جريت عليه بسرعة .. وقعدت جنبه في الأرض وهي بتحاول تفوقه .. حطت رأسه على حجرها وقالت بعياط:
_ عمر حبيبي فوق .. عمر إيه اللي جرالك ؟ .. عمر رد عليا ..
وبدأت تنهار من العياط .. بعدين سابته بسرعة وقامت جابت التليفون وكلمت الدكتور ..
---------- بـقلمـــي مـنـه محـمـد ----------
( بعد مرور ساعتين )
الدكتور جه وكشف على عمر وقال إن كان عنده هبوط حاد أدى لفقدان الوعي ..
ياسمين بخوف: طب والهبوط ده سببه إيه يا دكتور؟
الدكتور: ممكن اتعرض لصدمة أو خبر مش كويس أو أي سبب أدى لإنخافض ضغط الدم بشكل مفاجيء ف سببله الهبوط ده .. حضرتك دكتورة وعارفة المسببات يعني!
ياسمين: أيوا يا دكتور عارفة .. بس عمر متعرضش لحاجة يعني ... ( سكتت ثواني وكملت ) أو على ما أعتقد يعني إنه محصلش حاجة زي كدا! .. عامة شكراً يا دكتور .
الدكتور: العفو .. بس أهم حاجة كدا زي ما قولتلك لازم يرتاح وياكل كويس وياخد الفيتامينات اللي كتبتهاله .
ياسمين: حاضر يا دكتور .. شكراً، تعبت حضرتك .
الدكتور: ولا تعب ولا حاجة .. لو احتاجتيني في أي وقت تاني اتصلي بيا فوراً ومتتردديش .
ياسمين: شكراً جداً لحضرتك .
( والدكتور مشي )
ياسمين رجعت الأوضة تاني وقعدت جنب عمر على السرير .. عمر كان ابتدى يفوق ..
ياسمين مسكت إيده وقالتله: حمدلله على السلامة يا حبيبي .
عمر هو بيفوق: هو إيه اللي حصل؟!
ياسمين بتردد: ممفيش .. أنا كنت في الحمام ولما خرجت لاقيتك واقع على الأرض في الأوضة ف اتصلت بسرعة بالدكتور!
عمر سكت شوية وسرح ..
ياسمين سألته: هو إيه اللي حصل؟
عمر بتردد: مش عارف .. مش فاكر!
ياسمين بتركيز: متأكد؟
عمر بصلها: أيوا متأكد! .. يعني لو في حاجة هخبي عليكي ليه؟
ياسمين فضلت بصاله وساكته .
---------- بـقلمـــي مـنـه محـمـد ----------
ياسمين من بعد آخر موقف حصلها في الحمام وهي حالتها إتدهورت تماماً .. مبقتش طايقة تقعد مع حد ولا تكلم حد .. وبقت طول الوقت عصبية وبتزعق وتكسر في أي حاجة قدامها .. بس كلهم توقعوا إن اللي بيحصلها دا أكيد بسبب الحمل!
ياسمين صحتها بقت في النازل يوم بعد يوم .. خست جداً برغم إنها مفروض تاخد فيتامينات وتاكل كويس عشان الحمل .. لكنها كانت مهملة في أدويتها .. حتى ندى لما كانت تعرض عليها تبات معاها زي قبل كدا كانت بترفض جداً!
أنت تقرأ
رواية " هازارد " 🔞😈
Romanceالجزء الثاني من رواية " ما وراء الظلام " 😈🔥 عشقها جنيّ .. ( الرواية بالعامية المصرية 📌 ) بإختصار في هذه الرواية يمكنك أن تعرف ماهية الحُب .. وكيف لقلبٍ بريء أن يجعل من الشيطان ملاكاً .. يمكنك أن تعرف معنى الحُب الأبديّ .. الحُب المطلق، الـ ما لا...
