رواية " هازارد " 🔞😈

الفصل الـ 11

( بعد شوية من قعدت ياسمين لوحدها )

كانت ياسمين حاطة الهاند فري في ودنها بتسمع ميوزك هادية .. وماسكة كتاب بتقرأ فيه .. جه شاب وسيم بعضلات كبيرة كدا .. عاري الصدر .. مش لابس غير مايوه .. ولابس نضارة شمس ورافعها لفوق .. ومرجع شعره البني الكثيف لورا .. قعد على الشازلونج اللي جنب ياسمين ( اللي كان قاعد فيه عمر ) .. وبقى وشه لياسمين ..

ياسمين بصيتله بنظرات استغراب .. وهو بيبصلها بإبتسامته الساحره وعينيه الخضراء ..

الشاب: هاي .. إزيك؟

ياسمين شالت الهاند فري من ودنها: أفندم؟

الشاب بإبتسامة: بقولك هاي ..

ياسمين: أيوا أفندم بردو عاوز إيه؟!

الشاب: يعني لاقيتك قاعدة لوحدك وكدا ..

ياسمين: قاعدة لوحدي اه! .. يعني إنت جاي تعاكس بقى؟

الشاب: لا لا أبداً مش كدا!

ياسمين: أومال إي بقى إن شاء الله؟

الشاب: أنا بس قولت لو معندكيش مانع يعني ممكن نـ .....

وفجأة جه صوت من وراه: في حاجة يا كابتن؟

الشاب بص وراه .. لاقى عمر .. وعينيه كانت بتطق شرار .. خاف وكش في نفسه واتحرج ومبقاش عارف يعمل إيه ولا يقول إيه! ..

الشاب بتردد: ااا .. أنا بس كنت بسألها على حاجة و ....

وقام وقف عشان يمشي ..

عمر بديق: هاا كمل وإيه؟

الشاب: وماشي خلاص ..

عمر: تمشي على طول كدا من غير ما تاخد واجبك؟ دا حتى ميصحش يا جدع!

وراح مديله بالبونية في وشه رجعه لورا .. فاتكعبل في الشازلونج .. وعمر نزل فوقيه وكمل ضرب لحد ما علم في وشه ..

ياسمين بخوف: خلاص يا عمر .. محصلش حاجة لده كله .. عمر!

أما عمر فالغيرة كانت بتحرق في قلبه وعامياه خالص .. مش عارف نفسه بيعمل إيه .. ولا سامع صوت حد من حواليه .. الناس طبعاً اتلمت عليهم وشالوا الشاب من تحت إيد عمر بالعافية .. وياسمين كانت حاسة بالإحراج جداً من اللي حصل .. وفي الآخر رجعوا الأوتيل ..

---------- بـقلمـــي مـنـه محـمـد ----------

( تاني يوم الساعة 5 الصبح )

ياسمين طلعت البلكونة اللي في الجناح بتاعهم .. فضلت واقفة شوية تبص على الماية .. وهي بتبص بعنيها على الشط من بعيد .. ومكنش فيه غير ناس قليلين جداً على البلاج .. شافت زي ما يكون في حد واقف على الشط بس وشه ليها .. فضل واقف باصصلها شوية وهي بتحاول تركز في ملامحه بس مش شايفاه عشان بعيد .. شوية والشخص المجهول دا شاورلها بإيديه .. ياسمين استغربت وقررت تنزل تروحله وتشوف مين ده .. ومتعرفش هي خدت القرار دا ليه وإزاي .. بس حست إنها عاوزة تعرف مين الشخص دا ضروري جداً ..