&: مالك في إيه؟
ياسمين بإستغراب: عمر!
عمر: مالك يا ياسمين في إيه؟!
ياسمين بنفس الإستغراب: إنت مش كنت في الأوضة؟!
عمر: أيوا! وجيت هنا من شوية .. أشم هواء!
ياسمين بإندهاش: من شوية إيه! .. إنت لسة منادي عليا من الأوضة دلوقتي، أنا متأكدة! .. جيت هنا إمتى؟
عمر بإندهاش: أنا ندهت عليكي؟ .. ليه!2
ياسمين: إنت بتسألني أنا!!
وفي اللحظة دي سمعت عمر بينادي عليها تاني من جوا! .. لفت وشها ناحية الطرقة ورجعت بصيتله تاني .. لاقته واقف وبيبصلها بإستغراب ..
ياسمين بدأت تحس بدوخة .. وأغمى عليها ..
---------- بـقلمـــي مـنـه محـمـد ----------
بدأت تفوق .. لاقت نفسها في الأوضة، على السرير .. وفي دكتور بيعلقلها محلول ..
الدكتور لما شافها فتحت عينيها قال بإبتسامة: حمدلله على سلامتك يا دكتور ..
ياسمين بقت تبص حواليها بإستغراب وبتدوّر بعنيها على عمر .. لاقته واقف قدام السرير وندى واقفة جنبه ..
عمر بلهفة: حمدلله على سلامتك يا حبيبتي ..
ياسمين بشرود: الله يسلمك ..
ندى: كل دا عشان سيبتك كام يوم! .. دا أنا كدا بقى أرجع أبات معاكي تاني هههه
وبصت لعمر وقالت: دا إذا معندكش مانع يا أستاذ!
عمر: عندي مانع طبعاً
ندى بدهشة: إيه؟!
وكملت بتمثيل إنها حزينة: ماشي .. شكراً
شوية والدكتور خلص .. وعمر طلع معاه عشان يوصله ..
( وهما على الباب )
عمر: ها طمني يا دكتور؟6
الدكتور: متقلقش يا عمر بيه .. صدقني زي ما قولتلك كدا بس، توتر حمل ومحتاجة تتغذى كويس .. أنا كتبتلها على شوية فيتامينات ومثبت للحمل .. وياريت متتحركش كتير.
عمر: بجد يا دكتور؟ .. مفيش حاجة تانية! .. أصل موضوع فقدان الوعي دا كل شوية يحصل!
الدكتور: مخبيش عليك .. هي بردو شكلها عندها توتر أعصاب، ودا أكيد بسبب الحمل .. ياريت تخليكوا جنبها وتطمنوها أول بأول .. وطبعاً تحافظ على الفيتامينات بردو عشان أكبر سبب لفقدان الوعي دا هو قلة التغذية!
عمر: شكراً لحضرتك يا دكتور ..
ومشي الدكتور على كدا ..
أنت تقرأ
رواية " هازارد " 🔞😈
Romanceالجزء الثاني من رواية " ما وراء الظلام " 😈🔥 عشقها جنيّ .. ( الرواية بالعامية المصرية 📌 ) بإختصار في هذه الرواية يمكنك أن تعرف ماهية الحُب .. وكيف لقلبٍ بريء أن يجعل من الشيطان ملاكاً .. يمكنك أن تعرف معنى الحُب الأبديّ .. الحُب المطلق، الـ ما لا...
