ومن اليوم ده وياسمين حالتها بقت صعبة جداً .. جالها حمى غريبة .. وبقت تفقد الوعي فترات طويلة .. ومش قادرة تفوق ولا تعمل حاجة .. نقلوها على مستشفى عادية – غير المستشفى النفسية اللي كانت فيها يعني - .. بس هناك الدكاترة حطوها في أوضة وعلقولها محاليل وبس! .. وبعد كام يوم الدكتور كتبلها على خروج لإن حالتها صعبة ومش مفهومة ومش عارفين يعملولها حاجة! .. فـ رجعوها البيت .. وجابولها دكاترة تانيين يكشفوا عليها في البيت.. بس بردو كل الدكاترة اللي جم كشفوا عليها معرفوش هي عندها إيه .. ولما عمر على دكتور إنهم ينقلوها مستشفى خاص قال إن مش هتفرق كتير .. مش هيقدمولها حاجة أكتر من اللي بيعملوها في البيت هنا ..
وبقت عايشة على المحاليل والفيتامينات .. وبس!
وندى ومامتها – زينب – وكمان مامت ياسمين – سمية – مكانوش بيفارقوها خالص ..
وكانت كل شوية درجة حرارتها تزيد جداً ويعملولها كمادات ويدوها خافض للحرارة .. ويشيلوها يحطوها في البانيو .. لكن مفيش فايدة .. لازم درجة حراراتها كل شوية تعلى جداً فترة معينة كدا وبعدين تنزل لوحدها ..
وفضلت ياسمين على الحال ده فترة مش بسيطة .. مش قادرة تصلب طولها .. ولا بتاكل ولا بتشرب .. وبتهزي وبتخرّف بكلام كتير مش مفهوم!
والمشكلة الأكبر إن بعد التعب والحمى اللي جت لياسمين باسبوعين بس! .. يزن البيبي هو كمان تعب!
وخدوه لدكتور وكشفوا عليه وقال بردو إن عنده حمى ملهاش علاج .. فضل يديله أدوية خافضة للحرارة وشوية فيتامينات وعلاجات كلها عادية، بس ملهاش علاقة بالحمى اللي عنده بالظبط .. لإنه ميعرفش هو عنده إيه!!
و عمر كان بيكلم الشيخ يجي كل يومين مرة يقرأ على ياسمين وعلى البيبي ويقرأ في البيت كله يمكن ياسمين ويزن يتحسنوا شوية!
---------- بـقلمـــي مـنـه محـمـد ----------
( وبعد مرور شهر )
يزن إتحسن الحمدلله وبقى كويس .. وياسمين بدأت تفوق شوية وبقت تمشي على خفيف وهي بتتسند على الحيطة .. والتزمت في الصلاة وبقت تقيم الليل وتقرأ قرآن كتير وتدعي ربنا إنه يشفيها ويخفف عنها ويحفظلها إبنها ويحفظها من كل سوء ..
بقت تتحامل على نفسها كل يوم وتقوم في نص الليل وتتوضى وتصلي وتقعد على المصلية بالساعات تناجي ربها وتطلب العون منه وتطلب منه يحميها من هازراد وكل الشياطين اللي زيه ..
لحد ما في يوم بعد ما صلت وقرأت ما تيسر من القرآن وفضلت تبكي وتدعي كتير .. تعبت ونامت على المصلية مكانها ..
---------- بـقلمـــي مـنـه محـمـد ----------
صحيت فجأة لاقت نفسها كويسة وقامت من على المصلية ومكانتش حاسة بأي تعب ولا إرهاق .. ولا صداع زي كل يوم!
أنت تقرأ
رواية " هازارد " 🔞😈
Romanceالجزء الثاني من رواية " ما وراء الظلام " 😈🔥 عشقها جنيّ .. ( الرواية بالعامية المصرية 📌 ) بإختصار في هذه الرواية يمكنك أن تعرف ماهية الحُب .. وكيف لقلبٍ بريء أن يجعل من الشيطان ملاكاً .. يمكنك أن تعرف معنى الحُب الأبديّ .. الحُب المطلق، الـ ما لا...
