رواية " هازارد " 🔞😈

الفصل الـ 26

( في نفس اليوم بالليل )

عمر كان قاعد مع ياسمين وإتكلم معاها تاني في موضوع الشيخ .. ياسمين وافقت عمر في قراره .. قالتله كمان عن كلامها مع ندى .. وإنها حكيتلها على كل حاجة، عشان تقدر تعالجها وتساعدها ..

- بس طبعاً كلنا عارفين دلوقتي إن ندى إكتشفت إن اللي ياسمين بتمر بيه مش مرض نفسي ولا حاجة .. وإتإكدت كمان إن اللي بيحلصها دا شيء مش طبيعي –

المهم نرجع لـ عمر وياسمين ..

عمر بالفعل جاب الشيخ .. وكان كلم باباه ومامته ييجوا يحضروا القعدة معاهم تحسباً إن أي حاجة تحصل ..

مامت عمر كانت مع ياسمين في الشقة، قاعدين في الأوضة بتاعت ياسمين لحد ما الشيخ ييجي .. ياسمين كانت متوترة جداً .. وزينب مامت عمر كانت قاعدة بتهديها .

شوية والجرس ضرب .. وعمر وباباه والشيخ دخلوا سوا .. وقعدوا في الصالة .

بعد شوية ياسمين وزينب خرجوا للصالة هما كمان .. والشيخ طلب ماية بملح عشان يرشها في أركان البيت بعد ما قرأ عليها .. ومن ساعة ما دخل البيت وهو بيقرأ قرآن عشان يحصن نفسه ويحصن البيت ..

ياسمين لما طلعت قعدت والشيخ بيقرأ .. الكل كان بيترقبها وبيبصولها من تحت لتحت يشوفوا رد فعلها .. كـ تصرف طبيعي منهم يعني .. كانوا خايفين من رد فعلها .

بس ياسمين كانت قاعدة كويسة عادي .. مكانتش حاسة بأي حاجة .. ولا حاسة إنها متدايقة ..

لحد بقى ما الشيخ طلب منها تيجي تقعد في الكرسي اللي جنبه .. وطلب كوباية ماية وبدأ يقرأ عليها عشان يخلي ياسمين تشربها ..

وهنا بقى كانت المشكلة .

ياسمين رفضت تشرب كوباية الماية .. عمر جه قعد جنبها ومسك إيديها وهو بيكلمها بهدوء

عمر: ياسمين حبيبتي، مش إحنا إتفقنا؟ .. مش إنتِ عاوزة تساعدي نفسك؟ .. إشربي.

ياسمين كانت بتهز رأسها بالإيجاب وساكتة .

لحد ما عمر أخد كوباية الماية من الشيخ وإدهالها .. وياسمين شربتها .

بعد ما ياسمين شربت الماية على طول مسكت بطنها وقامت وقفت وكانت داخلة على الحمام بسرعة عشان تتقيأ .. بس ملحقتش تدخل على جوا .. و وقعت في الأرض وبدأت تنزل من بؤها سائل لزج إسود .. وكانت عمالة تتنفض في الأرض وتعمل صوت حشرجة .. صوت خشن كدا ومش طبيعي ..

ياسمين خلصت من هنا .. وشهقت جامد وبعدها فقدت الوعي ومحستش بنفسها .

الشيخ خلاهم قعدوها في الكرسي تاني وحط حجاب على شعرها وحط إيده على رأسها وبدأ يقرأ قرآن كتير .. كل دا وياسمين فاقدة الوعي ومش في الدنيا أساساً ..