رواية " هازارد " 🔞😈

الفصل الخامس

( واتفقوا على حاجة وقفلوا السكة )

وفي حد من رجالة يوسف جاب أكل لياسمين .. وفك إيديها عشان تاكل .. بس ياسمين مسكت صنية الأكل رميتها بعيد ..

الراجل: إنتِ كمان هتطبطري على النعمة! ما تاكلي عِدل يا مَرَا !؟

يوسف بزعيق: إنت إتهبلت ولا إيه؟! .. أنا مش قايلكوا تعاملوها كويسة أكنها في بيتها!

الراجل: ما هي اللي ....

يوسف قاطعة بزعيق: مش عاوز أسمع منك حاجة يا زف*ت إنت .. إجري روح هاتلها أكل غيره!

ياسمين إتخضت من زعيقه للراجل وكشت في نفسها .. وضمت رجلها على صدرها ..

يوسف قرب منها وقعد في الأرض قصادها ..

يوسف: متخافيش يا قطة .. إحنا هنا لراحتك وفي خدمتك .. إعتبري نفسك في فندق خمس نجوم! .. والسرير هناك أهو ( وبص ناحية الشمال )

ياسمين جت تبص هي كمان ناحية الشمال .. راح يوسف باسها من خدها .. ياسمين فلحظة إدته كف خماسي على وشه كرد فعل سريع .. ولما لاقت وشه احمر وعينيه احمرت وبقت بتطق شرار .. كشت في نفسها أكتر .. وحاولت ترجع لورا بس لزقت في الحيطة ..

ثواني والراجل كان جاب صنية أكل تانية وجه حطها قدامها في الأرض .. ويوسف لسة قاعد متسمر في مكانه ومتنح فيها .. الراجل حط الصنية و وقف مكانه ..

يوسف بزعيق خض ياسمين: إنت واقف ليه يا زف*ت؟! .. إطلع برا واقفل الباب!

الراجل: حاضر ياباشا ..

وخرج وقفل الباب وراه ..

يوسف زق الصنية أكتر على ياسمين وقالها: ما تاكلي يا قطة!

ياسمين بصت للصنية والدموع بتنزل من عينيها من كتر الخوف وجسمها بيترعش ..

---------- بـقلمـــي مـنـه محـمـد ----------

( في البيت )

ندى بعياط: فين ياسمين يا عمر؟

عمر: إنتِ قولتي حاجة لبابا وماما يا ندى؟

ندى: أقول إيه بس!؟ .. أنا أصلاً مش فاهمة حاجة .. هو إيه اللي بيحصل؟!

عمر: طيب أنا مش عاوز حد منهم يعرف حاجة .. وبكرا بالكتير ياسمين هترجع بيتها معززة مكرمة ..

ندى بعياط: هي فين ياسمين يا عمر؟! .. قولي هي فين؟

عمر: ياسمين اتخطفت يا ندى .. بس أنا هرجعها إن شاء الله ..

ندى: مين اللي خطفها .. مين؟! .. وعاوزين منها إيه؟

عمر بعصبية: مش عاوزين منها هي حاجة يا ندى .. أنا المقصود .. وبعدين إنتِ بتسألي كتير ليه؟! .. إسمعي اللي بقولك عليه وخلاص .. متحكيش لحد أي حاجة .. ياسمين هترجع يا ندى هاا؟ هترجع ومحدش هيمس شعرة منها!