Unicode
" Kiss...ဘယ်မှာလဲ "
အာဏာဟာ ဂရုစိုက်ဖို့မမှာလိုက်ရ၍ အစည်းအဝေးတန်းလန်းထားခဲ့ပြီး PK Bar ကိုသွားခဲ့ရသည့်အပြင် ရင်ခွင့်ကိုလည်း တစ်ယောက်တည်းမထားခဲ့ချင်သည်မို့ အိမ်ပြန်ခေါ်လာခဲ့ခြင်းသာ။ စိတ်ပူ၍ ခေါ်လာသည်ကို ဘယ်လိုတလွဲကောက်၍လည်းမသိ။ ရင်ခွင်ဟာထမင်းမစားပဲ ဆန္ဒပြနေလေသည်။ အာဏာသည် သက္ကရာဇ်၏ " အကိုလေး...ထမင်းလာမစားပါဘူး...Boss...ကျွေးလို့လည်းမရလို့ပါဗျ " ဟူသည့် Message ကြောင့် အိမ်ပြန်လာရခြင်း ဖြစ်သည်။
" အပေါ်မှာပါ...Boss "
အိမ်ပေါ်သို့ ပြေးတက်သွားသော အာဏာ့ကိုကြည့်ကာ သက္ကရာဇ်မှာ ရင်တေပါတုန်လာသလိုဖြစ်နေသည်မို့ လက်ဖြင့် ရင်ဘက်အားအုပ်ကိုင်လိုက်သည်။ Bossကြည့်ရတာ အတော် ဒေါသထွက်နေပုံပေါ်တာကြောင့် သူရင်တုန်သွားတာ။
ဒုန်း!
" အယ့် "
တံခါးအား ကန်ကာဖွင့်ချလိုက်သည့် အာဏာကြောင့် ရင်ခွင်လန့်သွားရသည်။ ခေါက်ထားသည့်ကြယ်များအား ကြယ်ဘူးလေးထဲထည့်နေသူ ရင်ခွင်မှာ ကြယ်ဘူးလေးပါ မွေ့ယာထက် လွတ်ကျသွားရသည်။
" ခင်ဗျား...လာခဲ့! "
မွေ့ယာထက်မှ ရင်ခွင့်လက်အား အတင်းဆွဲလာသော အာဏာကြောင့် ရင်ခွင်ကရုန်းသည်။
" အာဏာ...ငါနာတယ်...လွှတ်! "
မကြားဟန်ပြုလျက် ရင်ခွင့်အား မွေ့ယာထက်မှ အတင်းဆွဲချလိုက်သည်မို့ ရင်ခွင်မှာထိုင်ရက်လေးပြုတ်ကျလေတော့သည်။
" အာဏာပြည့်ရှင်!! "
ရင်ခွင်အရမ်းနာသွားကာ စိတ်တို၍ အော်မိတော့သည်။ အာဏာသည် ရင်ခွင်အော်လိုက်သည်နှင့် ရင်ခွင့်အား လက်မောင်းမှဆွဲကာ ထစေသည်။
" ဖယ်...လွှတ်! "
" ကျုပ်ဘာလုပ်မိလို့ ခင်ဗျားထမင်းမစားတာလဲ...ဟမ် Kiss! "
" မင်းအခုလိုတွေလုပ်နေတာကို ဘယ်အချိန်ရပ်မှာလဲ...အာဏာပြည့်ရှင် "
" ကျုပ်မေးတာကို အရင်ဖြေ! ကျုပ်ကိုပြန်မမေးနဲ့! "
" ငါအလုပ်လုပ်မလို့လို့ ပြောခဲ့တယ်လေ! ဘာလို့ ငါ့ကိုပြန်ခေါ်လာတာလဲ! "
YOU ARE READING
𝑲𝒊𝒔𝒔
Fantasyအာဏာပြည့်ရှင် + ရင်ခွင်နမ်း 𝘿𝙤𝙣'𝙩 𝙇𝙤𝙤𝙠 𝙃𝙞𝙢 မှ Kiss သို့ နာမည်ပြောင်းလဲထားပါတယ် Seme is asshole...! ဝတ္ထုပါအကြောင်းအရာတိုင်းသည် စာရေးသူ၏ စိတ်ကူးယဥ်သက်သက်သာဖြစ်သည်။ AarNar Pyae Shin Rin Khwin Nam S.D - 11.9.2023 E.D - 11.8.2024 #Day