( باك )
عمر نفذ اللي إتفق عليه مع يوسف .. وطبعاً كل الظباط اللي كانوا مع عمر في عربية الترحيلات والعربيات التانية المرافقة ليهم كانوا عارفين بالخطة بردو .. فمقاوموش أوي رجالة يوسف لما هجموا عليهم .. وزي بردو ما المفروض يوسف متفق مع عمر إنهم مش هيقتلوا حد من رجال الشرطة .. والموضوع كله كان كروكي كده .. وبدون إصابات بالغة .. والخطة مشيت تمام زي ما كانوا متفقين لحد ما عمر فتح عربية الترحيلات بطريقة غير مباشرة .. وجعفر خرج منها ..
( في وسط المناوشات وضرب النار )
عمر: أخوك في حضنك أهو يا يوسف .. فين مراتي؟
يوسف: مش وقته .. هبقى أكلمك في التليفون أعرفك مكانها .. ( وكان لسة هيمشي )
عمر مسكه من دراعه جامد وزعق فيه: فين مراتي يا يوسف؟ .. أنا مش هسيبك تمشي من هنا غير لما تقولي على مكانها .. كمل إتفاقنا للآخر وخليك راجل!
يوسف شد دراعه: بقولك إيه قولتلك هبلغك بمكانها في التليفون .. سيبني ألحق أمشي دلوقتي ..
وكان لسة يوسف وجعفر هيهربوا .. بس بعد ما ركبوا العربيات بتاعتهم واتحركوا شوية .. جت قوات كتير من الشرطة وحاصروهم ..
الرائد أمجد بصوت عالي: مفيش داعي للمقاومة يا يوسف إنت وجعفر .. المكان كله محاصر .
رجال الشرطة نزلوا يوسف وجعفر والرجالة بتوعهم كلهم من العربيات .. الرائد أمجد قرب من عمر وقاله حاجة بصوت واطي في ودنه .. وبعدها عمر راح على يوسف ..
عمر: فين مراتي يا يوسف؟!
يوسف بعصبية بص حواليه ورجع بصله تاني: كنت متأكد إنك هتعمل كده .. وعشان كده مراتك دي إنت تترحم عليها .. عشان أنا بلغت رجالتي إني لو مكلمتهمش في خلال نص ساعة بعد العملية يخلصوا عليها ..
عمر مثل إنه أتصدم وزعل .. ورجع كام خطوة لورا .. وإدا ضهره ليوسف .. وبعدها رجع لف ليه وهو مبتسم .. وفضل يضحك بصوت عالي ..
عمر بضحك: هو حد ضحك عليك وقالك إني مغفل؟ .. هو في حد عاقل يدي لناس كلا*ب زيكوا الأمان؟ .. فاكرني هسيب مراتي تحت إيد واحد زيك وهآمنلوا على أساس مجرد إتفاق بينا! دا إنت طلعت مغفل بصحيح!
يوسف ظهر على وشه علامات الإستغراب وبقى يبص لعمر والرائد أمجد وهو مش فاهم حاجة .. وبعدها الرائد أمجد قرب منه كام خطوة واتكلم ..
الرائد أمجد: دكتورة ياسمين زمانها في بيتها دلوقت معززة مكرمة .. ومن بدري!
---------- بـقلمـــي مـنـه محـمـد ----------
( عند ياسمين قبل 4 ساعات )
برا الأوضة اللي ياسمين جواها ..
أنت تقرأ
رواية " هازارد " 🔞😈
Romanceالجزء الثاني من رواية " ما وراء الظلام " 😈🔥 عشقها جنيّ .. ( الرواية بالعامية المصرية 📌 ) بإختصار في هذه الرواية يمكنك أن تعرف ماهية الحُب .. وكيف لقلبٍ بريء أن يجعل من الشيطان ملاكاً .. يمكنك أن تعرف معنى الحُب الأبديّ .. الحُب المطلق، الـ ما لا...
