စိမ်းမြ ခက်ဖြာနေတဲ့ နေ့တွေဟာ
သက်တမ်းကုန်တတ်သလား။
တစ်ယောက်ကိုတစ်ယောက် ချစ်ခင်နှစ်သက်ကြတယ်ဆိုတာ တစ်ယောက်ရဲ့အချိန်တွေကို တစ်ယောက်က
ပြည့်ပြည့်၀၀ ရယူကြပစ်လိုက်ကြဖို့မှ မဟုတ်တာ။
ဒါက သူတို့ကြားမှာရှိတဲ့ အကြီးမားဆုံး ပြဿနာပဲ။
တတ်နိုင်သလောက်ထက်ပိုပြီး တည်ဆောက်ထားတယ်။
ရှောင်းကျန့်အတွက်တော့ အချစ်ဟာ ကျိုးပဲ့ ကြေမွလွယ်ပါတယ်လို့ မယုံကြည်ဘူး။
ဘယ်လို အကွာအဝေးမှာမဆို ဆက်လက် ရှင်သန်နိုင်မယ်လို့ ယုံကြည်တယ်။
ဝမ်ရိပေါ် သူ့ဘေးမှာ ရှိနေတာကို ပျော်ရွှင်မှန်း သိတယ်။
ဒါပေမဲ့ ဒါက ဒီကလေးအတွက်တော့ အကန့်အသတ်နဲ့ မဟုတ်လား။
ချစ်တယ်ပြောပြီး ကိုယ့်ဘဝထဲ ဇွတ်ခေါ်နေရင် မှားတယ်လို့ အမြဲတွေးနေရတယ်။
တက္ကသိုလ်တွေ နောက်တစ်ကြိမ်ဖွင့်ဖို့ ဖြစ်လာတဲ့အခါ ညှိနှိုင်းရတာတွေ ခက်လာတယ်။
ဝမ်ရိပေါ်လေးဟာ အသက် (၂၀)ပဲ ရှိပါသေးတယ်။
"ပေါ်တိမှာ ရွေးချယ်စရာတွေ အများကြီး ရှိတယ်"
"ကျနော်က အစကတည်းက အဲ့လို လူပဲ ကောကော"
"ကိုယ်တို့တွေ ရှောင်ပြေးနေလို့ မရဘူး"
"ကျနော့်ကို လွှတ်ထားပေးပါလား"
"ပေါ်တိ တကယ်ပဲ အရာအားလုံးကို လက်လျှော့တော့မလို့လား"
ရှောင်းကျန့်နဲ့ ရိပေါ်က ဒီကိစ္စကို ပြောတိုင်း အဖုအထစ်ကလေးတွေ ဖြစ်သွားရတာချည်းပဲ။
ရိပေါ်က ရှောင်းကျန့်ကို ချစ်တယ်။
သူ ဒီလူ့ကို ချစ်တဲ့အကြောင်း အများကြီး မပြောဖူးဘူး။
သူ့ဘဝမှာ ဒီ့လူ့ထက် တကယ် ချစ်ရမဲ့သူ မရှိဘူး။
ဒီလူက အမြဲ သူနဲ့ ယှဉ်ရင် အစစအရာရာ ကွာတယ်လို့ သူအမြဲ ခံစားရတယ်။
ရှောင်းကျန့် သူ့ကို ချစ်ပေးတဲ့နည်းနဲ့ တူညီအောင် သူ အများကြီး ညှိယူရတယ်။
ရှောင်းကျန့်လို သူက မရင့်ကျက်ဘူး။
သူက မတည်ငြိမ်ဘူး။
YOU ARE READING
An Ideal Husband (Completed)
FanficUnicode and Zawgyi included လူသားနမူနာ ပုံစံလေး ဆရာဝန် ရှောင်ရှောင်းကျန့်ဟာ ဘေးအိမ်က လူဆိုးကောင်လေးရဲ့ မွေးနေ့မှာပဲ ဖွင့်ပြောခဲ့ပါတယ်။ ဒီအတိုင်း ပေါ့ပေါ့ပါးပါး YiZhan Fanfic တစ်ပုဒ်ပါ။ အလိုရှိရင် ဖတ်ကြည့်နိုင်ပါတယ်။
