုက်လို့ }
" မြန်မာလိုပြောကြပါဟ... "
နေ့နှင့်အာဏာ၏ကြားဝင်ပြောသူက လရောင်ပင်။ လရောင်ဟာနှစ်ခွက်သောက်ပြီး မူးနေလေပြီ။
YOU ARE READING
𝑲𝒊𝒔𝒔
Fantasyအာဏာပြည့်ရှင် + ရင်ခွင်နမ်း 𝘿𝙤𝙣'𝙩 𝙇𝙤𝙤𝙠 𝙃𝙞𝙢 မှ Kiss သို့ နာမည်ပြောင်းလဲထားပါတယ် Seme is asshole...! ဝတ္ထုပါအကြောင်းအရာတိုင်းသည် စာရေးသူ၏ စိတ်ကူးယဥ်သက်သက်သာဖြစ်သည်။ AarNar Pyae Shin Rin Khwin Nam S.D - 11.9.2023 E.D - 11.8.2024 #Day