නු ග්‍ර ව්.... 𓆸 [▪︎COMPLETED▪︎]

35.༊ සොරී බට්!﹏࿐ ࿔

මං කට තද කරන්ම හිටියෙ එයාට රවලා. ඒත් එයා මගෙ නිකටින් අල්ලන් මං උල් කරන් ඉන්න තොල් උඩින් එයාගෙ තොල් තද කලේ එක තත්පරේකට..

"වීනස් 'ආ' කියනවා. ආයෙ කියන්නෙ නෑ මං! "

අග්‍ර කතා කරන විදිහට මාව මොකද්ද වෙලා යනවා. එයා කියන දේ අහන්න මගෙ හිත බල කරනවා. එයා 'වීනස්' කියලා කතා කරනවට මං ආසයි. ගොඩක් ආසයි....ඒ තොල් සිනිඳුයි. මගෙ තොල් වලට ඒවා තද වෙද්දි, උණුසුම්ව ගිය හුස්මක් කම්මුල් වල වදිද්දි මට මාවම අමතක වෙලා යනවා.

එයා මගෙ කට ලඟට අරන් ඇවිත් ඉන්න නූඩ්ල්ස් ඇස් වලින් පෙන්නලා කියන්නේ ඒක කන්න කියලා. එයා කියන දේ කරනවා ඇරෙන්න මට වෙන විකල්පයක් නැහැ.. මං කට අරිද්දි එයා ඒක මට කැව්වා.

කට වටේම ගාගෙන සැරම සැර නූඩ්ල්ස් එක කද්දි තියෙන්නෙ වෙනමම රසක්. ආච්චම්මා මහණ වුනාට පස්සෙ මම රෑට නම් උයලම නැහැ. මොනවා හරි කඩෙන් උස්සන් ඇවිත් කන එක පුරුද්දක් වෙලා තිබුනෙ. එහෙමත් අමතක වෙන දවස් වලට ඇති වෙන්න නූඩ්ල්ස් ගබඩා කරලා තියන එක මගෙ විදිහ. ආච්චම්මා දන්නවා නම් ඇහේ ඉදන් පට්ට ගහලා හැට්ටයක් දෙකක් මහනවා.ඒ තරම් විරුද්ධයි. එයා මේ ලෝකේ මට බැන්නා නම් ඒ දේවල් දෙකයි. පළවෙනි එක මට වාහනේකට අත තියන්න බැහැ. පොඩිකාලෙ වුන ඇක්සිඩන්ට් එකෙන් පස්සෙ එයා මට ඒකට සම්පූර්ණ තහංචියක් දැම්මා. දෙවනි එක තමා කොත්තු රයිස් නූඩ්ල්ස් වගේ ඒවා කන එක.

'අනේ ඔයාවත් මං ලඟ හිටියා නම්..'

මටත් නොදැනිම බර වුන හුස්ම එක්ක අග්‍ර මට කැව්ව කීවෙනිද මන්දා නූඩ්ල්ස් ටික මං කෑවා. ඒත් කන්නෙ මගෙ උවමනාවට නෙවෙයි කියලා එයාට තේරිලාද කොහෙද මගෙ නිකටින් අත තියලා උඩට ඉස්සුවේ. ඒ ඇස් හීනි කරලා මං දිහා බලද්දි මම ඒ අත ගසලා දැම්මේ තරහින්. මං අද මේ ඉන්නවා වගේම අර කෙල්ලත් ඔඩොක්කුවේ යස අගේට තියන් හිටිය මනුස්සයනෙ මේ. ඕවා අමතක වෙන්නේ නෑ මට.

"මොකද්ද ප්‍රශ්නෙ වීනු? "

"මොකුත් නෑ. ඇති මට. මං යනවා වොෂ් එකක් දාගන්න."

එයාගෙන් මිදිලා මම බිමට බහින්න හැදුවේ පපුවට අතක් තියලා තල්ලු කරලා. ඒත් 'සලාං' ගාලා රිදී ගෑරුප්පුව ස්ටූල් එක උඩ තිබුන ප්ලේට් එකට අතෑරලා දාපු අග්‍ර මගෙ ඉණ වටෙන් අත යවලා අල්ලගත්තා. හරියට යන්න දෙන්න බෑ වගේ.