නු ග්‍ර ව්.... 𓆸 [▪︎COMPLETED▪︎]

62.༊ හැපි පිල්ස්﹏࿐ ࿔

AGRAW P.O.V

ශ්‍රව් අපිත් එක්ක නවතින්න ඇවිත් දවස් දෙකක් ගිහින්. මම ඔෆිස් යන දවසට වීනු එක්ක ශ්‍රව්, ෂැඩෝ දෙන්නා ඉන්න නිසා එච්චර බයක් නෑ දැන්. ශ්‍රව් ආව වෙලාවෙ වගේම ටිකක් නිශ්ශබ්ද ළමෙක් කියන එක මායි වීනුයි දෙන්නම තේරුම් ගත්තා. ෂැඩෝ එක්ක එයා ගාඩ්න් එකේ සෙල්ලම් කරද්දී ඇත්තටම කරදරයක් තිබුනෙ නෑ.. මේ සතියෙ කැමැත්තෙන් හරි අකමැත්තෙන් හරි මමයි මැණිකයි එහා පැත්තෙ රූම් එක බේබි රූම් එකක් විදිහට වෙනස් කරන්න හිතුවා..

වීනු පැසෙන්ජර් සීට් එකේ වාඩි වෙද්දි මම ඩ්‍රයිවින් සීට් එකේ හිටියෙ.ඒකට ශ්‍රව් වඳුරු පැටියෙක් වගේ පිටිපස්සෙ ඉඳන් අපේ සීට් අතරෙ එල්ලිලා හිටියෙ. කාලෙකින් වගේ එලියට යන එකට මැණිකත් ගොඩක් සතුටින්. කොහොමත් කන්න බොන්න ඕනි බඩුත් ඉවර වෙන්න ලඟයි. කොහෙද මේ කියුට් හොල්මන් දෙක රෑටත් සමහර දවස් වලට ෆ්‍රිජ් එක අස්සෙ.

"ඔන්න අපි යනෝඕඕඕ....." ශ්‍රව් ගොඩක් සතුටින් උඩ පැන්නෙ කා එක ස්ටාර්ට් කරද්දි.

මම වටේවර් මල් පිපුන පාරෙන් ගේට්ස් වලින් එළියට කා එක දාද්දි වීනු එයාගෙ බෙල්ලෙ පිටිපස්සෙන් බදාගෙන ඉන්න පොඩීගේ අත් වලින් අල්ලන් වැටෙන්න නොදී හිටියෙ.

"වෝ වෝ යනෝඕ...." වීනුත් ඊලඟට එයත් කෑ ගහන්න ගත්තෙ හිනා වෙවී. මේ දෙන්නා දරුකමට ගන්න හොඳයි. මගෙ මැණික තමා පොඩිම බබා. හුරතල් වෙන හැටි..

මමත් වෙනදට වඩා පරිස්සම් වුනා කිව්වොත් හරි. එයාලා දෙන්නා ඉන්නවා කා එක ඇතුලෙ කියන එක සෑහෙන්න පරිස්සම් වෙන්න ඕනි දෙයක්. මමත් පොඩි හිනාවකින් කා එක ඩ්‍රයිව් කලේ මේ දෙන්නගෙ විකාර කතා වලට.

"ඊට පස්සෙ ශ්‍රව් කිව්වා ෂැඩෝ කියන්නෙ මදෙ හොඳම යාලුවා නපුලු ඩීමන් කියන දේ ඔයා අහන්න අපා කියලා.."

ශ්‍රව් කට හද හද කියන හැටි මට මිරර් එකෙන් පේනවා. හරි පණ්ඩිත හුරතල් විදිහට ඔය කියන්නෙ ඊයෙ රෑ වීනු කෑම හදද්දි වුන දෙයක් ගැන. පොඩි එකා ෂැඩෝව බදාගෙන සෙල්ලම් කරද්දි මම සැරයක් දෙසැරයක් සැර කලා ඒ ලොම් නහයට යන නිසා ඈතින් ඉඳලා සෙල්ලම් කරන්න කියලා. කොහෙද මේ ඇටයා කියන දේ බිංදුවක් ඇහුවෙ නෑ. ඉතින් මම හරිම සරලව කොල්ලට නෙවෙයි බල්ලට සැර කලා කිචන් එකට ගිහින් වීනු එකක් ඉන්න කියලා. ෂැඩෝ මම කිව්වොත් තත්පරෙන් ඒක කරනවා.