නු ග්‍ර ව්.... 𓆸 [▪︎COMPLETED▪︎]

09.༊ පොඩියෙකා﹏࿐ ࿔

"ඕයි කවුද බං මේ ලන්සි බෝනික්කා? "

මොකා? ලන්සි බෝනික්කා? ඊව් මෝඩයා. මුගෙ යාලුවොත් මේකා වගේම කිසි කමකට නෑ.

"මගෙ අලුත් සෙල්ලම් බඩුව. කොහොමද හොඳයි නේහ්? ඊයෙ ගත්තෙ." පිටිපස්සෙන් ආව අතක් මගෙ ඉණ වටේ ගිහින් තද වුනේ මම බය වෙලා එයාගෙ මූණ බලද්දි. ඒ ඇස් මං දිහා බලන් හිටියෙ හරියට අයිතියි කියන්න වගේ තමා.

"අඩෝ අඩෝ සිරා කියහම්. ඕයි මේ පට්ට ලස්සන කෑල්ලක්නෙ බං බස්සන්න යන්නෙ. ඒ අපිටත් දියන් ඉතින් බලන්න.. ඒ මල්ලි කොහොමද මූව අල්ලගත්තෙ? නම මොකද්ද? "

හපෝ කෝච්චියකට අහුවුනා වගේ කියවිල්ල. ප්‍රශ්න සීයක් විතර අහලා ඉවර වෙලා යන්තම් මේකා මගෙ නම ඇහුවා.

"දුන්නම කන්නම්.."

"හම්මේ ඇයි බං මූට මෙච්චර තද වෙලා..? ඉතින් දුන්නම කන්නම් මම මනුල්. මේකාගෙ ප්‍රාණයසම අපායසහයක."

පේනවා හැබැයි අපායට යන්න නම් සහය දෙයි කියලා. සේරටම කලින් මේ යෝදයගෙ අත ගලවන්න එපෑ මගෙ ඉණ වටේ එතිලා තියෙන. මම ෂේප් එකේ ඒක අයින් කරන්න යද්දි මේකා ඒක තවත් තද කරලා අල්ලගන්නවා. ඉතින් මට නරකින් හරි වුනා අත චුට්ටක් අල්ලලා කොණිත්තන්න.

"ආව්! තමුසෙ කොටියෙක්ද ඕයි. හපනවයි හූරනවයි.."

එයා කෑ ගහලා මාව අතෑරියා. දැක්කනෙ සරලයි. මං කට කොණින් හිනා වෙලා මනුල්ද කවුද දිහා බැලුවා.

"මම මේකා කවුද දන්නෙත් නෑ. ඉතින් මෙයාගෙ ලන්සි බෝනික්කා නෙවෙයි කොහෙත්ම.."

"යකෝ මූ. දොඩම් ගෙඩියයි බටු ඇට දෙකයි උස. කට නම් තියනවා වහල උඩ යන්න. කොහෙන්ද බං හොයාගත්තෙ මේ කොච්චි කරල? සිරාවටම කියහන් කවුද මේ? "

මනුල් ගිහින් මූණත් නරක් කරන් ඉන්න එයාගෙ කරට අත දාගත්තා. එයා මට රව රව අතේ රතුවුන තැන් බලනවා. අනේ හොඳම වැඩේ.

"කවුද බං දන්නෙ පිස්සුනෙ අපේ සීයප්පච්චිට. එයාට මේ මනුස්සයව මට බන්දන්න ඕනිලු. අපේ සීයප්පච්චි දක්ෂයිනෙ කුණු ගොඩවල් ගොඩගහගන්න."

එයා කියවන් ගිහින් තමා මං දිහා බැලුවෙ. මම එයා දිහා බලන් ඉද්දිම එයා එහෙම කිව්වෙ මට දුක හිතෙයි කියලද දන්නෙ නෑ.. ඒත් මට ඒක ගාණක් නෑ වගේ මම හිනා වුනා.ඒත් ඇත්ත කතාව හිත ටිකක් පෑරුණා. මං අපහාස විඳලා තියනවා තමා.ඒත් මේ තරම් මෙච්චර නම් කවද්දාවත්ම නෑ. මට කුණුගොඩක් කිව්වා. මං මේ පැය ගාණට එයා ටිකක් හරි හොඳ කෙනෙක් කියලා හිතුවා. ඒත් මං ඒක ඉල්ලා අස්කර ගන්නවා. නපුරා.