سمية مامت ياسمين إتدخلت وقالت: إستهدى بالله يابنتي .. هما عملوا اللي عليهم وزيادة كمان وكانوا شايلينها على كفوف الراحة .. بس إنت عارف ياسمين كانت حالتها عاملة إزاي في الفترة الأخيرة .. والعصبية والنرفزة اللي كانت فيها على طول!
عمر بعصبية: يعني لما هي حالتها عاملة كدا وكلنا عارفين؛ منستحملهاش بقى!؟ .. نسيبها لنفسها كدا .. تموت روحها!
ندى إتدخلت وقالت: على فكرة يا عمر مراتك محتاجة تتعالج .. مش جسدياً .. لأ .. محتاجة تروح لدكتور نفسي، ومحتاجة تتقبل إنها مبقتش في طبيعتها عشان نقدر نعالجها!
عمر قرب من أخته جامد وقالها: قصدك إيه؟ .. أنا مراتي مش مجنونة ياندى! .. عادي يعني ممكن يبقى اكتئاب حمل وهيروح لحاله!
وليد دخل في النص وبعد عمر شوية عن ندى ..
بس ندى كملت وقالت: وإنت يا حضرت الظابط معندكش خلفية إن الاكتئاب ده ممكن يخليها تإذي نفسها واللي في بطنها .. وبعدين الأمراض النفسية مبتروحش في يوم وليلة!! .. مش عشان ولدت يبقى خلاص؛ لأ!
مامت ندى سألتها: تقصدي إيه يابنتي؟
ندى: أقصد إنها ممكن لما تفوق بردو متبقاش طايقة روحها ولا طايقانا ولا طايقة البيبي!! .. أقصد إنها لسة Still محتاجة تتعرض على دكتور يا ماما! .. محتاجة تتقبل مرضها عشان تتعالج!
وليد قرب من ندى وحاول يهديها وقالها: تعالي ننزل نشرب حاجة يا ندى وإهدي كدا! مفيش حاجة مستاهلة .. وياسمين وهتبقى كويسة إن شاء الله .. متقلقيش، إن شاء الله خير .
ندى وافقته ونزلت معاه الكافتيريا تحت وسابتهم .
---------- بـقلمـــي مـنـه محـمـد ----------
( تاني يوم )
ياسمين بقت كويسة ونقلوها أوضة عادية .. كلوا كان قاعد حواليها مستنيينها تفوق وتقوملهم بالسلامة ..
ياسمين ابتدت تفتح عينيها وتفوق .. أول ما مامتها شافتها قربت منها بسرعة ومسكت إيديها وقالتلها ..
سمية: سلامتك يا حبيبتي .. ألف سلامة عليكي .
والباقيين كلهم كذلك .
ياسمين بتعب: الله يسلمك يا ماما .. الله يسلمكوا كلكوا .
ندى قربت من السرير وقالتلها: كدا تقلقينا عليكي بردو؟!
وعمر كمان قرب وقعد جنبها على السرير .. مسك إيديها وطبع قبلة خفيفة وقالها ..
عمر بحب: سلامتك يا حبيبتي .
ياسمين بإبتسامة بسيطة: الله يسلمك يا حبيبي .
عمر: مش عاوزة تشوفي إبننا صحيح؟ .. دا قمر أوي، شبهك .
أنت تقرأ
رواية " هازارد " 🔞😈
Romanceالجزء الثاني من رواية " ما وراء الظلام " 😈🔥 عشقها جنيّ .. ( الرواية بالعامية المصرية 📌 ) بإختصار في هذه الرواية يمكنك أن تعرف ماهية الحُب .. وكيف لقلبٍ بريء أن يجعل من الشيطان ملاكاً .. يمكنك أن تعرف معنى الحُب الأبديّ .. الحُب المطلق، الـ ما لا...
