رواية " هازارد " 🔞😈

الفصل العاشر

مالك بإبتسامة: لااا نعرف بعض إيه بس؟ .. هو ياريت طبعاً بس للأسف لأ .. إحنا إتقابلنا صدفة في المستشفى بس ..

ندى: اهاا أوكي ..

ياسمين: إتفضلوا يا جماعة؟ .. إنتوا مكسوفين ولا إيه؟!

هيثم بهزار: هما دول ناس وش كسوف بردو؟! هههه

حبيبه: يلهوي على تقل دمك!

( والباقيين ضحكوا )

ياسمين: بس سؤال .. هو إنتوا أصلاً صحاب؟ ولا إنتوا تعرفوا بعض إزاي؟

حبيبه: بصي هقولك ..

فرح: إستني هحكي أنا ..

ندى وياسمين بصوا لبعض وضحكوا ..

حبيبه كملت: إتفضلي يا شهرزاد ..

فرح ضحكت وكملت: بصي يا دوك ..

ياسمين قاطعتها: مبدئياً كدا أنا مش عاوزة حد لا يقولي دكتور ولا حضرتك .. طول ما احنا برا الشغل يعني ..

فرح: اووك بصي يا دوك.. قصدي يا ياسمين ..

ياسمين قاطعتها تاني وقالت بضحك: قوليلي يا يسو .. أنا محدش بيقولي ياسمين دي غير في الرسميات .. أنا أصلاً بنسى إن إسمي ياسمين .. كلوا بيقولي يسو ..

فرح بإبتسامة: اوووك .. هاا أحكي يا يسو ولا فيه حاجة تاني؟

ياسمين بإبتسامة: لا مفيش .. إتفضلي ..

فرح: بصي أنا وحبيبه أصلاً صحاب من زمان .. زيكوا كدا إنتِ ودكتورة ندى .. زي الخوات بالظبط .. إحنا أصلاً من محافظة مختلفة غير هيثم وغير مالك .. بس إحنا الأربعة إتجمعنا إزاي بقااا .. هقولك دلوقت .. المستشفى عندكوا كانت محتاجة دكاترة .. فالكليات بتاعتنا إحنا الكل جابتنا عندكوا .. بس قبلها بقى أصلاً إحنا إتعرفنا على بعض في جروب للشغل في المستشفى بتاعتكوا دي .. كان في جروب على الفيس بينزل شغل في مستشفيات ومن ضمن المستشفيات اللي كانت نازلة في بوست في الجروب دا المستشفى بتاعتكوا .. ولما لاقينا الكليات بتاعتنا بتقول إنها هتعمل زي منحة كدا وتشغل الطلبة المتفوقين .. اللي هما إحنا يعني .. في المستشفى دي .. رحنا كلنا إحنا ومجموعة تانية كدا من نفس الجروب عاملين جروب تاني خاص بينا واتس .. وبقينا نتكلم فيه واتعرفنا على بعض أكتر .. لحد لما نشوف كلية مين فينا اللي هتاخدوا وتشغله عندكوا .. وفي الآخر رسيت علينا إحنا الأربعة من الجروب كله .. وبس ياستي .. حلوة الحدوتة دي؟

ياسمين: اهاا .. أنا كدا بقى فهمت .. يعني إنتوا مش صحاب من زمان أوي بردو يعني؟

فرح: من 3 أو 4 شهور كدا ..

حبيبه بحزن: إنتِ قولتي إيه زيادة عن اللي أنا كنت هقوله يعني؟

فرح: يعني إنتِ كنتِ هتحكي الموضوع كله من الأول كدا؟