නු ග්‍ර ව්.... 𓆸 [▪︎COMPLETED▪︎]

71.༊ නුවර වැවට රහසක්﹏࿐ ࿔

AGRAW P.O.V

වීනු එක්ක ශ්‍රව් එක්ක මාළිගාව ඇතුළට සුදු නෙලුම් පූජා කරන්න ආවට මොකද බෞද්ධ මිනිස්සු ශ්‍රද්ධාව පැත්තක තියලා තව කෙනෙක් තල්ලු කරන් ගිහින් දළඳා වහන්සේට වඳින දිහා මමයි වීනූයි බලන් ඉඳලා මූණට මූණ බලාගත්තා. අපි දෙන්නා අතරේ අපි දෙන්නගෙම අත් අල්ලන් හිටිය ශ්‍රව් දිහා බලපු මම ශ්‍රව්ව වඩාගත්තේ ඒ අස්සෙ පොඩි එකාගෙ කෑල්ලක්වත් හොයාගන්න බැරි වෙයි කියලා සාධාරණ සැකයකින්.

"මැණික මං ගාවින්ම ඉන්න. නැත්තම් මේ උපාසක අම්මලා ශ්‍රද්ධාවෙ නාමෙන් ලී පඩිපෙළ පල්ලෙහාට තල්ලු කරලා සාධුකාර දෙයි."

තනි අතින් ශ්‍රව්‍ව වඩාගෙන වීනුගෙ ඉණ වටේ අත යවලා මගෙ ඉස්සරහින් පෝලිමට අරන් මම ඒ කනට මිමිණුවා. වීනු අත් දෙකෙන්ම සුදු නෙලුම් පොකුර තුරුලු කරගෙන මං දිහා බලලා දිළිසෙන ඇස් වලින් හිනා වුනා. අපිට පිටිපස්සෙන් සිතෙව් හේෂව් පොඩි එකාවත් වඩාගෙන පෝළිමට එකතු වුනා.

එකම එක දවසක් රට යන්න කලින් මට මතකයි මම මගෙ අප්පච්චි එක්ක මාලිගාවට ආවා. නෑ වඳින්න නෙවෙයි. එහා පැත්තෙ තිබුන කෞතුකාගාරේට. මගෙ අප්පච්චි ඉතිහාසය හා පුරාවිද්‍යා ප්‍රොෆෙස කෙනෙක්. ඒ වගේම මමත් දැන් එයාට කෞතුක වස්තුවක්. මට සැකයි අප්පච්චිට මාව මතකවත්ද කියලා.

"අග්‍ර.."

"........"

මම සද්ද නැති නිසාම වීනු මගෙ මූණ දිහා බලාගෙන ඉඳලා මගෙ අතේ ඒ චුටි අත පටලව ගත්තා. නෑ වීනුගෙ සිනිඳු අත කෙල්ලෙක්ගෙ වගේ පොඩි නෑ.ඒත් එයාගෙ අත මගෙ ඇඟිලි එක්ක පැටලෙද්දි ඒක හරි පොඩියට දැනෙන්නෙ. පරිස්සම් කරන්න ඕනි පුංචි අතක් වගේ. මට අනුව එහෙමයි දැනෙන්නෙ.

දළඳා මාළිගාවේ හිටියත් මිනිස්සු මිනිස්සුමයි. කොල්ලෝ දෙන්නෙක් අත් අල්ලන් දරුවෙක් වඩාගෙන හිටියම බලන්නෙ අමුතු විදිහට වෙන්න ඇති. ඒත් අපේ ඇස් අපි අතරෙම විතරයි තිබුනෙ. වීනු ලයිට් බ්‍රව්න් ටී එකට සුදු ට්‍රවුසර් එකක් ඇඳලා හිටියට නෙලුම් වල දිග දඬු කඩලා කහට පිටින්ම සාක්කු වලට දාගෙන තිබුනා. මගෙ මැණිකගෙ අහිංසක සරලකමට, ඒ වැරැද්දක් නොකරන අවංකකමට මම ආදරේ කරනවා.