Unicode
" အာဏာ ဒီနေ့ငါချက်ထားတာ...မင်းထမင်းစားတော့မလား "
အာဏာမလာခင် ပျင်းနေသည်မို့ ရင်ခွင်က မီးဖိုချောင်ဝင်လေတော့သည်။ အာဏာစိတ်ဆိုးနေသည်ကို ချော့ချင်သည်က ထိပ်ဆုံးကဖြစ်လိမ့်မည်။ အိမ်အကူများကတားသော်လည်း ရင်ခွင်ဟာ ရကြောင်းပြောကာ သူကိုယ်တိုင်အကုန်ချက်ပြုတ်ခဲ့လေသည်။
" ခင်ဗျားက ဘာလို့ချက်တာလဲ...? "
" မင်းစားဖို့ချက်ပေးချင်လို့ပေါ့ "
" အင်း...စားကြတာပေါ့ "
အာဏာထမင်းစားခန်းရှိ စားပွဲထံရောက်သည်နှင့် ရင်ခွင့်ဘက်လှည့်ကာ စကားစလေသည်။
" ကျုပ်ကအိမ်ဦးနတ်...အဲ့တော့ ခင်ဗျားက ထိပ်ဆုံးထိုင်လိုက်...ကျုပ် ဒီဘေးခုံမှာထိုင်မယ် "
အာဏာ့စကားကြောင့် ခေါင်းငုံ့နေသည့် Bodyguard များအပါအဝင် သက္ကရာဇ်နှင့်ရာဇပါ ခေါင်းထောင်လာကာ တအံ့တဩကြည့်နေမိကြလေသည်။
သူတို့သခင်လေးက ထမင်းစားပွဲရဲ့ ထိပ်ဆုံးမှာပဲ အမြဲထိုင်လေ့ရှိတာ Boss၏ဖခင် ရှိစဉ်ကတည်းကလေ...
" အိမ်ဦးနတ်တွေက ဘေးခုံထိုင်ရတာလား "
ရင်ခွင်၏အမေးအား အာဏာပြန်မဖြေခဲ့ပါ။ ဆူပုတ်ပုတ်လေးဖြစ်သွားသည့်ရင်ခွင်ဟာ ထမင်းနှင့်ဟင်းများလာချရန် ပြောလိုက်ပြီး ထိပ်ဆုံးခုံတွင်ဝင်ထိုင်လိုက်လေတော့သည်။
" ဒါဘာလဲ "
ငါးပိရည်ပန်းကန်အားကြည့်ကာ အာဏာက မျက်မှောင်ကျုံ့လျက်မေးသည်။
" ငါးပိရည်လေ...ဒါက တို့စရာ , ဒါလေးက ငါးကို နှပ်ချက်လေး ချက်ထားတာ , ဒါက ကြက်သားကြော် , ဒါကပုစွန်ချိုချဉ်ကြော် ချိုချိုချဉ်ချဉ်လေး သေချာကြော်ထားတာ ခေါင်းတွေကော ခွာပြီးသား...စားရုံပဲ "
" အော်... "
အာဏာ အော်ဟုပြောကာ ကြက်သားကြော်နှင့် ငါးတစ်တုံးယူကာ ရင်ခွင့်ထဲထည့်ပေးလိုက်သည်။
" ရတယ်...အာဏာ ငါ့ဘာသာပဲထည့်စား "
ပုစွန်ချိုချဉ်ပန်းကန်အား အာဏာက ဇွန်း ၊ ခရင်းနှင့် ယူထည့်လျက် မျက်ထောင့်နီကြီးဖြင့် စိုက်ကြည့်လာလေသည်မို့ ရင်ခွင်သည် ဇွန်းဖြင့် ထမင်းစားရန်သာပြင်လိုက်တော့လေသည်။ ရင်ခွင်ဟာ ဇွန်း ၊ ခရင်းမသုံးတတ်သည်မို့ ဇွန်းတစ်ခုတည်းနှင့်သာစားလေသည်။
YOU ARE READING
𝑲𝒊𝒔𝒔
Fantasyအာဏာပြည့်ရှင် + ရင်ခွင်နမ်း 𝘿𝙤𝙣'𝙩 𝙇𝙤𝙤𝙠 𝙃𝙞𝙢 မှ Kiss သို့ နာမည်ပြောင်းလဲထားပါတယ် Seme is asshole...! ဝတ္ထုပါအကြောင်းအရာတိုင်းသည် စာရေးသူ၏ စိတ်ကူးယဥ်သက်သက်သာဖြစ်သည်။ AarNar Pyae Shin Rin Khwin Nam S.D - 11.9.2023 E.D - 11.8.2024 #Day
